Maharashtra Breaking News Today: KDMC च्या शास्त्रीनगर रुग्णालय राडा प्रकरणात शिवसेना नगरसेवक रमेश म्हात्रेला अटक

कल्याण-डोंबिवली महानगरपालिकेच्या शास्त्रीनगर रुग्णालयातील डॉक्टर आणि परिचारिकांना झालेल्या मारहाण प्रकरणामुळे सध्या राजकीय आणि सामाजिक वर्तुळात मोठी खळबळ उडाली आहे.

तर दुसरीकडे शरद पवारांचा पक्ष भाजपसोबत किंवा महायुतीत जाणार का? अशा चर्चा रंगल्या असतानाच, देवेंद्र फडणवीस यांनी काल दिल्लीतून या चर्चांवर अत्यंत महत्त्वाचे विधान केले आहे. “शरद पवारांच्या पक्षाचे आमदार किंवा खासदार फोडण्याचा आमचा कोणताही प्रयत्न नाही,” असे स्पष्ट करत त्यांनी या संभाव्य पक्षफुटीच्या चर्चांना पूर्णविराम दिला आहे. आज सकाळी सचिन अहीर यांनी शरद पवारांची भेट घेतली आहे. आज शरद पवार हे विधिमंडळ परिसरात उपस्थित राहणार आहेत.

एकीकडं नैसर्गिक आपत्तीने राज्याला घेरलं असताना, दुसरीकडे मुंबईत सुरू असलेल्या विधिमंडळाच्या पावसाळी अधिवेशनात याचे तीव्र पडसाद उमटण्याची शक्यता आहे. राज्यातील विविध भागांत झालेल्या दुर्घटना, मुंबई-पुण्यातील वाहतूक कोंडी आणि शेतकऱ्यांचे प्रश्न यांवरून विरोधक आज सत्ताधाऱ्यांना धारेवर धरण्याच्या तयारीत आहेत. त्यामुळे आज विधिमंडळात सत्ताधारी आणि विरोधकांमध्ये जोरदार खडाजंगी पाहायला मिळू शकते.

राज्यातील पावसाचे आणि राजकीय घडामोडींचे प्रत्येक अपडेट सर्वात आधी मिळवण्यासाठी वाचत राहा आमचा हा ‘महाराष्ट्र लाईव्ह ब्लॉग’…