Maharashtra Local Body Election 2025 Results Highlights Today, 21 December 2025 : राज्यातील नगरपंचायत आणि नगरपरिषद निवडणुकांचे निकाल जाहीर झाले आहेत. भाजपाने निकालात बाजी मारली आहे. मुख्यमंत्री देवेंद्र फडणवीस म्हणाले, भारतीय जनता पार्टी हाच पहिल्या क्रमांकाचा पक्ष आहे हे अधोरेखित झालं आहे. जवळपास १२९ नगराध्यक्ष हे भाजपाचे निवडून आले आहेत. एकूण नगराध्यक्षांपैकी ७५ टक्के नगराध्यक्ष महायुतीचे आहेत. भाजपाचे ३३२५ नगरसेवक निवडून आले आहेत. एकूण नगरसेवकांपैकी ४८ टक्के नगरसेवक एकट्या भाजपाचे निवडून आले आहेत. प्रचंड मोठं जनसमर्थन आम्हाला मिळालं आहे. गेल्या २०-२५ वर्षांच्या महाराष्ट्राच्या इतिहासामध्ये इतका मोठा विजय कोणालाच मिळाला नाही, जो आज भाजपा आणि महायुतीला मिळाला आहे. सगळ्यात महत्वाचं काही असेल तर या निवडणुकीमध्ये मी पूर्ण सकारात्मक प्रचार केला. एकाही व्यक्तीच्या विरोधात, एकाही पक्षाच्या विरोधात, एकाही नेत्याच्या विरोधात बोललो नाही. केवळ विकासावर मतं मागितली.
उपमुख्यमंत्री अजित पवार म्हणाले, जनतेने आम्हाला चांगला कौल दिला आहे. आमची जबाबदारी आणखी वाढली आहे. राष्ट्रवादी काँग्रेस पक्षाला चांगल्या जागा मिळाल्या, चांगले नगराध्यक्ष जिंकून आले. पुणे जिल्ह्यातील मतदारांचे मी आभार मानतो. राज्यात निवडून आलेल्या २८८ नगराध्यक्षांचं मी अभिनंदन करतो. आगामी महानगरपालिकेत दोन्ही राष्ट्रवादी काँग्रेस पक्षांची युती होईल का ? याबाबत उपमुख्यमंत्री अजित पवार यांनी भाष्य केले. स्थानिक पातळीवर युती करायची असेल तर जिल्हाध्यक्षांनी ठरवावं, जिल्हाध्यक्षांशी संपर्क साधावा, असं अजित पवार म्हणाले. दरम्यान, त्यांनी राष्ट्रवादी शरद पवार गटाबरोबर थेट युती करण्याबाबत कोणतेही विधान केले नाही. अजित पवार पुढे म्हणाले, मित्रपक्षांनी एकमेकांच्या पक्षातील सहकारी, तसेच माजी सहकारी घेऊ नये असं ठरलं होतं. पण, तसं झालं नाही. त्यावर आम्ही चर्चा करणार आहोत. सुरूवात एकाने केली की दुसरा गप्प बसत नाही, असं म्हटलं जातं.
Maharashtra Nagar Panchayat Election Results 2025 Updates : नगरपंचायतीच्या निकालाच्या अपडेट्स लाईव्ह ब्लॉगच्या माध्यमातून जाणून घेऊयात.
जेजुरीत दोन विजयी उमेदवारांसह १६ जण जखमी; उमेदवारांचे औक्षण करताना भंडारा दिव्यावर पडल्याने भडका
दोन आमचे दोन तुमचे; मराठवाड्यात विरोधकांचे केवळ चार नगराध्यक्ष
बारामतीवर अजित पवार यांची सत्ता, नगराध्यक्षपदी सचिन सातव; अपक्ष निवडून आल्याने आत्मपरीक्षणाची वेळ
बार्शीटाकळी नगरपंचायत निवडणूक निकाल
नगराध्यक्ष - अख्तर खातून अलीमोद्दीन, वंचित आघाडी
एकूण प्रभाग - १७
भाजप - ३
काँग्रेस - ३
अजित पवार गट - २
वंचित आघाडी - ३
एआयएमआयएम - १
अपक्ष - ५
दोन्ही राष्ट्रवादी काँग्रेस पक्षांची युती होईल का ? अजित पवार काय म्हणाले ?
आगामी महानगरपालिकेत दोन्ही राष्ट्रवादी काँग्रेस पक्षांची युती होईल का ? याबाबत उपमुख्यमंत्री अजित पवार यांनी भाष्य केले आहे. स्थानिक पातळीवर युती करायची असेल तर जिल्हाध्यक्षांनी ठरवावं, जिल्हाध्यक्षांशी संपर्क साधावा, असं अजित पवार म्हणाले. दरम्यान, त्यांनी राष्ट्रवादी शरद पवार गटाबरोबर थेट युती करण्याबाबत कोणतेही विधान केले नाही.
