सेवानिवृत्तीनंतरच्या लाभाच्या कागदपत्रांची पूर्तता करण्यासाठी ५ हजार रुपयांची लाचेची रक्कम स्वीकारत असताना वैद्यकीय अधिकारी रंगेहात पकडला गेला. याप्रकरणी लाचलुचपत प्रतिबंधक विभागाने डॉ. अशितोष तराळ (वय ३८, रा. मलकापूर मूळ कुरुंदवाड) याच्यावर मंगळवारी गुन्हा दाखल केला आहे. यातील तक्रारदार हे आज सेवानिवृत्त होत आहेत. सेवानिवृत्तीनंतरच्या लाभांचा प्रस्ताव पुणे कार्यालयाकडून मंजूर होऊन आल्यानंतर तदनंरची कारवाई करण्यासाठी तसेच इतर प्रलंबित पुरवणी देयके विना त्रुटी पुढे पाठवण्यासाठी पाच हजार रुपये व वरिष्ठांच्या सेवानिवृत्तीच्या निरोप समारंभ करिता सात हजार रुपये अशी १२ हजार रुपये लाचेची मागणी डॉ. तराळ यांनी केली होती. यानंतर सेवानिवृत्तीच्या कामातील पाच हजार रुपये लाचेची रक्कम स्वीकारत असताना तराळ यांस रंगेहात पकडण्यात आले, असे पर्यवेक्षण अधिकारी पोलीस उपअधीक्षक आदिनाथ बुधवंत यांनी सांगितले.