Maharashtra News Updates : राज्यसभेसाठी महाविकास आघाडीचा उमेदवार ठरला, ‘या’ नेत्याच्या नावावर शिक्कामोर्तब

Marathi News Today : राज्यसभेच्या निवडणुका लागल्या असून ५ मार्च रोजी अर्ज भरण्याची अंतिम तारीख आहे. मात्र, त्याआधीच महाविकास आघाडीतील मतभेद समोर आले आहेत. महाविकास आघाडीत एका जागेसाठी तिन्ही पक्षांनी दावा केला आहे. ठाकरेंकडून प्रियंका चतुर्वेदींचं नाव पुढे आलंय तर, राष्ट्रवादीकडून शरद पवारांचं नाव चर्चेत आहे तर काँग्रेसनेही या जागेसाठी दावा केलाय. त्यामुळे येत्या काही तासांत यापैकी एका नावावर शिक्कामोर्तब होईल. दुसरीकडे आज रोहित पवार पत्रकार परिषद घेऊन अजित पवार विमान अपघातातील चौकशीबाबत सविस्तर बोलणार आहेत. त्यामुळे त्यांच्या पत्रकार परिषदेकडेही सर्वांचे लक्ष लागले आहे. दरम्यान, इराणविरोधातील युद्धाचा फटका मुंबईच्या अर्थव्यवस्थेवर बसला आहे.