Amit Shah : "हा मोदींच्या धोरणांसाठी जनतेचा आशीर्वाद"; महायुतीच्या विजयानंतर अमित शाहांची पहिली प्रतिक्रिया
मित्रपक्षांनी एकमेकांच्या पक्षातील सहकारी घेऊ नये असं ठरलं होतं, पण तसं झालं नाही - अजित पवार
Ajit Pawar on Nagar Panchayat Results Live Updates: मित्रपक्षांनी एकमेकांच्या पक्षातील सहकारी, तसेच माजी सहकारी घेऊ नये असं ठरलं होतं. पण, तसं झालं नाही. त्यावर आम्ही चर्चा करणार आहोत. सुरूवात एकाने केली की दुसरा गप्प बसत नाही, असं म्हटलं जातं.
Ajit Pawar on Nagar Panchayat Results Live Updates: उपमुख्यमंत्री अजित पवार म्हणाले, जनतेने आम्हाला चांगला कौल दिला आहे. आमची जबाबदारी आणखी वाढली आहे. राष्ट्रवादी काँग्रेस पक्षाला चांगल्या जागा मिळाल्या, चांगले नगराध्यक्ष जिंकून आले. पुणे जिल्ह्यातील मतदारांचे मी आभार मानतो. राज्यात निवडून आलेल्या २८८ नगराध्यक्षांचं मी अभिनंदन करतो.
सत्ताधारी पक्षांचा विजय निवडणूक आयोगाच्या आशीर्वादाने; काँग्रेस प्रदेशाध्यक्ष हर्षवर्धन सपकाळ यांचा आरोप
Pune Municipal Election Results : पुणे जिल्ह्यातील नगर परिषदांमध्ये राष्ट्रवादी काँग्रेसच ‘दादा’
बार्शीटाकळी नगरपंचायत निकाल
नगराध्यक्ष - अख्तर खातून अलीमोद्दीन, वंचित आघाडी
एकूण प्रभाग - १७
भाजप - ३
काँग्रेस - ३
अजित पवार गट - २
वंचित आघाडी - ३
एआयएमआयएम - १
अपक्ष -
अहिल्यानगरमध्ये १२ पैकी ७ नगराध्यक्षपदे भाजपकडे; नगरसेवक पदाच्या १३७ जागांवर विजय
जिल्ह्यातील १२ नगरपालिकांच्या निवडणुकांमध्ये भाजपने विजयाची जोरदार मुसंडी मारत प्रथम क्रमांकाचा पक्ष म्हणून स्थान मिळवले आहे.
महापालिका निवडणुकीतही भाजपा-शिंदेसेनेत संघर्ष? काय म्हणाल्या शिंदेंच्या आमदार?
Ashok Chavan : “मी भाजपात प्रवेश केल्यानंतर…” नगरपरिषद निकालानंतर अशोक चव्हाण यांची सूचक प्रतिक्रिया; नेमके काय म्हणाले?
Ashok Chavan on Nanded Election Results : नांदेडमधील भोकर आणि मुखेड नगर परिषद निवडणुकीत भाजपाला विजय मिळवल्यानंतर अशोक चव्हाण यांनी सूचक प्रतिक्रिया दिली.
Ajit Pawar : नगरपरिषद आणि नगरपंचायत निवडणुकीतील यशानंतर अजित पवारांची पोस्ट; म्हणाले, “ही निवडणूक केवळ विजयाची नाही, तर…”
गेल्या चार वर्षांपासून प्रलंबित असलेल्या महाराष्ट्रातील नगरपरिषद/नगरपंचायत निवडणुकांचा निकाल जाहीर करण्यात आला आहे.
Muktainagar Nagar Panchayat Election Result 2025: मुक्ताईनगर नगरपंचायत निवडणूक निकाल...
एकूण प्रभाग १७
भाजपा ०४
शिंदे गट १०
अजित पवार गट ०
काँग्रेस ०
शरद पवार गट ०
ठाकरे गट ०
इतर ०३
Bachchu Kadu on Nagar Panchayat Result Live: मुंबई महानगरपालिका ही एका लहान राज्याच्या निवडणुकीसारखी निवडणूक आहे. तिथे सत्ता भाजपची ठेवायची कि शिंदेंची हे भाजप ठरवेल. भाजपासाठी मुंबई महाराष्ट्रापेक्षा महत्वाची आहे, ही भाजपाची मानसिकता आहे. त्यामुळे मुंबई महानगरपालिकेची निवडणूक जिंकण्यासाठी भाजपा प्रयत्न करेल, असे बच्चू कडू म्हणाले.
Bachchu Kadu on Nagar Panchayat Result Live: बच्चू कडू म्हणाले, या निवडणुकीवरून दुसऱ्या निवडणुकीची गणितं बांधणं ही मुर्खता आहे. प्रत्येक निवडणूक ही पूर्णपणे वेगळी असते. प्रहार जनशक्ती पक्षाने महाराष्ट्रात १०० ठिकाणी निवडणूक लढवली. पण, खरी लढत आम्ही अचलपूर आणि चांदूरबाजारमध्ये लढलो.
