Mumbai Maharashtra News Updates, 15 September 2026 : दिशा सालियन आत्महत्या प्रकरणात एफआयआरमध्ये आदित्य ठाकरेंचं नाव आल्याचा दावा सतिश सालियन यांनी केला आहे. काल (१४ सप्टेंबर) १६ पानांच्या एफआयआरमधील एक पान माध्यमांमध्ये व्हायरल झालं. त्यामुळे आदित्य ठाकरे अडचणीत आले आहेत. दरम्यान, या प्रकरणात आदित्य ठाकरेंचा कोणताही संबंध नाही, असा पुनरुच्चार संजय राऊत यांनी केला आहे. तर, दुसरीकडे मनोज जरांगे पाटील मुंबईतील आंदोलनाबाबत ठाम असून त्यांनी पुन्हा एकदा मुंबई पोलिसांकडे परवानगीसाठी अर्ज केला आहे. तसंच, अमित शाहांनी केलेल्या एका वक्तव्याचे पडसादही आता उमटू लागले आहेत. महाराष्ट्र हे बहुभाषिक राज्य आहे, असं त्यांनी विधान केल्याने वाद निर्माण झाला आहे. यासह राज्यातील विविध घडामोडी जाणून घेऊयात.
शिवसेना कोणाची? आजची सुनावणी संपली, उद्या पुन्हा सुनावणी होणार
सर्वोच्च न्यायालयात आज शिवसेनेचं नाव आणि पक्षचिन्ह कोणाचं? यावर सुनावणी पार पडली. आज शिंदे यांच्या शिवसेनेच्या वकिलांनी सर्वोच्च न्यायालयात युक्तिवाद केला. त्यानंतर आजची सर्वोच्च न्यायालयातील सुनावणी संपली असून आता १६ सप्टेंबर रोजी पुन्हा सुनावणी होणार आहे.
मुंबई शेअर बाजारात हाहाकार! एकाच दिवसात गुंतवणूकदारांचे ९ लाख कोटी बुडाले; तुमचे किती नुकसान झाले?
Share Market Crash Today Wiped Out 9 Lakh Crores: जागतिक सरकारी रोख्यांवरील परताव्यात झालेली वाढ, तेलाच्या वाढत्या किमती आणि जागतिक अनिश्चिततेच्या चिंतेमुळे गुंतवणूकदारांचा आत्मविश्वास डळमळीत झाला आहे. यामुळे सकाळी नफ्यात असलेला भारतीय शेअर बाजार मोठ्या घसरणीसह बंद झाला. दिवसभरातील ७५,४३६ या उच्चांकी पातळीवरून सेन्सेक्समध्ये जवळपास १,४३० अंशांची घसरण झाली, तर निफ्टी ५० निर्देशांक २३,१५० च्या पातळीच्या खाली घसरला.
मनोज जरांगेंबाबत प्रश्न विचारताच मुख्यमंत्री देवेंद्र फडणवीस यांचं उत्तर, “१४ पैकी १२ मागण्या मान्य केल्या आहेत, तरीही…”
मरण आलं तरी चालेल पण मी शरण जाणार नाही, असं मनोज जरांगे म्हणाले आहेत. मनोज जरांगे आज एकटेच मुंबईच्या दिशेने निघाले आहेत. आज ते मुंबई पोलिसांकडून आंदोलनाच्या संमतीसाठी तिसरा अर्ज करणार आहेत. दरम्यान, त्यांनी मराठा बांधवांना मुंबईत न येण्याचं आवाहन केलं आहे. परंतु, तरीही अनेक मराठा बांधव मुंबईच्या दिशेने येत आहेत. मला मारण्यासाठी सरकारचं षडयंत्र सुरू आहे, असंही जरांगे म्हणाले आहेत. याबाबत मुख्यमंत्री देवेंद्र फडणवीस यांना विचारलं असता त्यांनी याबाबत प्रतिक्रिया दिली आहे.
शिवसेना कोणाची? आजची सर्वोच्च न्यायालयातील सुनावणी संपली
सर्वोच्च न्यायालयात आज शिवसेनेचं नाव आणि पक्षचिन्ह कोणाचं? यावर सुनावणी पार पडली. आज शिंदे यांच्या शिवसेनेच्या वकिलांनी सर्वोच्च न्यायालयात युक्तिवाद केला. वकील नीरज कौल यांनी वेगवेगळ्या घटनांचा दाखला देत संपूर्ण राजकीय पक्षाचा विचार केला पाहिजे. विधिमंडळ पक्षात पडलेल्या फुटीच्या पलीकडे जाऊन विचार करण गरजेचं आहे असल्याचं सांगत आणखी महत्वाचा युक्तिवाद केला आहे. दरम्यान, आजची सर्वोच्च न्यायालयातील सुनावणी संपली असून आता उद्या (१६ सप्टेंबर) पुन्हा सुनावणी होणार आहे.
