Maharashtra News Updates : रोहित पवारांनी गुरुवारची पत्रकार परिषद पुढे ढकलली; ‘एक्स’वर पोस्ट करत दिली माहिती

Maharashtra News Updates : मुंबई महापालिकेच्या महापौर आणि उपमहापौर पदासाठी आज निवडणूक होत आहे. ही निवडणूक फक्त एक औपचारिकता असणार आहे. त्यामुळे भाजपाच्या नेत्या रितू तावडे यांची मुंबईच्या महापौर म्हणून नावाची अधिकृत घोषणा आज केली जाणार आहे. तसेच गेल्या काही दिवसांपासून राज्यात राष्ट्रवादी काँग्रेस पक्षाच्या दोन्ही गटांच्या विलिनीकरणाची चर्चा जोरात सुरू आहे. यातच अजित पवार यांच्या अकाली निधनानंतर त्यांची पत्नी सुनेत्रा पवार यांनी काल उपमुख्यमंत्री पदाचा पदभार स्वीकारला आहे. त्यानंतर त्या आज दिल्लीत पंतप्रधान मोदी, गृहमंत्री अमित शाह तसेच इतर काही महत्त्वाच्या नेत्यांची भेट घेणार आहेत. या आणि इतर सर्व राजकीय घडामोडींकडे आपले लक्ष असणार आहे.