Marathi News updates 8 february 2023 : शिवसेना (ठाकरे गट) नेते तथा आमदार आदित्य ठाकरे यांची राज्यभर शिवसंवाद यात्रा सुरू आहे. या यात्रेच्या सातव्या टप्प्यात काल औरंगाबादेतील वैजापूर तालुक्यामधील महालगाव येथे सभेचे आयोजन करण्यात आले होते. मात्र सभा सुरू असताना या ठिकाणी दगडफेक झाल्याची घटना घडली. त्यामुळे सभास्थळी काहीकाळ तणावाचे वातावरण निर्माण झाले होते. दरम्यान, या घटनेनंतर ठाकरे गटाकडून शिंदे-फडणवीस सरकारला लक्ष्य करण्यात आलं आहे. आदित्य ठाकरे यांच्या सभेत अडथळे निर्माण करत दोन समाजात भांडण लावण्याचा प्रयत्न महालगाव (ता. वैजापूर) येथील सभेदरम्यान झाला, असा आरोप शिवसेनेचे विधानपरिषदेचे नेते अंबादास दानवे यांनी केला आहे. यावरून पुन्हा राजकीय संघर्ष वाढण्याची शक्यता आहे.