Corona Update : राज्यात दिवसभरात २,२१९ नवीन रुग्णांची नोंद, ४९ जणांचा मृत्यू

राज्यातील करोना बाधित रुग्णांची एकूण संख्या ६५ लाख ८३ हजार ८९६ झाली आहे.

Corona third wave
(प्रातिनिधिक छायाचित्र)

राज्यातील करोना संसर्गाची दुसरी लाट आता ओसरत आहेत. दररोज आढळणारी करोनाबाधितांची संख्या देखील कमी होत आहे. शिवाय, करोनामधून बरे होणाऱ्यांच्या संख्येत वाढ होत आहे. आज दिवसभरात राज्यात ३ हजार १३९ रुग्ण करोनामधून बरे झाले असून, २ हजार २१९ नवीन करोनाबाधित आढळले आहेत. याशिवाय, राज्यात आज ४९ करोना बाधित रुग्णांच्या मृत्यूंची नोंद झाली. सध्या राज्यातील मृत्यूदर २.१२ टक्के एवढा आहे.  

राज्यात आजपर्यंत एकूण ६४ लाख ११ हजार ०७५ करोना बाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (Recovery Rate) ९७.३८% एवढे झाले आहे. 

आता राज्यातील करोना बाधित रुग्णांची एकूण संख्या ६५ लाख ८३ हजार ८९६ झाली आहे. तर राज्यात आज रोजी एकूण २९ हजार ५५५ ॲक्टिव्ह रुग्ण आहेत. 

आजपर्यंत तपासण्यात आलेल्या ६,०५,४६,५७२ प्रयोगशाळा नमुन्यांपैकी ६५,८३,८९६ (१०.८७ टक्के) नमुने पॉझिटिव्ह आले आहेत. सध्या राज्यात २,३२,२६१ व्यक्ती होमक्वारंटाईनमध्ये आहेत तर १,१२२ व्यक्ती संस्थात्मक क्वारंटाईनमध्ये आहेत.  

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Maharashtra corona update 2219 new patients registered in the state in a day 49 deaths srk

ताज्या बातम्या