करोनामुळे निर्माण झालेल्या आपत्तीला इष्टापत्तीत बदलण्याची संधी – नितीन गडकरी

ग्रामीण, कृषी, वनवासी क्षेत्रात जास्तीत जास्त रोजगार निर्मिती झाली पाहिजे असे नितीन गडकरी म्हणाले.

“करोना व्हायरसचं संकट संपल्यानंतर आपल्याला आर्थिक आघाडीवर मोठी लढाई लढावी लागेल. करोना व्हायरसमुळे चीनबद्दल निर्माण झालेल्या वातावरणात आपल्याला आपत्तीला इष्टापत्ती बदलण्याची संधी आहे” असे मत केंद्रीय मंत्री नितीन गडकरी यांनी व्यक्त केले.

“अमेरिका, जर्मनी, इटली, फ्रान्स आणि जपान या देशांना कुठल्याही परिस्थितीत चीनमधून आयात करायची नाहीय. या परिस्थितीत भारताला चांगली संधी आहे. हाँगकाँग, फिलीपाइन्स या देशांमध्ये ही गुंतवणूक न जाता एमएसईबीच्या माध्यमातून ही भांडवली गुंतवणूक भारतात आली पाहिजे. आपली आयात कमी होऊ निर्यात वाढली तर रोजगाराच्या संधी वाढतील” असे गडकरी म्हणाले.

‘ग्रामीण, कृषी, वनवासी क्षेत्रात जास्तीत जास्त रोजगार निर्मिती झाली पाहिजे. ग्रामीण भागातील शेतकरी आणि त्यांची मुल समृद्ध झाली पाहिजेत’ असे गडकरी म्हणाले. “कोणकोणत्या क्षेत्रात आपण जास्त आयात करतोय ती क्षेत्र आम्ही हेरली आहेत. तिथे निर्यात वाढवण्याचा प्रयत्न आहे. लोक पुन्हा शहरातून गावाकडे गेले पाहिजेत तशा पद्धतीचा विकास झाला पाहिजे” असे गडकरी म्हणाले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: India have chance of growth nitin gadkari dmp

Next Story
गैरव्यवहारात अडकलेल्या मंत्र्यांनी राजीनामे द्यावेत -खडसे
ताज्या बातम्या