Mumbai Pune Nashik News Today, 27 March 2026: नाशिक येथील भोंदूबाबा अशोक खरात प्रकरणात दररोज नवीन खुलासे होते आहेत. यावरून राजकीय वर्तुळात देखील वातावरण तापल्याचे पाहायला मिळत आहे. यादरम्यान अशोक खरात प्रकरणात आज सुषमा अंधारे, रुपाली ठोंबरे या महिला नेत्यांनी नाशिकच्या पोलीस आयुक्तांची भेट घेतली.

तसेच दुसरीकडे, राज्याचे अन्न व औेषध प्रशासनमंत्री नरहरी झिरवाळ यांच्या अश्लील चित्रफीतवरून त्यांच्या राजीनाम्याची मागणी केली जात आहे, स्वतः झिरवाळ यांनी मात्र या प्रकरणात अद्याप काहीही खुलासा केलेला नाही.

मुख्यमंत्री देवेंद्र फडणवीस यांनी पेट्रोल-डिझेलच्या दराबाबत मोठे विधान केले आहे. मा. पंतप्रधान नरेंद्र मोदीजी यांच्या दूरदर्शी नेतृत्वाखाली, भारत सरकारने पश्चिम आशियातील सुरू असलेल्या संकटामुळे जागतिक स्तरावर इंधनाचे दर वाढत असतानाही, आपल्या जनतेच्या हिताची अटळ बांधिलकी पुन्हा एकदा अधोरेखित केली आहे, असे ते म्हणाले.

इतर बातम्यांची माहिती खाली मिळेल.

Live Updates

Pune Mumbai Nagpur News Today, 27 March 2026 : राज्यातील सर्व महत्त्वाच्या घडामोडी वाचा एका क्लिकवर...

21:11 (IST) 27 Mar 2026

वसई विरार महापालिका नगर पथविक्रेता समिती निवडणुकीत ‘या’ उमेदवाराची बिनविरोध निवड

केंद्र सरकारच्या २०१४ च्या अधिनियमानुसार, वसई-विरार शहरात नगर पथविक्रेता समितीच्या ८ जागांसाठी निवडणूक जाहीर करण्यात आली आहे. ...सविस्तर बातमी
20:38 (IST) 27 Mar 2026

​भोंदू खरात प्रकरण; ‘ये रिश्ता क्या कहलाता है?’ सुषमा अंधारेंनी कोणाकोणाचे फोटो दाखवले?

भोंदूबाबा अशोक खरात प्रकरणात सुषमा अंधारे यांनी दीपक केसरकर, रुपाली चाकणकर आणि हेमंत गोडसे यांचे खरातसोबतचे फोटो दाखवत 'ये रिश्ता क्या कहलाता है?' असा खोचक सवाल विचारला आहे. ...सविस्तर वाचा
20:17 (IST) 27 Mar 2026

चौथी, सातवीच्या शिष्यवृत्ती परीक्षेचे प्रवेशपत्र उपलब्ध… किती विद्यार्थ्यांची परीक्षेसाठी नोंदणी?

महाराष्ट्र राज्य परीक्षा परिषदेतर्फे २६ एप्रिल रोजी होणाऱ्या चौथी आणि सातवीच्या शिष्यवृत्ती परीक्षेचे प्रवेशपत्र ऑनलाइन उपलब्ध झाले आहे. यंदा राज्यभरातून तब्बल ११ लाख ५५ हजार ७६७ विद्यार्थ्यांनी या परीक्षेसाठी नोंदणी केली आहे. ...सविस्तर बातमी
20:13 (IST) 27 Mar 2026

Mumbai Local MegaBlock : मध्य, पश्चिम रेल्वेवर मेगाब्लॉक...

