बीडच्या तरुणाकडून गौतमी पाटीलला लग्नाची मागणी ; तुझ्या सर्व इच्छा-अटी मान्य, बोल तू होती का माझी परी?

बीड जिल्ह्यातील चिंचोलीमाळी (ता.केज) येथील रोहन गलांडे पाटील या शेतकरीपुत्राने चक्क गौतमी पाटील हिला पत्र पाठवून लग्नाची गळ घातली आहे. रोहन गलांडे याने पत्रात म्हटले आहे की, गौतमी पाटील ‘तू भारी तुझ्या घरी, पण तु होती का माझी परी?’ मी रोहन गलांडे पाटील तुझ्यासोबत लग्न करायला तयार आहे. मुलाखतीत कसा जोडीदार हवाय हे सांगताना गौतमी पाटील म्हणाली होती, आता मी २५ वर्षांची आहे. लग्न करून घरसंसार थाटावा अशी माझी इच्छा आहे. फक्त मला इच्छेप्रमाणे जोडीदार हवा आहे. मान, सन्मान, प्रसिद्धी, पैसा नको, फक्त त्याने कोणत्याही परिस्थितीत मला साथ द्यायला हवी. मी लहानपणी मुलींच्या शाळेत शिकले, मला भाऊ नाही. त्यामुळे पुरुष मंडळीशी माझा संबंध कधीच आला नाही. माझ्या संसाराचा भार आता एका पुरुषाने उचलावा, अशी माझी मनापासून इच्छा असल्याने लवकरच लग्न करण्याचा निर्णय घेणार आहे, असे गौतमीने मुलाखतीत सांगितले होते. त्याच मुलाखतीचा संदर्भ देत रोहन गलांडे पाटील याने गौतमीच्या संसाराचा भार उचलण्याची तयारी दर्शविली आहे. म्हणूनच पत्रात म्हटले आहे की, तुझ्या सर्व इच्छा-अटी मला मान्य आहेत. तू जशी आहेस तशीच मला आवडली आहे.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.