Maharashtra Breaking News Live Updates: राज्यात सोमवारी बारामती आणि राहुरी पोटनिवडणुकीचा निकाल लागला. महायुतीच्या सुनेत्रा पवार आणि अक्षय कर्डिले यांचा अनुक्रमे दोन्ही जागांवर विजय झाला. दोघांच्या विजयाबद्दल मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी शुभेच्छा देत मतदारांचे आभार मानले. याशिवाय राज्यात सध्या नसरापूर येथील अत्याचारासाठी घटना चर्चेत असून, संशयितांला फाशी देण्याची मागणी पीडित मुलीचे पालक आणि आक्रमक ग्रामस्थांनी केली आहे. राज ठाकरे यांनी देखील याप्रकरणी संताप व्यक्त करताना” या आरोपीला सरकारने कायदा काय सांगतो किंवा अजून कोण काय म्हणेल याचा विचार न करता हालहाल करत संपवावं”, अशी मागणी केली. “महाराष्ट्रात मुली, स्त्रिया पळवून नेण्याचं, त्यांचं शोषण करण्याचं प्रमाण प्रचंड वाढलं आहे, ते वर्षागणिक वाढत आहे”, अशी चिंता देखील ठाकरे यांनी व्यक्त केली. यासह राज्यातील राजकारण, समाजकारण, क्रीडा, पर्यटन, गुन्हे, संस्कृती यासह विविध क्षेत्रात घडणाऱ्या ठळक घडामोडी लाईव्ह ब्लॉगच्या माध्यमातून जाणून घेणार आहोत.
Live Updates
Maharashtra Din Live Updates in Marathi , 5 May 2026: महाराष्ट्र न्यूज लाइव्ह अपडेट्स
Video: कल्याण-अहिल्यानगर महामार्गावर एसटी बस - स्कॉर्पिओचा भीषण अपघात, नेवासा येथील एकाच कुटुंबातील चौघांचा मृत्यू
कल्याण-अहिल्यानगर राष्ट्रीय महामार्गाच्या रुंदीकरण आणि काँक्रिटीकरणाच्या कामामुळे वाहनांचा वेग कमालीचा वाढला आहे. बेशिस्त आणि बेदरकार वाहन चालकांमुळे अपघात वाढले आहेत. ...सविस्तर बातमी
उन्हाच्या झळांमुळे भाज्यांच्या दरात २० ते ३० टक्क्यांनी वाढ
यंदा मे महिन्याच्या पहिल्याच आठवड्यात तापमानाने उच्चांक गाठल्यामुळे शेतमाल करपणे, पाण्याची टंचाई आणि वाहतुकीतील अडचणी यामुळे भाज्यांची आवक घटली आहे. ...सविस्तर वाचा
घोडबंदरच्या नव्या-कोऱ्या रस्त्यावर खोदाई, विद्युत वाहिन्यांच्या दुरुस्तीसाठी रस्ते खोदले
जुन्या वाहिन्या काँक्रीट कामामुळे रस्त्याखाली गाडल्या गेल्या असून या वाहिन्या कामादरम्यान ना दुरुस्त झाल्याने त्याच्या दुरुस्तीसाठी खोदाई करण्यात येत असल्याचे कर्मचाऱ्यांकडून सांगण्यात आले. यातूनच कामातील नियोजनाचा अभाव पुन्हा एकदा दिसून येत आहे. ...सविस्तर वाचा
कल्याणसाठी मोठी बातमी, सॅटिस प्रकल्पातील एक उड्डाणपूल लवकर सुरू; स्टेशनबाहेरील कोंडी सुटणार, वाचा सविस्तर...
कल्याण पश्चिम सॅटिस मार्गातील नेताजी सुभाषचंद्र बोस ते बैलबाजार चौक दरम्यानचा उड्डाण पुलाचा टप्पा लवकर खुला करण्यासाठी जोरदार हालचाली सुरू केल्या आहेत. ...वाचा सविस्तर
मंत्रालयात निरागस सूर झाले बेसूर...
