Maharashtra Municipal Councils Election Results 2025 live: नगरपरिषद निवडणुकीत कोणत्या पक्षाला कुठे किती जागा मिळाल्या? वाचा संपूर्ण यादी!

या निवडणुकांमध्ये वेगळ्या प्रकारची राजकीय समीकरणं पाहायला मिळाली. राज्यात एकीकडे महायुती व महाविकास आघाडी अशा दोन परस्परविरोधी आघाड्या असताना स्थानिक पातळीवर मात्र वेगळेच चित्र पाहायला मिळाले. अनेक ठिकाणी चक्क सत्ताधारी आणि विरोधी पक्ष यांच्यातच युती दिसून आली. तर काही ठिकाणी थेट सत्तेतील मित्रपक्षांमध्येच चुरशीचा सामना झाल्याचं पाहायला मिळालं.

महाराष्ट्रात २८८ नगरपरिषद-नगरपंचायतींमध्ये कुठल्या पक्षाचे किती नगराध्यक्ष?

भाजपा – १२४
शिवसेना – ६१
राष्ट्रवादी – ३६
काँग्रेस – २७
राष्ट्रवादी शरद पवार – १२
शिवसेना उद्धव ठाकरे – ८
इतर – २०

पुढच्या महिन्यात महाराष्ट्रात २९ महानगर पालिकांच्या निवडणुकादेखील जाहीर झाल्या आहेत. १५ जानेवारी रोजी मतदान होणार असून मतमोजणी १६ जानेवारी रोजी होणार आहे. मात्र, आरक्षणाचा मुद्दा कायदेशीर कचाट्यात अडकल्यामुळे जिल्हा परिषदा व ग्राम पंचायत निवडणुका प्रलंबित झाल्या आहेत. त्यामुळे ३१ जानेवारीपर्यंतच्या मुदतीमध्ये जिल्हा परिषद व ग्राम पंचायतींच्या निवडणुका होण्याची शक्यता कमी झाली आहे.

(निकाल लागतील तसे आकडे अपडेट होत आहेत…)

दरम्यान, नगरपरिषदा व नगरपंचायतींच्या निवडणुकांमधील निकालांकडे सत्ताधारी व विरोधी पक्ष अशा दोन्ही बाजूच्या सर्वच पक्षांचं लक्ष लागलं आहे. सर्वच पक्षाच्या स्थानिक पदाधिकाऱ्यांसाठी या निवडणुका महत्त्वाच्या असून त्यातील निकालांनुसार प्रत्येक पक्षाची स्थानिक ताकद प्रभावित होणार आहे.