गुन्हेगारी वाढली म्हणून जळगाव पोलिसांनी काढली गुंडांची धिंड; भरचौकात गुंडगिरी करणाऱ्यांना दिलं आव्हान

जळगावमधील मुक्ताईनगरमध्ये पोलिसांनी गुंडगिरीला आळा घालण्यासाठी गुंडांची धिंड काढल्याची घटना समोर आली आहे

Jalgaon Police, Muktainagar, criminals
"कोणत्याही प्रकारची गुंडगिरी खपवून घेणार नाही," जळगाव पोलिसांचा इशारा

जळगावमधील मुक्ताईनगरमध्ये पोलिसांनी गुंडगिरीला आळा घालण्यासाठी गुंडांची धिंड काढल्याची घटना समोर आली आहे. मुक्ताईनगर तालुक्यातील कुऱ्हा परिसरात गेल्या काही दिवसांपासून दरोडे, हत्या, अवैध धंदे, फसवणूक, काळा बाजार अशा अनेक प्रकारचे गुन्हे वाढले होते. या वाढलेल्या गुन्हेगारीच्या विरोधात सामाजिक कार्यकर्त्यांनी पोलिस निरीक्षक राहुल खताळ यांना निवेदन दिले होते.

पोलीस निरीक्षक राहुल खताळ यांनी या वाढत्या गुन्ह्यांची गांभीर्याने दखल घेतली. यानंतर राहुल खताळ यांनी काही दिवसांपूर्वी घडलेल्या माजी सैनिकांच्या खुंनाच्या आरोपींना पकडून त्यांची कुऱ्हा परिसरात धिंड काढली. राहुल खताळ यांनी यावेळी तेथील जनतेशी संवाद साधत कोणालाही सोडणार नाही, बदमाशांना ठेचल्याशिवाय राहणार नाही असा इशारा दिला. चांगल्या लोकांच्या केसाला धक्का लागणार नाही, पण कोणत्याही प्रकारची गुंडगिरी खपवून घेणार नाही असंही स्पष्ट केलं. सामान्यांकडून पोलिसांनी गुंडांविरोधात सुरु केलेल्या या कारवाईचं कौतुक केलं जात आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Jalgaon police parade criminals sgy

Next Story
पेट्रोल, डिझेल, एलपीजी दरात पुढील आठवडय़ात वाढ?
ताज्या बातम्या