Maharashtra News Updates, 02 March 2023: ठाकरे गटाचे नेते, माजी मंत्री भास्कर जाधव यांनी विधानसभेत बोलत असताना सत्ताधाऱ्यांवर हल्लाबोल केला. मी राजकारणातून निवृत्ती घेऊन मुलाला तिकीट द्या, असे शरद पवार यांना सांगितले होते. पण शरद पवार यांनीच मला निवृत्तीपासून परावृत्त केले. काही दिवसांपूर्वी भाजपाच्या एका नेत्याने मला तुरुंगात टाकण्याचे वक्तव्य केले. मला तुरुंगात टाकले तरी मी घाबरणार नाही. पण त्या नेत्याने माझ्या मुलांचे नाव घेऊन चुकीचा उल्लेख केला. तुम्ही जर कुटुंबावर येणार असाल तर नियती तुम्हाला माफ करणार नाही, जे व्हायचे असेल ते होईल, पण मी गुडघे टेकणार नाही, अशी भूमिका भास्कर जाधव यांनी विधानसभेत मांडली. महाराष्ट्र विधीमंडळात अर्थसंकल्पीय अधिवेशनात आज सत्ताधारी आणि विरोधक यांच्यात खडाजंगी सुरु आहे. अर्थसंकल्पीय अधिवेशनातील सर्व घडामोडी जाणून घ्या एका क्लिकवर