मंत्रालयात आयोजित 'टेक वारी-०२' अंतर्गत संगीत कार्यक्रमामुळे कामकाजात व्यत्यय आल्याने अधिकारी आणि अभ्यागतांनी नाराजी व्यक्त केली असून हा कार्यक्रम स्ट्रेसचे कारण ठरला आहे. ...अधिक वाचा
महिलेचा जीव वाचविण्यासाठी खडतर मार्गावरून दुचाकीवर सहा किमीचा प्रवास; शर्थीचे प्रयत्न निष्फळ…
एटापल्ली तालुक्यातील एका महिलेला विषबाधा झाल्यानंतर तिला वाचवण्यासाठी नातेवाईकांनी चक्क दुचाकीवर आडवे झोपवून सहा किलोमीटरचा खडतर प्रवास केला. ...वाचा सविस्तर
जुन्नरमध्ये तळ्यात बुडून जुळ्या भावंडांचा मृत्यू
जुन्नर तालुक्यातील तळेरान येथे कपडे धुण्यासाठी गेलेल्या ११ वर्षीय जुळ्या भावंडांचा खेळता खेळता तळ्यात बुडून दुर्दैवी मृत्यू झाल्याने परिसरात मोठी हळहळ व्यक्त होत आहे. ...अधिक वाचा
पुण्यात पाणीकपात नाही, महापौरांनी दिले आदेश...
मान्सूनपूर्व नियोजनाच्या आढावा बैठकीत महापौरांनी जलसंपदा विभागाचा पाणीकपातीचा प्रस्ताव फेटाळून लावत पुणेकरांना अखंड आणि स्वच्छ पाणीपुरवठा सुनिश्चित करण्याच्या सूचना प्रशासकीय यंत्रणेला दिल्या आहेत. ...वाचा सविस्तर
महापालिकेविरोधात लाल बावटा पक्षाचा टमरेल मोर्चा
वारंवार तक्रार करूनही पालिकेकडून नागरिकांच्या समस्येची दखल घेतली जात नसल्याने लाल बावटा पक्षाच्या नालासोपारा विभागाकडून ६ मे रोजी दुपारी २ वाजता नालासोपारा "ई" प्रभाग समिती कार्यालयावर 'टमरेल मोर्चा' काढण्यात येणार आहे. ...अधिक वाचा
हिंजवडी आयटी पार्कमधील कोंडीतून सुटका! आयटीयन्ससाठी ७० मार्गावर शटल बससेवा अन् ५०० थांबे...
हिंजवडी आयटी पार्कमधील वाहतूक कोंडीतून कर्मचाऱ्यांची सुटका करण्यासाठी 'कोको राईड्स' ही ७० मार्गांवर ५०० थांब्यांसह अत्याधुनिक शटल बससेवा आता अधिकृतपणे सुरू करण्यात आली आहे. ...सविस्तर वाचा
डोंबिवली महाराष्ट्रनगरमधील रडतखडत सुरू असलेला सिमेंट काँक्रीट रस्ता काम पूर्ण होऊनही बंदच; नागरिक हैराण, वाहनांचा वळसा घेऊन प्रवास
हा रस्ता पाऊस सुरू होण्यापूर्वी खुला करावा, अन्यथा या भागातील रहिवासी या भागात आंदोलन आणि उपोषण करतील, असा इशारा या भागातील नागरिकांनी दिला आहे. ...सविस्तर वाचा
खा.चव्हाण यांनी घेतला जिल्हा परिषदेचा आढावा!
या बैठकीत जिल्हा परिषदेच्या माध्यमातून राबवल्या जाणाऱ्या केंद्र व राज्य सरकारच्या विविध लोककल्याणकारी योजनांच्या अंमलबजावणीची समीक्षा करण्यात आली. ...अधिक वाचा
“बंगालमध्ये भाजपाचा विजय, काहीतरी भानगड”; मनोज जरांगेंना संशय
पश्चिम बंगालमध्ये भाजपाचा विजय झाला आहे. पण, या विजयावर मनोज जरांगे पाटील यांनी संशय व्यक्त केला आहे. ममता बॅनर्जी यांचा पराभवावर देखील त्यांनी आश्चर्य व्यक्त केले. अनेकजण मतदान केलं नाही असं सांगतात आणि यानांच (भाजपा) कसं मतदान होतं? असा संशय त्यांनी व्यक्त केला.