मुंबईत रविवारी मध्य रेल्वेच्या माटुंगा-मुलुंड आणि ट्रान्स हार्बर मार्गावर मेगाब्लॉक घेण्यात येणार असून, पश्चिम रेल्वेवर शनिवारी रात्रीपासून कांदिवली-बोरिवली दरम्यान विशेष ब्लॉक असेल. ...सविस्तर वाचा
20:09 (IST) 27 Mar 2026

एलपीजी तुटवड्याच्या पार्श्वभूमीवर ठाणे जिल्ह्यात रॉकेलचे वितरण; प्रत्येक कुटुंबाला मिळणार ३ लिटर रॉकेल

केंद्र सरकारने जारी केलेल्या आदेशानुसार एलपीजीच्या संभाव्य तुटवड्यावर उपाय म्हणून रॉकेल वितरणास मंजुरी देण्यात आली आहे. ...सविस्तर वाचा
20:00 (IST) 27 Mar 2026

सौरऊर्जा कंत्राटासाठी कोट्यवधीची लाच दिल्याचे प्रकरण; अंबानी यांच्याप्रमाणे अदानी समूहाला उच्च न्यायालयाचा दिलासा

सौर ऊर्जा कंत्राटासाठी कोट्यवधींची लाच दिल्याचा आरोप करणारी याचिका उच्च न्यायालयाने फेटाळल्याने अदानी समूहाला मोठा दिलासा मिळाला असून सीबीआय चौकशीची मागणी अमान्य करण्यात आली आहे. ...वाचा सविस्तर
19:35 (IST) 27 Mar 2026

NMMC : अभय योजनेला मोठा प्रतिसाद; १५ हजार थकबाकीदारांकडून ८१ कोटींची वसुली; मुदत संपण्यास चार दिवस

महानगरपालिकेच्या माहितीनुसार, २७ मार्च २०२६ रोजी सायंकाळी पाचपर्यंत चालू आर्थिक वर्षात एकूण ७५५ कोटी रुपयांचा मालमत्ता कर जमा झाला आहे. ...अधिक वाचा
19:28 (IST) 27 Mar 2026

“खाणीसाठी परवानगी द्या, अन्यथा बघून घेऊ,” कंत्राटदार कंपनीच्या प्रतिनिधींकडून वेलमागडवासीयांना धमकी

गडचिरोलीच्या एटापल्ली तालुक्यातील वेलमागड आणि जवेली येथे खाण सर्वेक्षणासाठी आलेल्या कंपनीच्या प्रतिनिधींनी ग्रामस्थांना धमकावल्याचा गंभीर आरोप झाला आहे. ग्रामसभेची परवानगी नसतानाही जबरदस्तीने काम करण्याच्या प्रयत्नामुळे परिसरात मोठा तणाव निर्माण झाला आहे. ...सविस्तर वाचा
19:25 (IST) 27 Mar 2026

भाजपची दडपशाही ? मिरा-भाईंदरमध्ये महासभेचे चित्रीकरणास बंदी, पत्रकार गॅलरीत सुरक्षा रक्षक तैनात

मिरा-भाईंदर महापालिकेच्या २०२६-२७ सालच्या अर्थसंकल्पास अंतिम मंजुरी मिळविण्यासाठी २७ मार्च रोजी दुपारी महापौर डिंपल यांच्या आदेशानुसार सर्वसाधारण महासभेचे आयोजन करण्यात आले होते. ...अधिक वाचा
19:17 (IST) 27 Mar 2026

ठाणे जिल्ह्यात बाटली-कॅनमधून पेट्रोल-डिझेल विक्रीला बंदी ! अफवांच्या पार्श्वभूमीवर जिल्हाधिकाऱ्यांचे आदेश; वाहनाच्या टाकीतच इंधन देण्याचे निर्देश

ठाणे जिल्हाधिकारी डॉ. श्रीकृष्ण पांचाळ यांनी पेट्रोलियम नियम २००२ अंतर्गत हा आदेश जारी केला असून, जिल्ह्यातील सर्व पेट्रोल पंपांवर इंधन केवळ वाहनांच्या इंधन टाकीतच देण्याचे स्पष्ट निर्देश देण्यात आले आहेत. ...सविस्तर वाचा
19:13 (IST) 27 Mar 2026

ऑरेंज गेट-मरीन ड्राइव्ह दुहेरी बोगदा; काही दिवसांतच ‘मावळा’कडून ७० मीटरचे भुयारीकरण पूर्ण…

