एकनाथ खडसे राष्ट्रवादीत आले तर स्वागतच- अजित पवार

माजी उपमुख्यमंत्री अजित पवार यांनी हे वक्तव्य केलं आहे

गोपीनाथ गड या ठिकाणी झालेल्या गोपीनाथ मुंडे यांच्या जयंतीच्या कार्यक्रमाच्या वेळी भाजपाचे ज्येष्ठ नेते एकनाथ खडसे यांनी त्यांच्या मनातली खदखद बोलून दाखवली. देवेंद्र फडणवीस यांच्याविरोधात त्यांनी निशाणा साधला. ज्यांना आम्ही मोठं केलं ते आम्हाला विसरले असं सूचक वक्तव्य एकनाथ खडसे यांनी केलं. एवढंच नाही तर कार्यकर्त्यांना उद्देशून ते असंही म्हणाले की “पंकजाताई भाजपातच आहेत, माझा काही भरवसा नाही.” याबाबत जेव्हा राष्ट्रवादीचे नेते अजित पवार यांना प्रश्न विचारण्यात आला तेव्हा एकनाथ खडसे राष्ट्रवादीत आले तर त्यांचं स्वागतच करु असं अजित पवार यांनी म्हटलं आहे.

” एकनाथ खडसे हे मोठे नेते आहेत. त्यांनी इच्छा व्यक्त केली तर राष्ट्रवादी काँग्रेसमध्ये त्यांचं स्वागत करु. पंकजा मुंडे यांची नाराजी हा भाजपाचा अंतर्गत प्रश्न आहे” असं अजित पवार यांनी म्हटलं आहे. देवेंद्र फडणवीस तुम्हाला बंडाचे नायक म्हणत आहेत त्याबाबत काय सांगाल? असा प्रश्न अजित पवार यांना विचारण्यात आला तेव्हा त्यांनी नो कॉमेण्टस अशी प्रतिक्रिया दिली. भाजपाने शिवसेनेसाठी दारं खुली असल्याचं म्हटलंय याबाबत विचारलं असता अजित पवार म्हणाले, ” भाजपाने शिवसेनेला ऑफर देऊ दे की काहीही हरकत नाही. तो त्यांचा प्रश्न आहे. सध्या शिवसेना आमच्यासोबत आहे एवढंच मी सांगेन” तर नव्या सरकारमध्ये उपमुख्यमंत्रीपद तुम्हाला मिळणार का? असं विचारलं असता अजित पवार म्हणाले, याबाबतचा जो काही योग्य निर्णय असेल तो शरद पवार घेतील.

 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: If eknath khadse joins ncp we will definitely welcome him says ajit pawar scj

Next Story
‘बुद्धिस्ट सर्किट’ विकासातून पर्यटनास चालना
ताज्या बातम्या