वय वर्ष ७९, राज्यपाल कोश्यारींनी पायी चालत सर केला शिवनेरी किल्ला

ऐतिहासीक गोष्टींचं घेतलं दर्शन, शिवबांच्या प्रतिमेपुढे राज्यपाल नतमस्तक

फोटो सौजन्य – Governor of Maharashtra Facebook Account

महाराष्ट्राचे राज्यपाल भगतसिंह कोश्यारी यांनी रविवारी पायी चालत शिवनेरी किल्ली सर केला आहे. पुणे दौऱ्यावर असलेल्या राज्यपाल कोश्यारी यांनी पायी चालत किल्ला सर करण्याची मानस बोलून दाखवला. महत्वाची गोष्ट म्हणजे वयाच्या ७९ व्या वर्षीही कोश्यारी यांनी शिवनेरी किल्ला पायी चालत सर केला. अशाप्रकारे पायी चालत शिवनेरी किल्ला सर करणारे कोश्यारी हे पहिलेच राज्यपाल ठरले आहेत. राज्यपालांचा फिटनेस पाहून या भेटीदरम्यान उपस्थित असलेले इतर अधिकारीही अवाक झाले.

गडावरील देवीची कोश्यारींच्या हस्ते आरती करण्यात आली

 

शिवनेरी गडावर भेटीदरम्यान राज्यपाल कोश्यारी यांनी जिजाउ माँसाहेब आणि छत्रपती शिवाजी महाराजांचं दर्शन घेतलं. याचसोबत गडावरील इतर ऐतिहासिक गोष्टीही राज्यपालांनी मन लावून पाहिल्या. शिवकुंज इमारतीतील राजमाता जिजाऊ आणि बाल शिवबांच्या प्रतिमेसमोर कोश्यारी लीन होऊन नतमस्तक झाले. यावेळी राज्यपालांच्या हस्ते गडावरील शिवाई देवीची आरती करण्यात आली. शिवाजी महाराजांच्या पाळण्याची पुजा आणि प्रतिमेचं पुजन करून राज्यपालांच्या हस्ते खास वृक्षारोपण करण्यात आलं.

शिवबांच्या पाळण्याची पुजा करताना राज्यपाल कोश्यारी

 

राज्यपाल कोश्यारी यांच्या भेटीदरम्यान जिल्हाधीकारी आयुष प्रसाद, पुणे ग्रामीण पोलीस अधिक्षक संदीप पाटील, आमदार अतुल बेनके व इतर अधिकारी उपस्थित होते. या भेटीदरम्यान राज्यपालांनी गडावरील विविध प्रकारच्या वनस्पतींची नाव विचारुन प्रत्येक गोष्ट जाणून घेण्यात रस दाखवला. शिवाजी महाराजांनी उभारलेल्या प्रत्येक गड-किल्ल्याचं संवर्धन हे व्हायलाच हवं. यासाठी प्रत्येक मंत्र्याला एक किल्ला संवंर्धनासाठी द्यायला हवा असंही राज्यपाल कोश्यारी म्हणाले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व पुणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Maharashtra governor bhagatsingh koshyari visit shivneri fort at the age of 79 by walking psd

Next Story
‘कोरा कागद निळी शाई, आम्ही कोणाला भीत नाही’!
ताज्या बातम्या