एमएमआरडीएच्या ऑरेंज गेट-मरीन ड्राइव्ह दुहेरी बोगदा प्रकल्पातील 'मावळा' टीबीएमने ७० मीटरचे भुयारीकरण पूर्ण केले असून, प्रवासाचा वेळ वाचवण्यासाठी हा प्रकल्प वेगाने आकाराला येत आहे. ...सविस्तर वाचा
19:06 (IST) 27 Mar 2026

खारफुटीची कत्तल थांबविण्यासाठी पंतप्रधानांना साकडे; प्रस्तावाचा पुर्नविचार करण्याची पर्यावरण संस्थेची मागणी…

वर्सोवा-दहिसर-भाईंदर किनारा मार्ग प्रकल्पासाठी हजारो खारफुटी तोडण्याच्या निर्णयाविरोधात पर्यावरण संस्थांनी पंतप्रधानांकडे हस्तक्षेपाची मागणी केली आहे. ...सविस्तर बातमी
19:04 (IST) 27 Mar 2026

नागपूर : रेल्वे इंजीन चालकाने रेल्वे रुग्णालयात घेतला गळफास, कारण काय?

मध्य रेल्वेच्या नागपूर विभागातील ५९ वर्षीय लोको पायलट सुधाकर चुनारकर यांनी रेल्वे रुग्णालयात गळफास घेऊन आत्महत्या केली. उपचारासाठी दाखल असताना घडलेल्या या घटनेमुळे रेल्वे प्रशासनात मोठी खळबळ उडाली आहे. ...वाचा सविस्तर
18:55 (IST) 27 Mar 2026

सराफा पेढीमधून दागिने पळविणाऱ्या महिलेला अटक...

झवेरी बाजारातील सराफा पेढीत बुरखा घालून ७ तोळ्यांच्या सोन्याच्या बांगड्या चोरणाऱ्या धारावीतील ४३ वर्षीय महिलेला एल. टी. मार्ग पोलिसांनी तांत्रिक तपासाच्या आधारे बेड्या ठोकल्या आहेत. ...अधिक वाचा
18:48 (IST) 27 Mar 2026

श्रीरामनवमी मिरवणुकीतील वादातून तरुणावर शस्त्राने वार; टोळक्याविरुद्ध गुन्हा

पुण्यातील मुंढवा परिसरात श्रीरामनवमी मिरवणुकीतील फलक लावण्याच्या वादातून एका तरुणावर तीक्ष्ण शस्त्राने वार करण्यात आले. याप्रकरणी मुंढवा पोलिसांनी तिघांना ताब्यात घेतले असून जखमीवर ससून रुग्णालयात उपचार सुरू आहेत. ...सविस्तर बातमी
18:39 (IST) 27 Mar 2026

Karjat-Jamkhed Politics: गाजावाजा करून घडवलेले सत्तांतर टिकवण्याचे राम शिंदे यांच्यापुढे आव्हान

कर्जत नगरपंचायतीमध्ये गाजावाजा करून मिळवलेली सत्ता टिकवण्याचे मोठे आव्हान भाजप नेते राम शिंदे यांच्यासमोर उभे ठाकले आहे. नगराध्यक्षा रोहिणी घुले यांनी राजीनामा देण्यास नकार दिल्याने शिंदे यांच्या गोटात खळबळ उडाली आहे. ...अधिक वाचा
18:39 (IST) 27 Mar 2026

जैन संघाची गॅस टंचाईतून सुटका करण्यासाठी मंत्री लोढा यांची खास मदत! लोढा यांच्या भूमिकेवर टीका…

मुंबईत हजारो नागरिक गॅसअभावी भरडले जात असताना मंत्री लोढा यांनी वैयक्तिक पत्राद्वारे जैन संघांना केलेल्या मदतीच्या आवाहनावर आता चौफेर टीका होऊ लागली आहे. ...वाचा सविस्तर
18:27 (IST) 27 Mar 2026

मुंबईवरून उत्तर प्रदेश, बिहारसाठी आणखी दोन कायमस्वरूपी रेल्वेगाड्या...

