maharashtra-assembly-speaker-rahul-narvekar | Loksatta

विधानसभेच्या अध्यक्षपदी राहुल नार्वेकरांची निवड; बहुमतापेक्षा अधिक मतांनी विजयी

राहुल नार्वेकर हे विधान परिषदेचे सभापती रामराजे निंबाळकर यांचे जावई आहेत.

विधानसभेच्या अध्यक्षपदी राहुल नार्वेकरांची निवड; बहुमतापेक्षा अधिक मतांनी विजयी
विधानसभा अध्यक्ष राहुल नार्वेकर

महाराष्ट्र विधानसभेच्या अध्यक्षपदी भाजपाच्या राहुल नार्वेकरांची  यांची निवड झाली आहे. मोठ्या गदारोळात हे मतदान पार पडलं. भाजपकडून राहुल नार्वेकर तर महाविकास आघाडीकडून शिवसेनेचे राजन साळवी निवडणूक मैदानात उतरले होते. या लढतीत नार्वेकर यांनी बाजी मारली. नार्वेकरांना बहुमतापेक्षा जास्त म्हणजे १६४ मते मिळाली आहेत.

विधानसभा अधिवेशनाचे कामकाज सुरु होताच राहुल नार्वेकर यांची अध्यक्षपदी निवड करावी असा प्रस्ताव भाजपाकडून चंद्रकांत पाटील यांनी मांडला गिरीश महाजन यांनी त्याला अनुमोदन दिलं. महाविकास आघाडीकडून चेतन तुपे यांनी राजन साळवी यांचा प्रस्ताव मांडला संग्राम थोपटे यांनी त्याला अनुमोदन दिलं. भाजपाचे राहुल नार्वेकर विजय होतील असा विश्वास भाजपा नेते सुधीर मुनगंटीवार यांनी व्यक्त केला होता. तसेच १६५ ते १७० मते आमच्या आमदाराला मिळतील असेही मुनगंटीवार म्हणाले होते.

सर्वात तरुण विधानसभा अध्यक्ष

गेल्या वर्षी काँग्रेस नेते नाना पटोले यांनी राजीनामा दिल्यानंतर विधान सभा अध्यक्षपद रिक्त होते. तोपर्यंत विधानसभेचे उपाध्यक्ष नरहरी झिरवाळ हे अध्यक्षपदाचा कामकाज पाहत होते. मात्र, आता नार्वेकरांची निवड झाल्यानंतर अध्यपदाचा कारभार त्यांच्या हातात सुपुर्त करण्यात आला. राहुल नार्वेकर आत्तापर्यंतचे सर्वात तरुण विधानसभा अध्यक्ष बनले आहे. ११ फेब्रुवारी १९७७ रोजी जन्मलेले नार्वेकर वयाच्या ४५ वर्षी विधानसभेचे अध्यक्ष बनले आहेत.

विधानमंडळावर सासरे-जावयाचं राज्य

राहुल नार्वेकर हे विधान परिषदेचे सभापती रामराजे निंबाळकर यांचे जावई आहेत. त्यामुळे विधान परिषदेत रामराजे निंबाळकरत तर विधानसभेत राहुल नार्वेकर अशी सासरे जावयाच राज्य विधानमंडळावर असणार आहे.

कोण आहेत राहुल नार्वेकर?

राहुल नार्वेकर यांनी शिवेसेनेतून आपल्या राजकीय प्रवासाला सुरुवात केली. त्यानंतर त्यांनी राष्ट्रवादीमध्ये प्रवेश करत विधानपरिषदेत निवडून आले होते. तीन वर्ष ते राष्ट्रवादीचे विधान परिषदेचे सदस्य होते. मात्र, २०१९ च्या निवडणुकीपूर्वी त्यांनी भाजपात प्रवेश केला. सध्या ते भाजपाचे आमदार आहेत. मुंबईतील कुलाबा मतदार संघाचे ते आमदार आहेत. नार्वेकर यांना भाजपाने विधानसभा अध्यक्ष पदाचे उमेदवार म्हणून जाहीर केले होते.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“विरोध का करता, जीवे ठार मारू”; एकनाथ शिंदेंच्या ‘पीए’वर शिवसेना नेत्याला धमकी दिल्याचा गंभीर आरोप

संबंधित बातम्या

“आमच्या नितूचा अभ्यास कच्चा” नितेश राणेंविरोधात सुषमा अंधारेंची उपरोधिक टोलेबाजी!
चुकीच्या ट्वीटमुळे भाजपा महिला प्रदेशाध्यक्ष चित्रा वाघ अडचणीत
“संजय राऊतांच्या रुपात हा कादर खान आता…” राज ठाकरेंवरील टीकेचा मनसेकडून समाचार
‘उद्धव ठाकरे तब्येतीचं कारण सांगून बाहेर पडत नव्हते’ म्हणणाऱ्या राज ठाकरेंना अरविंद सावंतांचे प्रत्युत्तर; म्हणाले, “ज्या डॉक्टरांनी…”
संजय राऊतांना कोर्टात बोलवून अटक होणार? कटकारस्थानाबाबत मोठा गौप्यस्फोट

व्हिडिओ

ताज्या बातम्या
“कश्मीर पंडितांच्या…” IFFI च्या ज्युरी प्रमुखांनी ‘द कश्मीर फाइल्स’चा ‘वल्गर’ उल्लेख केल्यानंतर चित्रपटातील अभिनेता संतप्त
पुण्यात १७०० चार्जिंग पाॅईंट
सचिन तेंडुलकरची लेक सारा करतेय ‘या’ प्रसिद्ध अभिनेत्रीच्या एक्स बॉयफ्रेंडला डेट? फोटो व्हायरल
पुणे: अल्पसंख्याक मॅट्रिकपूर्व शिष्यवृत्ती योजनेतून पहिली ते आठवीच्या विद्यार्थ्यांना वगळले
करोनामुळे मृत झालेल्या कर्जदारांची माहिती मागवली; सहकार विभागाला उशिरा जाग