Maharashtra Breaking News Updates : सेना-भाजपाचे नवनिर्वाचित नगरसेवकांनी मुंबई महापालिकेच्या कार्यालयाला दिली भेट

कोल्हापूर : दिवंगत उपमुख्यमंत्री अजित पवार यांच्या अस्थींचे सोमवारी येथे त्यांच्या चाहत्यांनी भावपूर्ण वातावरणात दर्शन घेतले. अस्थिकलशाच्या दर्शनासाठी राष्ट्रवादी काँग्रेस पक्षाच्या कार्यालयासमोरील मंडपात सर्वपक्षीयांनी उपस्थिती लावली.मध्येच दिवंगत अजितदादांचे एआय निर्मित भाषण लावले जात होते. त्यांच्या आवाजातील "इतक्या लवकर मी काय जात नसतो तुम्हाला सोडून. मला बी अजित पवार म्हणतात......", हे शब्द कानावर पडताच अनेकांच्या डोळ्यात अश्रू तरळत होते. अनेकजण दाटलेल्या हुंदक्यांना वाट मोकळी करून देत रडत- रडत तर अनेकजण डबडबल्या साश्रुनयनांनी अस्थिकलशाचे दर्शन घेत होते.

आपल्या लाडक्या नेत्याच्या अस्थींचे दर्शन घेताना अनेकजण भावूक झाले. काहीना तर अश्रूंचा बांध आवरता नाही. हुंदके सावरत सावरत अनेकांनी साश्रुनयनांनी या लोकनेत्याच्या अस्थींचे दर्शन घेतले.महाराष्ट्र राष्ट्रवादी काँग्रेस पार्टीचे महाराष्ट्र प्रदेश सरचिटणीस लतीफ तांबोळी अस्थीकलश घेवून कोल्हापुरात आले. मंत्री हसन मुश्रीफ यांनी अस्थीकलश स्वीकारून अजितदादांच्या प्रतिमेसमोर ठेवत फुले वाहून अस्थिकलसह अजितदादांच्या प्रतिमेचे पूजन केले.