Bachchu Kadu on Nagar Panchayat Result Live: अमरावती अचलपूर मतदारसंघातील अचलपूर आणि चांदूरबाजार नगरपरिषदेचा निकाल जाहीर झाला आहे. चांदूरबाजारमध्ये बच्चू कडू यांची एकहाती सत्ता आली आहे, तर अचलपूरमध्ये त्यांचा पराभव झाला आहे. बच्चू कडू म्हणाले, "निवडणूक आयोगाची मेहेरबानी आहे, लहान निवडणूक होती म्हणून कदाचित ईव्हीएमचा घोळ झाला नाही. महानगरपालिका, जिल्हा परिषद या मोठ्या निवडणुकांत काय होईल सांगता येत नाही. पण, इथे लागलेला निकाल हा नैसर्गिक आहे, कृत्रिम नाही."
अहिल्यानगरमध्ये १२ पैकी ७ नगराध्यक्षपदे भाजपकडे; नगरसेवक पदाच्या १३७ जागांवर विजय
काँग्रेस नेत्या यशोमती ठाकूर म्हणाल्या, "अंजनगाव मध्ये मतांची फेरमोजणी करण्याची मागणी करण्यात आली होती. ती मान्य केली नाही. १२४ मतांचा फरक तिथे आहे. त्यांनी बदमाशी करून लोकशाहीचा गळा घोटला आहे. त्यांच्याकडे दमदाटी, प्रशासन आणि पैसा या सगळ्या गोष्टी आहेत. पण, जेवढा ते आव आणतात तेवढी वास्तविकता याठिकाणी नाही. अमरावतीत आज सहा जागा भाजपाच्या आल्या आहेत. चिखलदऱ्यात त्यांनी अरेरावी केली."
"भाजपने लोकशाहीचा गळा घोटला", अंजनगावातील मतमोजणीवर माजी मंत्री यशोमती ठाकूर यांचा आक्षेप
अमरावती : अंजनगाव सुर्जी नगराध्यक्षपदाच्या निवडणुकीत मतमोजणीच्या अंतिम टप्प्यात काँग्रेसच्या कार्यकर्त्यांनी फेरमतमोजणीची मागणी केली होती, ती मागणी मान्य करण्यात आली नाही. यात पक्षपातीपणा करण्यात आला. भाजपने लोकशाहीचा गळा घोटून मिळवलेला हा विजय आहे, अशी टीका काँग्रेसच्या नेत्या माजी मंत्री यशोमती ठाकूर यांनी केली आहे.
Nagpur Thane Pune Nagar Parishad Results: देवेंद्र फडणवीसांच्या नागपूरमध्ये भाजपाचे किती नगराध्यक्ष? दोन उपमुख्यमंत्र्यांच्या जिल्ह्यांत काय स्थिती?
‘भाजपाच नंबर वन पक्ष’, मुख्यमंत्री देवेंद्र फडणवीसांची सूचक प्रतिक्रिया, रवींद्र चव्हाण यांच्यानंतर पुन्हा ‘नंबर एक’ विधान चर्चेत
CM Devendra Fadnavis on Nagar Parishad Election Result: २०१७ च्या तुलनेत भाजपाचे दुपटीने नगरसेवक निवडून आले आहेत. राज्याच्या २० ते २५ वर्षांच्या इतिहासात असा विजय कोणत्याही पक्षाचा झाला नव्हता, असे मुख्यमंत्री देवेंद्र फडणवीस म्हणाले.
शिंदेच्या दोन बालेकिल्ल्यांना भाजपाकडून सुरुंग; अंबरनाथ, बदलापूरमध्ये भाजपाचे नगराध्यक्ष
Badlapur and Ambernath Nagarparishad Election Result एकनाथ शिंदे यांच्या यांचा बालेकिल्ला मानल्या जाणाऱ्या अंबरनाथ आणि बदलापूर नगरपरिषदांमध्ये भाजपाने विजय मिळवला असून हा एकनाथ शिंदे यांच्यासाठी मोठा धक्का मानला जात आहे.
Maharashtra Local Body Nagar Panchayat Election Results 2025 Live : भाजप ठरला पहिल्या क्रमांकाचा पक्ष, पण मिळालेला धडाही महत्वाचा..महायुतीची गरज अधोरेखित?
Maharashtra Local Body Nagar Panchayat Election Results 2025 Live : अनेक नगरपालिकांमध्ये महायुतीतील भाजप, शिवसेना (एकनाथ शिंदे) आणि राष्ट्रवादी काँग्रेस (अजित पवार) या तीन पक्षांमध्ये लढत झाली आहे.
भाजप ठरला पहिल्या क्रमांकाचा पक्ष, पण मिळालेला धडाही महत्वाचा..महायुतीची गरज अधोरेखित?
नगरपरिषदा व ४२ नगरपालिकांचा आज निकाल, मतमोजणीकडे लक्ष!, (फोटो-संग्रहित छायाचित्र)
