Padma Awards 2026 : केंद्र सरकारने प्रजासत्ताक दिनाच्या पूर्वसंध्येला म्हणजेच आज (२५ जानेवारी) पद्म पुरस्कारांची घोषणा केली आहे. पद्मश्री, पद्मविभूषण आणि पद्मभूषण असे तीन पुरस्कार प्रजासत्ताक दिनाच्या पूर्वसंध्येला जाहीर करण्याची प्रथा आहे. त्यानुसार ही घोषणा करण्यात आली आहे.
विविध क्षेत्रांमध्ये उल्लेखनीय कामगिरी करणाऱ्या व्यक्तींचा या पुरस्काराने सन्मान करण्यात येतो. यामध्ये महाराष्ट्रातील देखील काही दिग्गज व्यक्तींचा समावेश आहे. रघुवीर खेडकर, आर्मिडा फर्नांडिस आणि श्रीरंग लाड यांनाही हा पुरस्कार जाहीर करण्यात आला आहे. या बरोबरच महाराष्ट्राचे माजी राज्यपाल भगतसिंह कोश्यारी यांनाही पद्मभूषण पुरस्काराने सन्मानित करण्यात आलं आहे.
भगतसिंह कोश्यारी हे २०१९ ते २०२३ या दरम्यान महाराष्ट्राचे राज्यपाल होते. भगतसिंह कोश्यारी हे महाराष्ट्राच्या राज्यपाल या पदावर असताना त्यांच्या वक्तव्याची मोठी चर्चा झाली होती. अनेक आक्षेपार्ह वक्तव्ये भगतसिंह कोश्यारी यांनी केले होते. त्यानंतर राज्यातील राजकारण चांगलंच तापलं होतं. आता याच भगतसिंह कोश्यारी यांना पद्मभूषण पुरस्कार जाहीर करण्यात आला आहे.
रघुवीर खेडकर, आर्मिडा फर्नांडिस आणि श्रीरंग लाड यांनाही पुरस्कार जाहीर
केंद्र सरकारने नुकत्याच केलेल्या घोषणेनुसार लोकनाट्य कलाकार रघुवीर खेडकर यांना पद्म पुरस्कार जाहीर करण्यात आला आहे. महाराष्ट्रातीलच अर्मिडा फर्नांडीस यांनाही पद्मश्री पुरस्कार जाहीर करण्यात आला आहे. त्यांनी वैद्यकीय क्षेत्रात उल्लेखनीय कामगिरी केलेली आहे. परभणीचे श्रीरंग लाड यांना पद्मश्री पुरस्कार जाहीर करण्यात आला आहे. ते एक शेतकरी आहेत. त्यांनी कापूस या पिकाच्या उत्पन्न वाढीसाठी विशेष संशोधन केलेले आहे. त्यांच्याच कामाची दखल घेत केंद्र सरकारने त्यांना पद्मश्री पुरस्कार जाहीर केला आहे. यासह महाराष्ट्रातीलच भिकल्या लाडक्या धिंडा यांना देखील पद्म पुरस्कार जाहीर झाला आहे.
पद्म पुरस्कार कुणा कुणाला जाहीर झाले?
१) डॉ. पुन्नियामूर्ती नटेसन – पद्मश्री
२) डॉ. श्याम सुंदर – पद्मश्री
३) गफरुद्दीन मेवारती- पद्मश्री
४) हॅली वॉर- पद्मश्री
५) इंद्रजीत सिंग सिद्धू- पद्मश्री
६) के पजनीवेल- पद्मश्री
७) कैलाशचंद्र पंत-पद्मश्री
८) खेमराज सुंदरियाल- पद्मश्री
९) कोलाक्कईल देवकी अम्मा- पद्मश्री
१०) महेंद्र कुमार मिश्रा- पद्मश्री
११) मीर हाजीभाई कासमभाई- पद्मश्री
१२) मोहन नागर- पद्मश्री
१३) नरेंद्र चंद्र देव वर्मा- पद्मश्री
१४) निलेश मांडलेवाला- पद्मश्री
१५) नुरुद्दीन अहमद- पद्मश्री
१६) ओथुवार थिरुथानी- पद्मश्री
१७) पोकिला लेकथेपी- पद्मश्री
१८) आर कृष्णन- पद्मश्री
१९) आर अँड एस गोडबोले – पद्मश्री
२०) रघुपत सिंग- पद्मश्री
२१) रघुवीर खेडकर- पद्मश्री
२२) राजस्थपती कल्लिअप्पा गोंडुर- पद्मश्री
२३) रामा रेड्डी ममिडी- पद्मश्री
२४) एस. जी. सुशीलअम्मा- पद्मश्री
२५) संग्युसंग एस पोंगनेर- पद्मश्री
२६) श्रीरंग लाड- पद्मश्री
२७) अर्मिडा फर्नांडीस-पद्मश्री
२८) भिकल्या लडक्या धिंडा-पद्मश्री
२९) अंके गौडा-पद्मश्री
