Latest Marathi News Updates: शरद पवारांची राष्ट्रवादी सत्तेत सहभागी होणार? सुप्रिया सुळेंनी स्पष्ट केली भूमिका, म्हणाल्या…

ज्या माय माऊलीने मला जन्म दिला ती माझी आई धोंडूबाई कदम. माझी आई देवाघरी जात असताना जिने आयुष्यभर नामस्मरण आणि सद्गुरू वामनराव पै यांची विश्वप्रार्थना केली, तिला आयुष्याची दोन वर्षे मरणासन्न अवस्थेत घालवावी लागली. जे राम कदमच्या आईच्या बाबतीत घडलं, असं महाराष्ट्रातील मुंबईतील कोणाच्याही आईच्या बाबतीत घडू नये, म्हणून मी काही मुद्दे मांडतो. माझ्या आईला फुफ्फुसांचा आजार झाला होता. याला जगात औषध नाही. यात रुग्णाला २४ तास ऑक्सिजनवर ठेवले जाते. यासाठी जुजबी औषध आले आहेत, तेवढाच त्यावर उपचार आहे. हा आजार वाढत जातो, त्याप्रमाणे वेदना वाढत जातात. माझी आई १५-१५ मिनिटे खोकायची. खोकत असातना बेशुद्ध व्हायची. भारतवर्षाला असे ९ लाख रुग्ण होतात.

जीवदया प्रेमी म्हणून माझी घाटकोपरमध्ये ओळख आहे. कबुतरांना दाणे टाकतो त्यामुळे हा आजार बळावतो. कबुतरांच्या ड्रॉपमुळे पाच प्रकारचे आजार होतात. या कोणत्याही आजारांवर उपचार नाहीत. कबुतरांना दाणे टाकू नये, या मताचा मी नाही. माणसाला जगण्याचा अधिकार आहे, त्याप्रमाणे जनावरांनाही आहे.

जर कबुतरांच्या ड्रॉपमुळे गंभीर आजार होत असतील, तर त्याचं रिलोकेशन आणि ट्रॅपिंग करावं. जेणेकरून मनुष्यवस्ती आहे, तेथील लोकांना याचा त्रास होऊ नये. नॅशनल पार्कमध्ये ५० हजार एकेरची जागा आहे. तिथे पुनर्वसन करावं. माझी आई गेली. देवाभाऊंचं सरकार आहे, संवेदनशील विचारांचं सरकार आहे. कबुतरांचा विचार करावा, मग माणसांचाही विचार करावा. म्हणून माझी सरकारला विनंती आहे की, सभागृहाने तज्ज्ञांची समिती नेमावी आणि कबुतरांसाठी सकारात्मक भूमिका घ्यावी, जेणेकरून लोकांचे प्राण वाचतील., असं राम कदम म्हणाले.