BJP vs Congress CM in India : महाराष्ट्रातही मुख्यमंत्री झाल्यामुळे ‘ही’ शक्तीशाली राज्ये भाजपाच्या ताब्यात; तर इंडिया आघाडीकडे केवळ…

Comparison of BJP and Congress-Ruled States : निर्विवाद बहुमत मिळूनही तब्बल १३ दिवसांनी महायुतीने महाराष्ट्रात सत्ता स्थापन केली आहे. २३ नोव्हेंबर रोजी महाराष्ट्राच्या विधानसभा निवडणुकीचा निकाल लागला आणि पाच डिसेंबरच्या गुरुवारी, पंतप्रधान नरेंद्र मोदींसह देशभरातील वेगवेगळ्या राज्यांच्या मुख्यमंत्र्यांच्या उपस्थितीत आणि जनसमुदायाच्या साक्षीने महाराष्ट्राला पाच वर्षांच्या खंडाने लाभलेल्या स्थिर सरकारची मैफल जमली. देवेंद्र फडणवीस यांनी महाराष्ट्राच्या मुख्यमंत्रीपदाची तर, एकनाथ शिंदे व अजित पवार यांनी उपमुख्यमंत्रीपदाची शपथ घेतली. याद्वारे देशातील आणखी एका बलाढ्य राज्यात भाजपाचा मुख्यमंत्री निवडला गेला आहे. देशाच्या राजकारणात भाजपाप्रणित एनडीए (राष्ट्रीय लोकशाही आघाडी) विरुद्ध काँग्रेसप्रणित इडिया आघाडीत थेट स्पर्धा आहे. देशातील ३१ पैकी ९ राज्यांमध्ये (केंद्रशासित प्रदेशांसह) इंडियाचा मुख्यमंत्री आहे. तर, २१ राज्यांमध्ये भाजप्राप्रणित एनडीएचा मुख्यमंत्री आहे. यापैकी १३ राज्यांध्ये पंतप्रधान मोदींनी नेमलेला भाजपाचा मुख्यमंत्री आहे.

या बातमीद्वारे आपण देशभरातील वेगवेगळ्या राज्यांमधील मुख्यमंत्र्यांची यादी पाहणार आहोत. यामध्ये कोणत्या राज्यात कुठल्या पक्षाचा मुख्यमंत्री आहे ते जाणून घेणार आहोत.

आणखी वाचा

Devendra Fadnavis : राज्य निवडणूक आयुक्तांच्या निवडीचे सर्वाधिकार देवेंद्र फडणवीस यांना; स्थानिक स्वराज्य संस्थांच्या निवडणुकीपूर्वी मंत्रिमंडळाचा निर्णय

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

अरविंद केजरीवाल आणि ‘आप’ला रोखण्यासाठी भाजपाची मतदारांना कोणती आश्वासनं?

खासगी व्यक्तींच्या नियुक्तीस मनाई; मुख्यमंत्री देवेंद्र फडणवीस यांच्या निर्णयाने मंत्र्यांना धक्का

राज्य निवडणूक आयुक्तपदाचा आज निर्णय; नितीन करीर, राजीव जलोटा, राजगोपाल देवरा स्पर्धेत

Hemlata Patil : काँग्रेसला मोठा धक्का? ऐन महापालिका निवडणुकीच्या तोंडावर प्रवक्त्या डॉ.हेमलता पाटील पक्ष सोडणार?

महापालिका निवडणुकांआधी मविआत फूट? ठाकरेंच्या शिवसेनेला मुंबईत स्वबळावर लढणे कितपत शक्य?

महाविकास आघाडीत धुसफुस; शिवसेनेच्या स्वबळाच्या नाऱ्यानंतर काँग्रेस, राष्ट्रवादीचीही स्वतंत्र लढण्याची तयारी

हे ही वाचा >>> “तू राहशील किंवा मी राहीन”, उद्धव ठाकरेंच्या आव्हानावर फडणवीसांचं संयमी उत्तर ऐकून शिवसेना नरमली; राऊतांची सारवासारव

