सांगलीत गणेशाचे थाटात आगमन; ध्वनिक्षेपकांच्या भिंती, ढोल-ताशांच्या निनादात मिरवणुका

यंदा पाऊसकाळ चांगला असल्याने गणेशोत्सव थाटात साजरा होत असून गणेशभक्तांच्या उत्साहाला उधाण आले आहे. सांगली शहरातील पुष्पराज चौक, गणपती पेठ, कुंभार गल्ली, विश्रामबाग गणेश मंदिर आदी ठिकाणी गणेशमूर्तीचे स्टॉल लावण्यात आले होते. सकाळपासून श्रींची मूर्ती घरी नेण्यासाठी भाविकांनी याठिकाणी गर्दी केली होती. गणपती बाप्पा मोरया, मंगलमूर्ती मोरयाच्या जयघोषात गणरायाचे घरोघरी आगमन झाले.
सांगलीच्या श्री गणपती पंचायतन संस्थांनच्या सरकारी गणपती उत्सवाला आजपासून मोठ्या भक्तीमय वातावरणात सुरुवात झाली आहे. सकाळी गणेश मंदिरातून दरबार हॉलपर्यंत सरकारी गणपतीच्या श्रीची पालखीतून मिरवणूक काढण्यात आली. त्यानंतर राजवाडा परिसरातील दरबार हॉल येथे सरकारी गणपतीची प्रतिष्ठापना करण्यात आली. गणपती संस्थानचे युवराज आदित्यराजे पटवर्धन यांच्या हस्ते सरकारी गणपतीची प्रतिष्ठापनेची आरती करण्यात आली. यावेळी श्रीमंत विजयसिंहराजे पटवर्धन, राणीसाहेब राजलक्ष्मी पटवर्धन आणि राजकन्या पौर्णिमा पटवर्धन, व्यवस्थापक जयदीप अभ्यंकर यांची विशेष उपस्थिती होती. आजपासून सरकारी संस्थानच्या गणपती उत्सवाला भक्तीमय वातावरणात सुरुवात झाली आहे. या पाच दिवसाच्या उत्सवामध्ये संगीतमय कार्यक्रम, पानसुपारी आणि विसर्जन मिरवणूक असे कार्यक्रम आहेत.

आणखी वाचा

“शिंदे-फडणवीस सरकारकडून दोन लाख कोटींचा घोटाळा,” विजय वडेट्टीवार यांचे गंभीर आरोप

“लग्नाची बातमी सर्वात आधी राज ठाकरेंना…”, प्रेमाची जाहीर…

Ratan Tata Death : “…कारण महापुरुष कधीच मरत नाहीत”, रतन टाटांच्या निधनानंतर आनंद महिंद्रांची पोस्ट

VIDEO : बछड्यांचे मादी बिबटसोबत पुनर्मिलन

दसऱ्याच्या दिवशी तुळजापूरमध्ये अग्रभागी असणाऱ्या माय मुहूर्ताब देवीच्या काठीचे तुळजापूरकडे प्रस्थान

मोदी यांच्या सभेमुळे प्रवाशांचे हाल; टीएमटीच्या बसगाड्या सभेसाठी वळविल्या, सॅटील पुलावर प्रवाशांच्या रांगा

Salil Ankola: माजी क्रिकेटपटू सलील अंकोला यांच्या आईचा संशयास्पद मृत्यू, गळ्यांवर जखमांच्या खूणा

गोंदिया : हातात फलक, डोळ्यात राग; बांगलादेशात हिंदूंवरील अत्याचाराच्या निषेधार्थ जनआक्रोश…

हेही वाचा – अहमदनगर : भंडारदरा पाणलोटातील घाटघरला आजपर्यंत पडला ५ हजार ३८ मिमी पाऊस

हेही वाचा – Puja Khedkar : वादग्रस्त आयएएस अधिकारी पूजा खेडकर सरकारी सेवेतून बरखास्त; केंद्र सरकारची मोठी कारवाई

दुपारपर्यंत घरगुती गणेशमूर्तीची प्रतिष्ठापना झाल्यानंतर सार्वजनिक मंडळाच्या गणेश आगमन मिरवणुकांना जोषात सुरुवात झाली. सांगली, मिरज व कुपवाड या तीन शहरांत ७५० हून अधिक सार्वजनिक मंडळांची यावेळी प्रतिष्ठापना होत आहे. मिरवणुकीमध्ये ढोल-ताशांसह बेंजोंचा समावेश तर होताच पण याचबरोबर ध्वनी मर्यादेचे उल्लंघन करणाऱ्या ध्वनिक्षेपकांच्या भिंतींचाही वापर करण्यात आला. श्रींच्या स्वागत मिरवणुका रात्री उशिरापर्यंत सुरू होत्या. गणेश उत्सवात होणारी गर्दी लक्षात घेऊन शहरातील काही मार्ग पोलिसांंनी वाहतुकीसाठी बंद केले होते. तर ठिकठिकाणी पोलीस बंदोबस्त ठेवण्यात आला होता.