ठाणे महानगरपालिकेमुळे वसई विरारमधील पूरपरिस्थिती येणार नियंत्रणात; महापौरांच्या मागणीची दखल
ठाणे-कळवा खाडीत जमा झालेला गाळ आणि अतिक्रमण यामुळे वसई-विरार शहरात निर्माण होणारी पूरपरिस्थिती नियंत्रणात यावी, यासाठी महापौर अजीव पाटील यांनी दिलेल्या पत्राची दखल घेत ठाणे महानगरपालिकेकडून प्रशासकीय हालचाली सुरू करण्यात आल्या आहेत. ...वाचा सविस्तर
ठाण्यात पावसाळ्यात दुर्घटना रोखण्यासाठी प्रशासनाची पाऊले, ७० ठिकाणी पंप, उघड्या मनहोलची तपासणी, भूस्खलनग्रस्तांना स्थलांतरासाठी नोटीसा बजावणे
पावसाळ्याच्या कालावधीत आपत्कालीन परिस्थिती निर्माण होऊन दुर्घटना घडतात. अशी संभाव्य आपत्ती टाळण्यासाठी ठोस पालिका प्रशासनाने आतापासूनच उपाययोजना राबवण्यास सुरुवात केली आहे. ...सविस्तर बातमी
युद्ध पुन्हा सुरू होणार? विक्रीच्या दबावाने शेअर बाजारात 'बॉटम-फिशिंग'ला प्राधान्य
अस्थिरतेने भरलेल्या मंगळवारच्या सत्रात, सेन्सेक्स २५१.६१ अंशांनी घसरून ७७,०१७.७९ या पातळीवर स्थिरावला. सत्रादरम्यान, सेन्सेक्सने ७५४.३७ अंश गमावत ७६,५१५.०३ ही सत्रातील नीचांकी पातळी गाठली. ...सविस्तर वाचा
पनवेलमध्ये पाणीटंचाईवर शेकापचा संताप; १७ मे रोजी शांततामय जनआंदोलनाचा इशारा
नागरिकांना अपुरा व अनियमित पाणीपुरवठा होत असल्याने महिलांपासून ते ज्येष्ठ नागरिक आणि विद्यार्थ्यांपर्यंत सर्वांनाच मोठा त्रास सहन करावा लागत आहे. ...वाचा सविस्तर
डॉ. संग्राम पाटील यांचा इंग्लंडला परतण्याचा मार्ग मोकळा ! राज्य सरकारकडून अखेर हिरवा कंदील
पंतप्रधान नरेंद्र मोदी आणि भाजप नेत्यांविरोधात समाजमाध्यावरून आक्षेपार्ह मजकूर प्रसिद्ध केल्याचा आरोप असलेले युट्यूबर आणि डॉक्टर संग्राम पाटील यांचा इंग्लंडला परतण्याचा मार्ग मोकळा झाला आहे. ...सविस्तर वाचा
एसी लोकलच्या टपावर विठ्ठलवाडी ते कल्याण दरम्यान मनोरूग्ण तरूणाच्या कसरती
हा तरूण मनोरुग्ण असल्याची खात्री पटल्यावर त्याला पोलिसांनी ताब्यात घेऊन पोलीस ठाण्यात नेले. या सर्व प्रकारामुळे लोकल अर्धा तासाचा खोळंबा झाला. या खोळंब्यामुळे प्रवासी वैतागले होते. ...सविस्तर बातमी
विजेच्या झटक्याने सहा वर्षाच्या मुलाचा मृत्यू, पोलीस ठाण्याबाहेर नागरिकांचा ठिय्या
इंदिरानगर भागात अनेक ठिकाणी महावितरण कंपनीच्या तारा घरांजवळ लोंबकळत्या अवस्थेत आहेत. त्यामुळे आणखी एखादी गंभीर घटना घडण्याची भिती नागरिक व्यक्त करत आहे. ...सविस्तर वाचा
Video: हातातून अचानक आग आणि हालणाऱ्या वस्तू, नाशिक मध्ये भोंदुगिरी चमत्कारांचा असा झाला पर्दाफाश
आयटकच्या वतीने “चला चमत्काराची पोलखोल करूया… विज्ञानाच्या नजरेतून!” या घोषवाक्याखाली झालेल्या परिषदेत अंधश्रद्धा, बुवाबाजी, चमत्कार आणि सर्वसामान्य जनतेची होत असलेली आर्थिक, मानसिक व सामाजिक फसवणूक यावर सखोल चर्चा करण्यात आली. ...अधिक वाचा
ब्राऊन शुगर अमली पदार्थांची तस्करी सुरूच; नालासोपाऱ्यात दोन जणांना अटक