शिवसेना कोणाची? शिंदे सेनेच्या वकिलांनी काय युक्तिवाद केला?
शिवसेनेचं नाव आणि पक्षचिन्ह कोणाचं? यावर आज सर्वोच्च न्यायालयात सुनावणी पार पडली. आज सर्वोच्च न्यायालयात शिंदे यांच्या शिवसेनेच्या वकिलांनी युक्तिवाद केला. वकील नीरज कौल यांनी आज वेगवेगळ्या घटनांचा दाखला दिला. यावेळी कौल यांनी म्हटलं की, संपूर्ण राजकीय पक्षाचा विचार केला पाहिजे. विधिमंडळ पक्षात पडलेल्या फुटीच्या पलीकडे जाऊन विचार करण गरजेचं आहे.
शिंदेंच्या वकिलांनी अर्जुन सिंग यांच्या केसचा दाखला दिला
शिवसेना कोणाची? शिवसेनेचं नाव आणि पक्षचिन्ह कोणाचं? या मुद्यावर आज सर्वोच्च न्यायालयात सुनावणी पार पडली आहे. आज सर्वोच्च न्यायालयात एकनाथ शिंदे यांच्या शिवसेनेचे वकिलांनी युक्तिवाद केला आहे. वकील नीरज कौल यांनी या सुनावणी दरम्यान अर्जुन सिंग यांच्या केसचा दाखला दिला आहे.
शिवसेना कोणाची? सर्वोच्च न्यायालयातील सुनावणी सुरू,
शिवसेना कोणाची? शिवसेनेचं नाव आणि पक्षचिन्ह कोणाचं? राज्यात झालेलं सत्तांतर योग्य की अयोग्य? बंडखोरी करणारे आमदार पात्र की अपात्र? राज्यपालांनी घेतलेला निर्णय कायदेशीर की बेकायदेशीर अशा अनेक मुद्यावर सध्या सर्वोच्च न्यायालयात सुनावणी सुरू आहे. आज सर्वोच्च न्यायालयात एकनाथ शिंदे यांच्या शिवसेनेचे वकील युक्तिवाद करत आहेत.
"टीका करताना कुणीही राजकीय भूमिका घेऊ नये", उपमुख्यमंत्री शिंदेंचं मोठं वक्तव्य; जरांगेंच्या मुंबई मोर्चाबाबत म्हणाले…
एसटी प्रवाशांना मोठा दिलासा, एनसीएमसी कार्ड सक्तीला ३० सप्टेंबर २०२६ पर्यंत मुदतवाढ
ठाण्यात विसर्जनानंतर गणेशमूर्तींचे छायाचित्रण केल्यास कारवाई; ठाणे पोलिसांचे आदेश
वाहतूक कोंडी समस्येवर गर्दी शुल्काची मात्रा, खासगी पॉडकास्टमधून महापालिका आयुक्त अश्विनी भिडे यांचा मानस
मोदकापासून मसाले भातापर्यंत... गणेश चतुर्थीनिमित्त मुंबई, दिल्ली एअर इंडिया लाउंजमध्ये महाराष्ट्रीयन पदार्थांनी मेजवानी
टिळकांच्या आधी 'या' संतांनी रोवली सार्वजनिक गणेशोत्सवाची मुहूर्तमेढ ! इतिहास लेखक, अभ्यासक कौस्तुभ कस्तुरे यांच्या संशोधनातून नवा उलगडा
विविध मागण्यांसाठी तलाठी संघाचे जिल्हाधिकारी कार्यालयासमोर धरणे आंदोलन
नाशिक जिल्हा तलाठी संघाच्या वतीने विविध मागण्यांसाठी जिल्हाधिकारी कार्यालयासमोर धरणे आंदोलन करण्यात आले. या आंदोलनात जिल्ह्यातील १५ तालुक्यांमधील ग्राम महसूल अधिकारी आणि मंडळ अधिकारी मोठ्या संख्येने सहभागी झाले होते. इगतपुरी आणि त्र्यंबकेश्वर प्रांत अधिकाऱ्यांचा मनमानी कारभार आणि दडपशाही थांबवावी, अन्यायकारक निलंबन आणि फेरफार कारवाई मागे घ्यावी, तसेच निलंबित ग्राम महसूल अधिकारी आणि मंडळ अधिकाऱ्यांवरील बेकायदेशीर निलंबन व शास्तीची कारवाई रद्द करावी, अशा विविध मागण्या यावेळी करण्यात आल्या.
