सांगली : चुलत्या-पुतण्यांनी आपसात खरेदी केलेल्या जमिनीची नोंद करुन सातबारा उतारा देण्यासाठी दहा हजाराची लाच घेताना तडसर (ता.कडेगाव) येथील तलाठी वैभव तारळेकर याला गुरुवारी अटक करण्यात आली. तक्रारदार व पुतण्या यांनी एकमेकांस विक्री केलेल्या शेतजमिनीची ७/१२ सदरी नोंद घेवून ७/१२ उतारा देणेकरीता तलाठी तडसरचे तलाठी वैभव सुभाष तारळेकर यांनी तक्रारदार यांचेकडे १० हजार रुपये लाच मागणी केली होती. तक्रारदार यांनी दिलेल्या तक्रारीनुसार पडताळणी केली असता लाचेची मागणी केल्याचे निष्पन्न झाले. गुरुवारी कडेगाव तडसर रोडलगत असले कृष्णा अपार्टमेंट या ठिकाणी सापळा लावला असता तलाठी श्री. तारळेकर, यांना १० हजार रूपये लाच रक्कम स्वीकारत असताना रंगेहात पकडण्यात आले आहे.

हेही वाचा : शक्तिपीठ व हरित महामार्गाला जमिनी देण्यास सोलापुरातही विरोध, सत्ताधारी लोकप्रतिनिधींचे मौन

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: In sangli talathi arrested while accepting bribe of 10 thousand for land registration css