karjat forest officials arrest five persons for hunting wild boar zws 70 | Loksatta

अलिबाग : रानडुकराची शिकार करणाऱ्यांना पकडले ; साळोखवाडी वनविभागाने केली यशस्वी कारवाई

न्यायालयाने या प्रकरणी एकूण पाच आरोपींना सहा  दिवसाची वन कोठडी  सुनावली आहे.

अलिबाग : रानडुकराची शिकार करणाऱ्यांना पकडले ; साळोखवाडी वनविभागाने केली यशस्वी कारवाई
रानडुकराची शिकार करून मांस विक्री करणाऱ्या पाच जणांना कर्जत वनपरिक्षेत्र अधिकारी यांनी जेरबंद केले आहे

रानडुकराची शिकार करून मांस विक्री करणाऱ्या पाच जणांना कर्जत वनपरिक्षेत्र अधिकारी यांनी जेरबंद केले आहे. त्यांच्याकडून ३९ किलो रान डुकराचे मांस आणि अवयव जप्त करण्यात आले आहेत.  

कर्जत वनपरिक्षेत्र अधिकारी यांना शिकारीबाबतची माहिती मिळाली होती. त्यानूसार त्यांनी कर्जत पूर्व परिमंडळ हुमगाव, मौजे साळोखवाडी येथील रहिवासी मारुती पवार यांच्या घरासमोर असलेल्या बकऱ्यांच्या बेड्यावर धाड टाकण्यात आली. यावेळी आरोपी दशरथ बाळू वाघमारे, शरद रघुनाथ वाघमारे, सोमनाथ पप्पू पवार, साळोखवाडी, दिपक लहानू पवार (सर्व आरोपी राहणार मौजे साळोखवाडी) यांनी रानडुकराची शिकार करून त्याच्या अवयवाचे व मांसाच्या विक्रीसाठी कोयत्याने तुकडे करीत असताना आढळून आले. त्यांनी वनकर्मचाऱ्यांना पाहून घटनास्थळावरून पळ काढण्याचा प्रयत्न केला.

मात्र वनकर्मचाऱ्यांनी या गुन्ह्यातील आरोपी दशरथ बाळू वाघमारे यांना ताब्यात घेतले. या आरोपीने सांगितलेल्या जबानीवरुन रविंद्र मुका वाघमारे, वय वर्ष ५२, रा.डोनेवाडी ता.कर्जत यास अटक केली. त्यानंतर शरद रघुनाथ वाघमारे, रा.साळोखवाडी व  दिपक लहानू पवार, रा.साळोखवाडी यांना ताब्यात घेण्यात आले. त्यांनी दिलेल्या माहितीच्या आधारे या संपूर्ण कटात सहभागी असल्याने  गजानन मारुती पवार, रा.डोणेवाडी ता.कर्जत यालाही अटक केली.

गुन्ह्यातील आरोपींना प्रथम वर्ग न्यायालय, कर्जत येथे हजर करण्यात आले.  न्यायालयाने या प्रकरणी एकूण पाच आरोपींना सहा  दिवसाची वन कोठडी  सुनावली आहे. या प्रकरणाचा कर्जत (पूर्व) वनक्षेत्रपाल प्रदीप चव्हाण हे अलिबाग उपवनसंरक्षक आशिष ठाकरे व पनवेल सहाय्यक वनसंरक्षक एस.एन.वाघमोडे यांच्या मार्गदर्शनाखाली पुढील तपास करीत आहेत.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“गुप्तांगावर जळाल्याच्या खुणा, चामडी निघाली”, अहमदनगरमध्ये सात वर्षीय मुकबधीर मुलीवर अत्याचार, चित्रा वाघांचा गंभीर आरोप

संबंधित बातम्या

गुजरातमधील भाजपाच्या विजयानंतर उद्धव ठाकरेंकडून पंतप्रधान मोदींचं अभिनंदन; म्हणाले, “भाजपाने मिळवलेला विजय…”
“महाराष्ट्रद्रोह्यांना वेळीच आवरले नाही, तर…”; उद्धव ठाकरेंचे शिंदे-भाजपा सरकारवर टीकास्र, गुजरात निवडणुकीवरूनही लगावला टोला
गुजरात निवडणूक निकालावर नाना पटोलेंची पहिली प्रतिक्रिया, म्हणाले, “ड्रग्जची आयात…”
गुजरातमधील भाजपाच्या विजयानंतर अजित पवारांची पहिली प्रतिक्रिया; म्हणाले, “एक्झिट पोलनुसार…”
“…तर सरकार चालवण्याची जबाबदारी मी घ्यायला तयार” ; उद्धव ठाकरेंचं मोठं विधान!

व्हिडिओ

ताज्या बातम्या
भंडारा: बापरे!… हत्ती की रोनाल्डो; फुटबॉलसारखी उडवली दुचाकी
रिक्षा चालकाच्या बाजूला बसून मराठमोळ्या अभिनेत्रीचा प्रवास; पोस्ट शेअर करत म्हणाली “आपली चौकट…”
David Warner Leadership Ban: “त्याला बळीचा बकरा बनवण्यात आले “, माजी खेळाडू मायकेल क्लार्कचे वक्तव्य
Video : “‘बिग बॉस’ मला घरी जायचं आहे, इथून बाहेर काढा” टीना दत्ता ढसाढसा रडू लागली, कारण…
बिग बी शाहरुखनंतर मादाम तुसाँमध्ये ‘या’ अभिनेत्याला मिळाले स्थान; बॉलिवूडमध्ये होतंय कौतुक