Maharashtra News Live Updates : “गेली दीड वर्ष अपात्रांना पैसा वाटत होता का?” लाडकी बहीण योजनेच्या आकडेवारीवरून सुप्रिया सुळे आक्रमक

शिवसेनेच्या राष्ट्रीय प्रवक्त्या श्रीमती शायना एन.सी. यांच्याकडे पक्षाची एक मोठी आणि महत्त्वाची जबाबदारी सोपवण्यात आली आहे. त्यांची शिवसेनेच्या 'प्रभारी राष्ट्रीय सचिव' पदी अधिकृत नियुक्ती करण्यात आली आहे.

हिंदुहृदयसम्राट शिवसेनाप्रमुख बाळासाहेब ठाकरे आणि धर्मवीर आनंद दिघे साहेब यांच्या आशीर्वादाने हा निर्णय घेण्यात आला आहे. शिवसेना मुख्य नेते आणि राज्याचे उपमुख्यमंत्री एकनाथजी शिंदे यांच्या आदेशानुसार ही नियुक्ती जाहीर करण्यात आली असल्याचे शिवसेनेच्या अधिकृत (X) वर पोस्ट वरून जाहीर करण्यात आले.

कॉग्रेस पक्षाचे ज्येष्ठ नेते आमदार विजय वडेट्टीवार यांनी लाडकी बहीण योजने संदर्भात प्रतिक्रिया दिली आहे.

सत्ता हस्तगत करण्यासाठी लाडक्या बहिणींची गरज संपली, आता लाडक्या बहिणी डोईजड ठरू लागताच त्यांना वाऱ्यावर सोडण्याची भूमिका सरकारने घेतली आहे. म्हणूनच तब्बल ८० लाख महिलांना लाडकी बहीण योजनेतून डच्चू देण्यात आल्याची बाब अत्यंत दुर्दैवी आहे.

या ८० लाख महिलांचा तळतळाट घेऊन हे सरकार जास्त काळ तग धरू शकणार नाही.