Maharashtra Breaking News Today: महाराष्ट्राचा मंत्रिमंडळ विस्तार शिवसेनेच्या वर्धापन दिनाच्या आधी होण्याची शक्यता सूत्रांनी वर्तवली आहे. १९ जून रोजी शिवसेनेचा वर्धापन दिन आहे. यावेळी शिवसेनेत पडलेल्या सर्वात मोठ्या फुटीमुळे दोन वर्धापन दिन साजरे होणार आहेत. तसंच पुणे लोकसभेच्या जागेवरुन काँग्रेस आणि राष्ट्रवादी काँग्रेसमध्ये कलगीतुरा रंगला आहे. नाना पटोले विरुद्ध अजित पवार यांच्याकडून आम्हीच पुणे लोकसभेची पोटनिवडणूक जिंकणार असा दावा या दोन्ही नेत्यांकडून केला जातो आहे. तर राष्ट्रवादीची महत्त्वाची बैठक पुण्यात पार पडणार आहे. ज्येष्ठ अभिनेत्री सुलोचनादीदींचं निधन झालं आहे. त्यांच्या पार्थिवावर आज शासकीय इतमामात अंत्यसंस्कार केले जाणार आहेत. या आणि अशा महत्त्वाच्या घडामोडींवर आपली नजर असणार आहे लाईव्ह ब्लॉगच्या माध्यमातून.