गुहागर नगरपंचायतीवर भाजपाचा नगराध्यक्ष विराजमान होणार; महायुतीला १७ पैकी १३ जागांवर यश

गुहागर नगरपंचायत विजयी नगराध्यक्ष व नगरसेवकांना मिळालेली मतांमध्ये नगराध्यक्ष पदाच्या उमेदवार नीता विकास मालप (भाजप) यांना २१३५ मते मिळून विजयी झाल्या. प्रभाग १ मध्ये ठाकरे गटाचे समीर यशवंत बागकर यांना १४२, प्रभाग २ मधून उमेश अनंत भोसले यां ना २१९ (भाजप), प्रभाग ३ मध्ये स्वरा गणेश तेलगडे यांना १८६ (भाजप),

प्रभाग ४ मधून कोमल दर्शन जांभळी यांना १३३ (अपक्ष मनसे पुरस्कृत), प्रभाग ५ वैशाली संतोष मावळणकर या बिनविरोध (भाजप), प्रभाग ६ मधून अनुषा शार्दुल भावे यांना १७७ (भाजप), प्रभाग ७ मधून विदिशा धनंजय दणदणे यांना १०४ (शिंदे शिवसेना), प्रभाग ८ सुषमा सुधाकर रहाटे यांना ११८ मते (भाजप), प्रभाग ९ मीरा विकास घाडे यांना १३४ मते (भाजप), प्रभाग १० प्रदीप गोविंद बेंडल यांना १५४ (शिंदे शिवसेना), प्रभाग ११ मध्ये सुजित सुधाकर साठले यांना २०१ (शिंदे शिवसेना), प्रभाग १२ मध्ये विशाखा विश्वास सोमण यांना १२० मते (भाजप), प्रभाग १३ मधून राजेंद्र अर्जुन भागडे १७७ (शिंदे शिवसेना), प्रभाग १४ मध्ये सौरभ राजेंद्र बागडे यांना १४४ (राष्ट्रवादी अजित पवार), प्रभाग १५ मधून संदेश सुरेश उदेक यांना २२३ (शिंदे शिवसेना), प्रभाग १६ मधून अमोल प्रताप गोयथळे यांना १६९ (शिंदसेना), प्रभाग १७ मधून श्रिया सागर मोरे यांना १५१ (ठाकरे शिवसेना) मते मिळून विजयी झाले आहेत.

गुहागरमध्ये ठाकरे गटाचे आमदार भास्कर जाधव यांचे वर्चस्व असताना या नगर पंचायतीमध्ये फक्त दोनच जागा मिळविता आल्याने आमदार जाधव यांना हा मोठा धक्का असल्याचे सांगितले जात आहे.