लोकसत्ता प्रतिनिधी

सोलापूर : वाहन कर्जाचे हप्ते न भरल्याने एका खासगी बँकेच्या कर्जवसुली एजंटांनी संबंधित कर्जदाराच्या तरुण मुलाचे अपहरण केले. त्याच्या ताब्यातील मोटार काढून घेतली आणि तरुणाला एका गोदामात डांबून ठेवण्याचा धक्कादायक प्रकार सोलापुरात घडला. याप्रकरणी तिघा जणांना पोलिसांनी ताब्यात घेतले आहे.

deformed youth who came to fix shutters of shop near school molested 17 school girls
नागपूर:विकृतपणाचा कळस , १७ शाळकरी मुलींशी चाळे
AAP defeat in Delhi polls is a setback to Uddhav Thackeray and Sharad Pawar
Delhi Assembly Election: पराभव ‘आप’चा, धक्का उद्धव ठाकरे…
Two wheeler thief arrested from rural area Pune print news
ग्रामीण भागातून दुचाकी चोरणारा गजाआड; वाशिममधील चोरट्याकडून ११ दुचाकी जप्त
4 pistols 23 cartridges seized from absconding accused solhapur crime
सोलापूर: फरारी आरोपीकडून ४ पिस्तूल, २३ काडतुसे जप्त
Fraud by taking loans in the name of tribal women in Shahapur
शहापुरात आदिवासी महिलांच्या नावावर कर्ज घेऊन फसवणुक; एका दाम्पत्याला पोलिसांनी केली अटक
Shanti Nagar police arrested gang diverting cyber fraud money into accounts of unemployed individuals
महिलांचे दागिने चोरणाऱ्या चोरास ऐवजासह अटक
Three-year-old girl kidnapped in Worli kidnapper arrested within three hours
वरळीत तीन वर्षांच्या मुलीचे अपहरण, तीन तासात अपहरणकर्त्या महिलेला अटक
Attempted kidnapping of Birla College student in Kalyan
कल्याणमध्ये बिर्ला महाविद्यालयातील विद्यार्थ्याच्या अपहरणाचा प्रयत्न

हा अपहरणाचा प्रकार शहरातील जेल रोड पोलीस ठाण्याच्या हद्दीत घडला असून, संबंधित कर्जदाराने दिलेल्या फिर्यादीनुसार, शकील बोंडे, इम्रान शेख आणि देवा जाधव अशा तिघा जणांविरुद्ध अपहरण आणि खंडणीचा गुन्हा दाखल झाला आहे. त्यांना पोलिसांनी ताब्यात घेतले आहे.

एखाद्या कर्जदाराने बँकेच्या कर्जाचे हप्ते थकविल्यास बँकेकडून त्या कर्जदाराची गहाण ठेवलेली आणि जामीनदाराची मालमत्ता जप्त केली जाते. ही अशी कायदेशीर कारवाई नेहमीच होते. परंतु कर्जदाराने कर्जाचे हप्ते न भरल्यामुळे संबंधित कर्जदाराच्या मुलाचेच अपहरण करण्यापर्यंत बँकेची मजल गेल्याने संताप व्यक्त होत आहे.

या प्रकरणातील पीडित कर्जदार व्यक्तीने एका खासगी बँकेकडून मोटार खरेदीसाठी वाहन कर्ज घेतले होते. अलीकडे काही महिन्यांपासून कर्जाचे हप्ते थकीत राहिल्याने बँकेच्या कर्जवसुली पथकाने संबंधित कर्जदाराकडे तगादा लावला होता. त्यातूनच या पथकातील तिघा एजंटांनी कर्जदाराच्या तरुण मुलाचे चक्क अपहरण केले. त्या वेळी कर्जदाराची मोटार त्याचा मुलगा चालवत होता. कर्जवसुली पथकातील एजंटांनी मोटार ताब्यात घेऊन मुलाचे अपहरण करून त्यास एका गोदामात डांबून ठेवले. हा प्रकार लक्षात येताच संबंधित कर्जदाराने कर्जवसुली पथकाकडे धाव घेतली असता, मुलाच्या मुक्ततेसाठी त्यांना दहा हजार रुपयांची खंडणी मागितली, असे फिर्यादीत म्हटल्याचे पोलीस उपायुक्त (परिमंडळ) विजय कबाडे यांनी सांगितले.

Story img Loader