महिला पोलीस कर्मचाऱ्यास पोलिसाकडूनच मारहाण

महिलांवरील अत्याचाराच्या घटना दिवसेंदिवस वाढतच असून त्या नियंत्रणात आणण्याची मुख्य जबाबदारी ज्या यंत्रणेवर आहे, त्या पोलीस दलातील महिलाही सुरक्षित नसल्याची बाब पुढे आली आहे. आर्थिक देवाणघेवाणीची कुरापत काढून पोलीस कर्मचाऱ्याने प्रशिक्षणार्थी महिला पोलीस कर्मचाऱ्यास मारहाण केली. महत्त्वाची बाब म्हणजे जिल्हा ग्रामीण पोलीस मुख्यालयात हा प्रकार घडला.

महिलांवरील अत्याचाराच्या घटना दिवसेंदिवस वाढतच असून त्या नियंत्रणात आणण्याची मुख्य जबाबदारी ज्या यंत्रणेवर आहे, त्या पोलीस दलातील महिलाही सुरक्षित नसल्याची बाब पुढे आली आहे. आर्थिक देवाणघेवाणीची कुरापत काढून पोलीस कर्मचाऱ्याने प्रशिक्षणार्थी महिला पोलीस कर्मचाऱ्यास मारहाण केली. महत्त्वाची बाब म्हणजे जिल्हा ग्रामीण पोलीस मुख्यालयात हा प्रकार घडला.
या प्रकरणी आडगाव पोलीस ठाण्यात गुन्हा दाखल करण्यात आला आहे. कळवण पोलीस ठाण्यात नेमणुकीला असणाऱ्या रामराव ननसिंग शेरे याने आडगावस्थित पोलीस मुख्यालयात येऊन नीतू बाबूसिंग राठोड (२२) या शिकाऊ महिला पोलीस कर्मचाऱ्याकडे पैशांबाबत विचारणा करून वाद घातला. या वेळी उपरोक्त आर्थिक देवाणघेवाणीशी आपला कुठलाही संबंध नसल्याचे सांगितल्यानंतर संबंधिताने मारहाण केल्याचे राठोड यांनी तक्रारीत म्हटले आहे. जिवे मारण्याची धमकीही दिली. या प्रकरणी आडगाव पोलीस ठाण्यात गुन्हा दाखल करण्यात आला आहे. महिला पोलीस कर्मचाऱ्यास पोलीस कर्मचाऱ्यांकडून मारहाणीच्या या घटनेमुळे खुद्द या दलात महिला सुरक्षित नसल्याची बाब पुढे आली आहे.    

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Lady police beating by police

ताज्या बातम्या