scorecardresearch

Premium

सोलापूर : बार्शीत शिक्षक पत्नीसह मुलाचा खून करून शिक्षकाची आत्महत्या

अतुल मुंढे हे करमाळा तालुक्यातील जिल्हा परिषद शाळेत शिक्षकपदावर सेवेत होते.

solapur crime news, barshi crime news, teacher commits suicide in barshi,
बार्शीत शिक्षक पत्नीसह मुलाचा खून करून शिक्षकाची आत्महत्या (संग्रहित छायाचित्र)

सोलापूर : बार्शी शहरात मंगळवारी घडलेल्या भयानक घटनेत एका शिक्षक पतीने आपल्या शिक्षक पत्नीसह कोवळ्या मुलाचा खून करून नंतर स्वतः आत्महत्या केली. या घटनेने बार्शी शहर हादरले आहे. बार्शी शहरातील उपळाई रस्त्यावर नाईकवाडी प्लाॅटमध्ये ही घटना घडली. अतुल सुमंत मुंढे (वय ४०), तृप्ती अतुल मुंढे (वय ३५) आणि ओम (वय ५) अशी मृतांची नावे आहेत. अतुल याने एवढे टोकाचे पाऊल का उचलले, याचे कारण लगेचच स्पष्ट झाले नाही. बार्शी शहर पोलिसांनी तपासाची चक्रे फिरवायला सुरूवात केली आहे.

अतुल मुंढे हे करमाळा तालुक्यातील जिल्हा परिषद शाळेत शिक्षकपदावर सेवेत होते. तर त्यांच्या पत्नी तृप्ती बार्शीत अभिनव प्राथमिक शाळेत शिक्षिका होत्या. दोघांना ओम नावाचा पाच वर्षांचा मुलगा होता. या शिक्षक दाम्पत्याचा संसार सुरळीतपणे चालला असतानाच अतुल याने पत्नी तृप्ती हिचा चाकूने गळा चिरून खून केला. नंतर त्याने मुलगा ओम याचा उशीने तोंड दाबून खून केला. पत्नी आणि मुलाचा खून केल्यानंतर अतुल याने स्वतः गळफास घेऊन आत्महत्या केली.

agniveer accident dies wardha indian army maharashtra
वर्धा : कर्तव्यावरील अग्निवीराचा मृत्यू, शासकीय इतमामातच होणार अंत्यसंस्कार.
job recruitment
नोकरीची संधी
16 suspects detained in case of offensive message in Nandgaon taluka
नांदगाव तालुक्यात आक्षेपार्ह संदेशप्रकरणी १६ संशयित ताब्यात
navi mumbai municipal corporation maratha reservation survey work marathi news
नवी मुंबई : महापालिका शिक्षकांवर सर्वेक्षण कामांचा भार!

हेही वाचा : “मीसुद्धा अडीच वर्षे मुख्यमंत्री होतो, काही गोष्टी…”, तेलंगणात प्रचारासाठी गेलेल्या शिंदेंवर ठाकरेंची टीका, म्हणाले…

अतुल हा पत्नी व मुलासह घरात वरच्या मजल्यावर राहात होता. तर खालच्या मजल्यात त्याचे आई-वडील राहतात. सकाळी उशिरापर्यंत अतुल वा अन्य कोणीही खाली न आल्यामुळे आईने वर जाऊन पाहिले असता ही धक्कादायक घटना उजेडात आली.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: In solapur at barshi teacher commits suicide after killing his wife and son css

First published on: 28-11-2023 at 14:55 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×