बदलत्या वातावरणामुळे सर्दी,खोकल्याच्या रुग्णांमध्ये वाढ; करोना संसर्गाच्या भीतीने रुग्णालयांमध्ये गर्दी

रुग्णालयांमध्ये सर्दी, खोकला, तापाच्या रुग्णांची संख्या झपाट्याने वाढत आहे.

Increase in cold cough patients due to changing climate
(फोटो -इंडियन एक्सप्रेस)

राज्यात गेल्या आठवड्यापासून तापमानाचा पारा घसरला असून हवेत गारवा जाणवू लागला आहे. सतत बदलणाऱ्या वातावरणामुळे रुग्णसंख्येत वाढ झाली आहे. सध्या अनेक ठिकाणी सर्दी, खोकला, ताप, अपचनाचा त्रास, हात-पाय दुखणे अशा आजारांचा सामना करावा लागत आहे. काहींचा ताप पाच ते सहा दिवस राहत असल्याच्या तक्रारींतही वाढ झाली असून शासकीय रुग्णालयात रुग्णांची गर्दी वाढली आहे.

बुलढाण्यात अनेक ठिकाणी जिल्ह्यात बदलत्या वातावरणामुळे तापमान कमी-अधिक होत आहे. दुपारी कडक ऊन तर सकाळी आणि सायंकाळी गारवा जाणवत असल्याने आजार बळावत आहेत. विशेषत: रोगप्रतिकारशक्ती कमी असलेली लहान मुले, ज्येष्ठ नागरिक, गरोदर महिला यांना या वातावरणाचा त्रास जाणवत आहे. दररोज शासकीय रूग्णालयांमध्ये ओपीडीमध्ये रुग्ण सर्दी, खोकला आणि तापाच्या आजारांचे रुग्ण वाढल्याचे डॉक्टरांकडून सांगण्यात येत आहे.

करोना संसर्गाच्या भीतीने खामगाव रुग्णालयांमध्ये सर्दी, खोकला, तापाच्या रुग्णांची संख्या झपाट्याने वाढत आहे. करोनाच्या संशयित रुग्णांचे प्रमाणही वाढत चालल्यामुळे रुग्णालयांवरील ताणही वाढला आहे. सर्दी, खोकला, तापासारख्या आजारांवर औषधांच्या दुकानातून गोळ्या घेऊन उपचार करण्याकडे नागरिकांचा कल असतो. मात्र सध्या असे त्रास वाढल्यास नागरिक उपजिल्हा रुग्णालयांत धाव घेत आहेत. एकट्या खामगावच्या रुग्णालयात करोनाचे १०० च्या वर रुग्ण दाखल आहेत. संशयित रुग्णाना दाखल करण्याचे प्रमाणही वाढत आहे.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Increase in cold cough patients due to changing climate abn

Next Story
संपामुळे कर्मचाऱ्यांचे वेतन थकले; आर्थिक विवंचनेतून एसटी चालक चक्क भादरतोय म्हशी..
ताज्या बातम्या
फोटो गॅलरी