Jaydev Unadkat's redball tweet is going viral after 11 months | Loksatta

Jaydev Unadkat Tweet: ११ महिन्यानंतर उनाडकटचे ‘हे’ ट्विट होत आहे व्हायरल; जाणून घ्या कारण

बांगलादेशविरुद्धच्या दोन कसोटी सामन्यांच्या मालिकेसाठी जयदेव उनाडकटचा भारतीय संघात समावेश करण्यात आला आहे. उनाडकटच्या टीममध्ये आल्यानंतर त्याचे एक ट्विट चांगलेच व्हायरल होत आहे.

Jaydev Unadkat Tweet: ११ महिन्यानंतर उनाडकटचे ‘हे’ ट्विट होत आहे व्हायरल; जाणून घ्या कारण
जयदेव उनाडकट ट्विट (फोटो-लोकसत्ता ग्राफिक्स टीम)

भारत आणि बांगलादेश संघात दोन सामन्यांची कसोटी मालिका खेळली जाणार आहे. या मालिकेला १४ डिसेंबरपासून सुरुवात होणार आहे. नुकतेच बीसीसीआयच्या एक सूत्राने सांगितले की, दुखापत झालेल्या मोहम्मद शमीच्या जागी एक गोलंदाजाची संघात निवड करण्यात आली आहे. तो गोलंदाज दुसरा कोण नसून जयदेव उनाडकट आहे. जयदेव उनाडकट तब्बल १२ वर्षानंतर कसोटी संघात पुनरागमन करत आहे. अशात उनाडकटचे एक ट्विट चर्चेत आले आहे.

जयदेव उनाडकटने जानेवारी २०२२ मध्ये एक ट्विट केले होते, त्या ट्विटमध्ये त्याने रेड बॉलला संधी देण्यास सांगितले होते. आता, जवळपास ११ महिन्यांनंतर, रेड बॉलने त्याच्या आवाहनाकडे लक्ष दिले आहे. कारण दुखापतग्रस्त मोहम्मद शमीच्या जागी १४ डिसेंबरपासून, बांगलादेशविरुद्धच्या कसोटी मालिकेसाठी जयदेव उनाडकटचा भारतीय संघात समावेश करण्यात आला आहे.

उनाडकटने १२ वर्षांपूर्वी २०१० मध्ये दक्षिण आफ्रिकेविरुद्धच्या सेंच्युरियन कसोटीत पदार्पण केले होते, परंतु त्या कसोटीत त्याला एकही बळी घेता आला नाही. त्यानंतर आता त्याला कसोटी क्रिकेटमध्ये पुनरागमन करण्याची संधी मिळाली आहे. मात्र, या गेल्या १२ वर्षांत त्याने देशांतर्गत क्रिकेटमध्ये विकेट्स घेतल्या आणि आपल्या सातत्यपूर्ण कामगिरीने चाहत्यांची मने जिंकली. अशात, जेव्हा त्याला भारतीय संघात संधी मिळत नव्हती, तेव्हा त्याने यावर्षी जानेवारी २०२२ मध्ये एक ट्विट केले होते.

या ट्विटमध्ये त्यांनी लिहिले, “प्रिय रेड बॉल, कृपया मला आणखी एक संधी द्या. मी तुम्हाला अभिमान बाळगण्याची संधी देईन. हे माझे वचन आहे.”

हेही वाचा – IND vs BAN Test Series: ‘हा’ गोलंदाज असणार मोहम्मद शमीचा बदली खेळाडू; १२ वर्षांनंतर कसोटी संघात पुनरागमन

आयपीएल फ्रँचायझी राजस्थान रॉयल्सनेही त्याचे हे जुने ट्विट रिट्विट केले आहे. उनाडकटचे हे ट्विट आता व्हायरल होत आहे कारण जवळपास ११ महिन्यांनंतर रेड बॉलने त्याची हाक ऐकली आहे आणि तो पांढऱ्या जर्सीमध्ये भारताकडून खेळताना दिसणार आहे. मात्र, त्याला प्लेइंग इलेव्हनमध्ये संधी मिळते की नाही, हे येणारा काळच सांगेल, पण तो प्लेइंग इलेव्हनमध्ये खेळला तर आता रेड बॉलने त्याला दिलेले वचन पूर्ण करण्याची जबाबदारी त्याच्यावर असेल. कारण रेड बॉलने एक संधी दिली आहे.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 10-12-2022 at 13:45 IST
Next Story
शहरी नक्षलवाद प्रकरण : हानी बाबू यांची अंतरिम वैद्यकीय जामिनासाठी याचिका