मध्य रेल्वेने उत्तर प्रदेश आणि बिहारसाठी दोन नवीन कायमस्वरूपी रेल्वेगाड्या सुरू केल्या असून, दादर-बलिया आणि एलटीटी-दरभंग्यासाठी आता नियमित गाड्या धावणार आहेत. ...सविस्तर बातमी
18:18 (IST) 27 Mar 2026

मध्य रेल्वेकडून हिंदी भाषेचा प्रसार; हिंदीचा अधिकाधिक वापर करण्याचे आवाहन…

मध्य रेल्वेच्या कामकाजात हिंदी भाषेचा वापर वाढवण्यासाठी क्षेत्रीय राजभाषा समितीची १९२ वी बैठक पार पडली असून, सर्व माहिती हिंदी आणि इंग्रजी भाषेत देण्याचे आदेश देण्यात आले आहेत. ...अधिक वाचा
18:09 (IST) 27 Mar 2026

'भोंदू अशोक खरातला ३९ आमदार भेटले; मात्र मलाच लक्ष्य केले जात आहे!' - दीपक केसरकर

भोंदू अशोक खरातला ३९ आमदार भेटले, मग मलाच का लक्ष्य केले जात आहे, असा सवाल माजी मंत्री दीपक केसरकर यांनी शिर्डीत साईबाबांच्या दर्शनानंतर माध्यमांशी बोलताना उपस्थित केला. ...सविस्तर बातमी
18:04 (IST) 27 Mar 2026

सुप्रिया सुळे राम नवमीसाठी मुलीच्या सासरी, नितीन गडकरींसोबत रंगल्या चर्चा

राष्ट्रवादी काँग्रेसच्या खासदार सुप्रिया सुळे यांची कन्या रेवती सुळे लवकरच नागपूरची सून होणार आहे. नागपूरचे प्रसिद्ध व्यावसायिक अरुण लखानी यांचे चिरंजीव सारंग लखानी यांच्याशी त्यांचा विवाह निश्चित झाला असून रामनवमीनिमित्त दोन्ही परिवार एकत्र आले होते. ...सविस्तर बातमी
17:51 (IST) 27 Mar 2026

बळीराजा तिहेरी संकटात; उत्तर महाराष्ट्रासाठी 'विशेष पॅकेज' द्या! खासदार डाॅ.शोभा बच्छाव यांची लोकसभेत मागणी

निसर्गाचा लहरीपणा, बाजारपेठेतील अस्थिरता आणि युद्धजन्य परिस्थिती अशा तिहेरी संकटात सापडलेल्या उत्तर महाराष्ट्रातील शेतकऱ्यांसाठी खासदार डॉ. शोभा बच्छाव यांनी लोकसभेत तातडीच्या विशेष आर्थिक पॅकेजची मागणी केली. ...वाचा सविस्तर
17:43 (IST) 27 Mar 2026

सागरी किनारा रस्त्यावरील ‘जय हो’च्या धूनवर मर्यादा; रहिवाशांच्या तक्रारीनंतर रात्री धून बंद ठेवण्याचा पालिकेचा निर्णय…

कोस्टल रोडवर गाड्यांच्या चाकांच्या घर्षणातून ऐकू येणारी 'जय हो'ची धून आता रात्री शांत राहणार असून, स्थानिक नागरिकांच्या झोपेसाठी पालिकेने बॅरिकेडिंग लावण्याचे ठरवले आहे. ...सविस्तर वाचा
17:23 (IST) 27 Mar 2026

VIDEO : छत्रपती शिवाजी महाराजांबद्दल आक्षेपार्ह वक्तव्य केल्याचे प्रकरण! वादग्रस्त नगरसेवक श्रीपाद छिंदमला पालिका सभागृहातून बाहेर काढले; पद रद्द...