देशातील ३१ राज्ये (केंद्रशासित प्रदेशांसह) व मुख्यमंत्र्यांची यादी

क्र.	राज्य/केंद्रशासित प्रदेश	मुख्यमंत्री	पक्ष	एनडीए/इंडिया
1	आंध्र प्रदेश	एन. चंद्राबाबू नायडू	तेलुगू देशम पार्टी	एनडीए
2	अरुणाचल प्रदेश	पेमा खांडू	भारतीय जनता पार्टी	एनडीए
3	आसाम	हिमंता बिस्वा सरमा	भारतीय जनता पार्टी	एनडीए
4	बिहार	नितीश कुमार	जनता दल (संयुक्त)	एनडीए
5	छत्तीसगड	विष्णू देव साई	भारतीय जनता पार्टी	एनडीए
6	दिल्ली	अतिशी मार्लेना	आम आदमी पार्टी	इंडिया
7	गोवा	प्रमोद सावंत	भारतीय जनता पार्टी	एनडीए
8	गुजरात	भूपेंद्र पटेल	भारतीय जनता पार्टी	एनडीए
9	हरियाणा	नायबसिंह सैनी	भारतीय जनता पार्टी	एनडीए
10	हिमाचल प्रदेश	सुखविंदर सिंग सुखू	काँग्रेस	इंडिया
11	जम्मू आणि काश्मीर	ओमर अब्दुल्ला	नॅशनल कॉन्फरन्स	इंडिया
12	झारखंड	हेमंत सोरेन	झारखंड मुक्ती मोर्चा	इंडिया
13	कर्नाटक	एस. सिद्धरामय्या</td>	काँग्रेस	इंडिया
14	केरळ	पिनारायी विजयन	मार्क्सवादी कम्युनिस्ट पार्टी	इंडिया
15	मध्य प्रदेश	मोहन यादव	भारतीय जनता पार्टी	एनडीए
16	महाराष्ट्र	देवेंद्र फडणवीस	भारतीय जनता पार्टी	एनडीए
17	मणिपूर	एन. बिरेन सिंह	भारतीय जनता पार्टी	एनडीए
18	मेघालय	कॉनरॅड संगमा	नॅशनल पीपल्स पार्टी	एनडीए
19	मिझोराम	पी. यू. लालदुहोमा	झोरम पीपल्स मूव्हमेंट	तटस्थ
20	नागालँड	नेफियू रिओ	नॅशनलिस्ट डेमोक्रॅटिक प्रोग्रेसिव्ह पार्टी	एनडीए
21	ओडिशा	मोहन चरण माझी	भारतीय जनता पार्टी	एनडीए
22	पुद्दुचेरी	एन. रंगास्वामी	ऑल इंडिया एन. आर. काँग्रेस</td>	एनडीए
23	पंजाब	भगवंत मान	आम आदमी पार्टी	इंडिया
24	राजस्थान	भजनलाल शर्मा	भारतीय जनता पार्टी	एनडीए
25	सिक्कीम	प्रेमसिंग तमांग	सिक्किम क्रांतीकारी मोर्चा	एनडीए
26	तामिळनाडू	एम. के. स्टॅलिन	द्रविड मुन्नेत्र कळघम	इंडिया
27	तेलंगणा	अनुमुला रेवंत रेड्डी	काँग्रेस	इंडिया
28	त्रिपुरा	माणिक साहा	भारतीय जनता पार्टी	एनडीए
29	उत्तर प्रदेश	योगी आदित्यनाथ	भारतीय जनता पार्टी	एनडीए
30	उत्तराखंड	पुष्कर सिंह धामी	भारतीय जनता पार्टी	एनडीए
31	पश्चिम बंगाल	ममता बॅनर्जी	तृणमूल काँग्रेस	इंडिया

हे ही वाचा >> “…तर शिंदेंशिवाय शपथविधी झाला असता”, ठाकरेंच्या शिवसेनेचा दावा; म्हणाले, “सत्तेत आमचेही लोक, आतल्या गोष्टी…”

महाराष्ट्रात महायुतीचा दबदबा

राज्याच्या विधानसभा निवडणुकीत सत्ताधारी महायुतीने दमदार विजय मिळवत २३५ जागा जिंकल्या आहेत. हा विजय मिळवताना महायुतीने राज्यभरातून ४९.०६ टक्के मते मिळवली आहेत. तर महाविकास आघाडीच्या वाट्याला अवघ्या ४९ जागा आणि ३५.०३ टक्के मते आली. मतांची टक्केवारी आणि मताधिक्याचे विश्लेषण केल्यानंतर महायुतीने किती मोठा विजय मिळवला हे लक्षात येते. महायुतीने जिंकलेल्या जागांपैकी तब्बल १३८ जागांवर त्यांच्या उमेदवारांना ५० टक्क्यांहून अधिक मते मिळाली आहेत. राज्यात भाजपाने १३२, शिवसेनेने (शिंदे) ५७, राष्ट्रवादीने (अजित पवार) ४१ जागा जिंकल्या आहेत. तर, मविआमधील शिवसेनेने (ठाकरे) २०, काँग्रेसने १६ व राष्ट्रवादी काँग्रेसने (शरद पवार) केवळ १० जागा जिंकल्या आहेत.