वसई विरार शहरात सातत्याने अमली पदार्थ तस्करीचे प्रकार समोर येत आहेत. त्याला पायबंद घालण्यासाठी आता अमली पदार्थ विरोधी पथकाने कारवाईची मोहीम हाती घेतली आहे. ...सविस्तर बातमी
राजोडी समुद्र किनाऱ्यावर आढळला मृत डॉल्फिन
वसई पश्चिमेच्या भागात राजोडी समुद्र किनारा आहे. या समुद्र किनाऱ्यावर मोठ्या संख्येने नागरिक पर्यटन व फेरफटका मारण्यासाठी येत असतात. सोमवारी दुपारी फेरफटका मारत असताना किनाऱ्यावर मृत अवस्थेत डॉल्फिन आढळून आला. ...सविस्तर वाचा
जिवंत आहे की मृत, हेही कुणी तपासले नाही! श्रेयश मानेचा मृतदेह ८ तास आवारातच पडून; ट्रीपल आयटी प्रशासनाचा पाषाणहृदयीपणा
श्रेयश मानेच्या आत्महत्तेनंतर त्याचा मृतदेह पहाटे साडेचार ते दुपारी १२ वाजतापर्यंत वसतिगृहाच्या आवारात तसाच पडून राहिल्याची धक्कादायक माहितीही विद्यार्थ्यांनी दिली. ...सविस्तर बातमी
अदानींच्या कंपनीचे विकले गेले ४.५८ कोटी शेअर; ५२ आठवड्याच्या उच्चांकी पातळीवरून शेअर घसरला
अदानी पोर्ट्सच्या प्रवर्तक गटातील संस्थेने सुमारे ७,४८६ कोटी रुपयांना या समभागांची अमेरिकेतील 'कॅपिटल ग्रुप'ला विक्री करण्यात आली. ...वाचा सविस्तर
चार्जिंग गन पॉईंट चोरीला; शिवाजी नगर डेपोतील धक्कादायक प्रकार उघडकीस
गोवंडी शिवाजी नगर आगारातील १० चार्जिंग गन पॉईंट चोरीला गेल्याचा धक्कादायक प्रकार मंगळवारच्या बेस्ट समितीच्या बैठकीत सदस्य रमाकांत गुप्ता यांनी हरकतीच्या मुद्द्याद्वारे उघडकीस आणला. ...वाचा सविस्तर
“राष्ट्रवादी काँग्रेस पक्षात नेते वाढले, पण रसद नाही…”, जळगावमध्ये प्रदेशाध्यक्ष शशिकांत शिंदे यांची कबुली
पक्ष संघटनेचा आढावा घेण्यासह नवीन पदाधिकाऱ्यांच्या नियुक्तीसाठी जळगावमध्ये राष्ट्रवादी शरद पवार गटाकडून मंगळवारी एका बैठकीचे आयोजन करण्यात आले. ...सविस्तर वाचा
तुमचं गाव सुरक्षित आहे का? नागपूर जिल्ह्यात अतिवृष्टी झाल्यास 'या' गावांचा संपर्क तुटण्याची भीती; पाहा संपूर्ण यादी
पुढील महिन्यात मान्सून नागपूर जिल्ह्यात सक्रिय होणार असल्याचे सांगण्यात येते. दरवर्षी अतिवृष्टीमुळे नदी, नाल्यांना आलेल्या पुरामुळे शेतपिकांसह गावांमधील नागरिकांच्या मालमत्तेचे नुकसान होते. पुराचा सर्वाधिक धोका हा नदी, नाल्या लगतच्या गावांना असतो. ...सविस्तर वाचा
ठाण्यात गुरूवारी पाणीपुरवठा राहणार बंद, कोणत्या भागात पाणी नाही, जाणून घ्या...
महाराष्ट्र औद्योगिक विकास महामंडळाकडून जांभूळ जलशुद्धीकरण केंद्रातील जलाशय येथील जलवाहिनी क्रमांक १, २ व ३ वर उन्नतीकरण तसेच तातडीच्या देखभाल दुरुस्तीची कामे हाती घेण्यात येणार आहे. ...अधिक वाचा
अटल बिहारी वाजपेयींच्या पुतळ्यासाठी खा.चव्हाणांचा पुढाकार!
मनपाच्या पहिल्याच सर्वसाधारण सभेत वाजपेयी यांचा पुतळा उभारण्याचा प्रस्ताव सत्ताधारी पक्षातल्या प्रमुख नगरसेवकांनी मांडला होता. ...सविस्तर बातमी
रोहित पवारांनी घेतलं अंबाबाई आणि ज्योतिबाचं दर्शन (फोटो - X/ Rohit Pawar)