२०१८ मधील त्या वादग्रस्त वक्तव्याची धग अजूनही कायम असून, पुन्हा निवडून आलेल्या श्रीपाद छिंदमला लोकशाहीच्या मंदिरात बसण्याचा अधिकार नसल्याचे सांगत नगरसेवकांनी त्याला बाहेरचा रस्ता दाखवला. ...सविस्तर बातमी
17:21 (IST) 27 Mar 2026

दैवी असल्याची बतावणी करुन पुण्यात महिलेवर अत्याचार - पुणे, वसईतील घटना, भोंदू पसार

पुण्यात दैवी शक्तीचा बनाव करून एका ३५ वर्षीय महिलेवर अत्याचार केल्याप्रकरणी ऋषीकेश वैद्य या भोंदूविरुद्ध गुन्हा दाखल झाला आहे. नाशिकच्या अशोक खरात प्रकरणानंतर पीडित महिलेने धाडस दाखवत पुणे आणि वसई पोलिसांत तक्रार दिली. ...सविस्तर वाचा
17:21 (IST) 27 Mar 2026

भाजप आमदारांची चौकशी करा, मित्र पक्ष 'राष्ट्रवादी'च्या नगरसेवकाची मागणी

पिंपरी-चिंचवड महापालिकेला कर्जाच्या खाईत लोटल्याचा आरोप करत राष्ट्रवादीचे माजी नगरसेवक राजेंद्र जगताप यांनी भाजप आमदारांच्या चौकशीची मागणी केली आहे. उधळपट्टी आणि चुकीच्या नियोजनामुळे पालिकेची तिजोरी रिकामी झाल्याचा दावा त्यांनी केला आहे. ...वाचा सविस्तर
16:51 (IST) 27 Mar 2026

सीईटी परीक्षेच्या पहिल्याच दिवशी गोंधळ, कंत्राटदार कंपनीच्या सर्व्हरमध्ये बिघाड झाल्यामुळे विद्यार्थ्यांना मनस्ताप!

नागपूरच्या वैनगंगा अभियांत्रिकी महाविद्यालयातील बीएड सीईटी परीक्षा केंद्रावर पहिल्याच दिवशी मोठा गोंधळ उडाला. दुपारी ३ ची परीक्षा साडेतीन वाजेपर्यंत सुरू न झाल्याने संतप्त विद्यार्थ्यांनी केंद्रावर गर्दी करत प्रशासनाचा निषेध केला. ...सविस्तर बातमी
16:50 (IST) 27 Mar 2026

खरात प्रकरणात रुपाली चाकणकर यांची दलालाची भूमिका; रुपाली ठोंबरे यांचा आरोप...

नाशिकच्या भोंदूबाबा अशोक खरात प्रकरणात राज्य महिला आयोगाच्या अध्यक्षा रूपाली चाकणकर या 'दलाल' म्हणून कार्यरत होत्या, असा खळबळजनक आरोप रूपाली ठोंबरे यांनी पोलीस आयुक्तांची भेट घेऊन केला. ...वाचा सविस्तर
16:40 (IST) 27 Mar 2026

एकनाथ खडसे–गिरीश महाजन, दोन राजकीय ‘धुरंधर’ पुन्हा आमनेसामने! प्रकरण नेमके काय?

भाजप नेते गिरीश महाजन यांच्या टीकेला उत्तर देताना एकनाथ खडसे यांनी ६७ तारांकित प्रश्न आणि सिंचन योजनांच्या मुद्द्यावरून आपल्या संसदीय कामाचा पाढाच वाचून दाखवला आहे. ...सविस्तर वाचा
16:34 (IST) 27 Mar 2026

ओएनजीसीतून नैसर्गिक वायू चोरीचा आरोप! मुकेश अंबानी यांना उच्च न्यायालयाचा दिलासा; रिलायन्सविरुद्ध सीबीआय चौकशीची मागणी फेटाळली…

कृष्णा-गोदावरी खोऱ्यातील नैसर्गिक वायू चोरीच्या आरोपाप्रकरणी रिलायन्स इंडस्ट्रीज आणि मुकेश अंबानी यांच्याविरुद्ध सीबीआय चौकशीची मागणी करणारी जनहित याचिका उच्च न्यायालयाने शुक्रवारी फेटाळून लावत मोठा दिलासा दिला. ...अधिक वाचा