जयंत पाटील यांनी पहाटेच्या शपथविधीबाबत केलेलं वक्तव्य खरं असेल तर शरद पवारांनी महाराष्ट्राचा अपमान केला आहे. शरद पवार देवेंद्र फडणवीस यांना मुख्यमंत्री होऊ द्यायचं नाही म्हणून जर तो खेळ केला असेल तर त्यांनी महाराष्ट्राच्य जनमताचा अपमान केला आहे. जर जयंत पाटील खोटं बोलत असतील तर ते शरद पवारांचा अपमान का करत आहेत? यामध्ये मला दोन भाग दिसत आहेत की शरद पवार या कपटात सहभागी असतील. नाहीतर जयंत पाटील खोटं बोलत असतील तर त्यांचा काहीतरी राग असेल असं भाजपाचे प्रदेशाध्यक्ष चंद्रशेखर बावनकुळे यांनी म्हटलं आहे.

चंद्रशेखर बावनकुळेंनी काय म्हटलं आहे?

राष्ट्रवादी काँग्रेसचे प्रदेशाध्यक्ष जयंत पाटील हे सांगत आहेत की जे काही पहाटेच्या शपथविधीच्या वेळी घडलं तो शरद पवारांनी केलेला शकुनीमामांचा खेळ केला. तसं नसेल तर त्यांनी जयंत पाटील नेत्याची बदनामी का करत आहेत? देवेंद्र फडणवीस यांना शरद पवारांनी का मुख्यमंत्री होऊ दिलं नाही? शरद पवारांना देवेंद्र फडणवीस यांच्या नावाचा आक्षेप का होता? या सगळ्या गोष्टी स्पष्ट झाल्या पाहिजेत अशी मागणी आज चंद्रशेखर बावनकुळे यांनी केली आहे. दोन दिवसांपूर्वी जयंत पाटील यांनी पहाटेचा शपथविधी ही शरद पवारांचीच खेळी होती असं वक्तव्य केलं होतं. त्यावरून आज चंद्रशेखर बावनकुळे आक्रमक झालेले पाहण्यास मिळाले.

Bahujan vikas aghadi hitendra thakur marathi news
बहुजन विकास आघाडीचे जोरदार शक्तीप्रदर्शन; पालकमंत्र्यांच्या नोटिशीची खिल्ली, फडणवीसांवर हल्लाबोल
Devendra Fadnavis
“सदाभाऊ यावेळी संधी पक्की, पण पुढच्या वेळी…”; देवेंद्र फडणवीसांचं शिंदे गटाच्या नेत्याबाबत मोठं विधान
congress leader prithviraj chavan attacked modi government in public meeting in sangvi
नरेंद्र मोदींच्या विरोधात प्रचंड मोठी लाट – पृथ्वीराज चव्हाण; सांगवीतील जाहीर सभेत महाविकास आघाडीच्या नेत्यांचा मोदी सरकारवर प्रहार
DCM Ajit Pawar
आईवरून टीका झाल्यानंतर अजित पवारांचं प्रत्युत्तर; म्हणाले, “तुम्हाला एवढ्या मिरच्या झोंबल्या…”
thane lok sabha marathi news, naresh mhaske marathi news
नरेश म्हस्केंच्या मिरवणुकीकडे गणेश नाईक समर्थकांची पाठ
Devendra Fadnavis and Uddhav Thackeray
देवेंद्र फडणवीसांचा हल्लाबोल; म्हणाले, “मी काँग्रेसचा मतदार हे उद्धव ठाकरे म्हणाल्याचं ऐकून बाळासाहेबांच्या आत्म्याला..”
uddhav devendra Fadnavis
“मी नागपुरी आहे, त्यामुळे मला त्यांच्यापेक्षा…”, देवेंद्र फडणवीसांचं उद्धव ठाकरेंच्या ‘त्या’ टीकेला प्रत्युत्तर
Raosaheb Danve On Abdul Sattar
“सत्तार साहेब मैं तुम्हारा साला हूँ, क्यू बार-बार…”; रावसाहेब दानवे यांचा मिश्किल टोला

देवेंद्र फडणवीस यांच्याबाबत शरद पवार असं का वागले?

देवेंद्र फडणवीस का चालत नव्हते? देवेंद्र फडणवीस मुख्यमंत्री होऊ नये म्हणून एवढं मोठं महाभारत शरद पवारांना घडवावं लागलं? देवेंद्र फडणवीसांना जनतेने निवडून दिलं होतं. त्यांना मुख्यमंत्री होऊ दिलं नाही हे कारस्थान शरद पवारांनी केलं असेल तर हे वाईट आहे. असं राजकारण त्यांनी यापुढे करू नये अशी माझी त्यांना विनंती आहे असंही चंद्रशेखर बावनकुळे यांनी म्हटलं आहे.

जयंत पाटील यांच्या म्हणण्याप्रमाणे शरद पवारांनी अजित पवारांना बळीचा बकरा केला? आपल्या घरातच शरद पवारांनी षडयंत्र रचलं आहे असं जयंत पाटील यांना म्हणायचं आहे का?ज्या पद्धतीने हे सगळं घडवून आणलं आणि जयंत पाटील एवढ्या उशिरा का बोलले? एकतर ते शरद पवारांना बदनाम करत आहेत आणि समजा शरद पवारांनी हे कारस्थान केलं असेल तर शरद पवारांचा खरा चेहरा जयंत पाटील जनतेच्या समोर आणत आहेत.

आत्तापर्यंत हे जे काही षडयंत्र महाराष्ट्रात झालं त्यात एकटे उद्धव ठाकरे हे आमच्यासमोर शकुनीमामाच्या भूमिकेत होते. महाभारताच्या युद्धातले दुर्योधन उद्धव ठाकरेच आहेत असं वाटत होतं. पण त्यामागे शकुनीमामा होते असं जयंत पाटील म्हणाले त्यांचा खुलासा शरद पवारांनी का केला नाही? शरद पवारांनी तुकडे तुकडे गँगचं सरकार का स्थापन केलं? उद्धव ठाकरे हे एकटेच यासाठी जबाबदार नाहीत तर शरद पवारही जबाबदार आहेत असंही चंद्रशेखर बावनकुळे यांनी म्हटलं आहे.