आज गणपती विसर्जन! ठाण्यात १३२ ठिकाणी विसर्जनाची व्यवस्था; कुठे आहे सुविधा? जाणून घ्या
इथे गणराया चालवतोय सायकल ! बदलापुरात देखाव्यातून शाश्वत आणि स्वावलंबी जीवनाचा संदेश
ठाण्याच्या जांभळी नाक्याचा ४० वर्षांचा प्रश्न सुटणार; पूर रोखण्यासाठी पर्जन्यवाहिनीच्या कामाला लवकरच सुरुवात
‘लाल परी’च्या डेपोला स्वच्छतेची हाक; डोंबिवलीतील एकदंता टीम कडून गणेशोत्सवातून सामाजिक संदेश
अमित शाह यांच्या महाराष्ट्र बहुभाषिक राज्य वक्त्याव्यावरून मराठी एकीकरण समितीचा संताप
LIVE : "मरण आलं तरी चालेल पण शरण जाणार नाही", मनोज जरांगे एकटेच मुंबईच्या दिशेने रवाना
मरण आलं तरी चालेल पण मी शरण जाणार नाही, असं मनोज जरांगे म्हणाले. ते आज एकटेच मुंबईच्या दिशेने निघाले आहेत. आज ते मुंबई पोलिसांकडून परवानगीसाठी तिसरा अर्ज करणार आहेत. दरम्यान, त्यांनी मराठा बांधवांना मुंबईत न येण्याचं आवाहन केलं आहे. परंतु, तरीही अनेक मराठा बांधव मुंबईच्या दिशेने येत आहेत. मला मारण्यासाठी सरकारचं षडयंत्र सुरू आहे, असंही जरांगे म्हणाले.
'एकदंताय, वक्रतुंडाय...', राधिका अंबानींकडून गणपती बाप्पासाठी खास नृत्याविष्कार; अँटिलियातील VIDEO तुफान व्हायरल
Vidarbha Saline Belt Crisis: सविस्तर: खारपाणपट्ट्यावर संशोधनाची मात्रा निष्फळ!
महाराष्ट्रापेक्षा मोठे बहुभाषिक राज्य संपूर्ण भारतात दुसरे नाही - अमित शाह
रेल्वे फलाटावर आलेल्या ‘त्या’ पाहुण्याने सगळ्यांची धावपळ उडवली; दोन क्रॉसिंग ओलांडून थेट गायब
पुणे: अग्निशामक दल सज्ज, अधिकाऱ्यांकडून विसर्जन घाटांची पाहणी
LIVE : "मी आदित्य ठाकरे आणि दिशा सालियनला कधी भेटलोच नाही", सूरच पंचोलीची पोस्ट
त्वमेव केवलं कर्तासी… समूह स्वरांत ३५ हजार महिलांचे अथर्वशीर्ष पठण, गणरायासमोर पहाटे पारंपरिक पेहरावात स्त्रीशक्तीचा जागर
भाग्यश्री पटवर्धन आणि त्यांच्या वडिलांमधला वाद चव्हाट्यावर
सांगलीच्या श्री गणपती पंचायतन संस्थान मध्ये ऐन गणपती उत्सवात उत्तराधिकारी पदावरून वाद उफाळून आला आहे. अभिनेत्री आणि राजकन्या भाग्यश्री पटवर्धन-दासानी यांनी श्रीमंत विजयसिंह राजे पटवर्धन यांनी उत्तराधिकारी म्हणून नेमलेल्या दत्तक पुत्र राजकुमार आदित्य राजे यांना डावलत गणपती मंदिरात आरती केली. त्यामुळे हा वाद निर्माण झाला आहे. दुसरीकडे आदित्यराजे हेच उत्तराधिकारी सांगत भाग्यश्री यांना आरती करण्याचा अधिकार नसल्याचं विजयसिंह राजे पटवर्धन यांनी म्हटलं आहे.
LIVE : पोलिसांनी परवानगी नाकारली तरीही मनोज जरांगे ठाम; आज एकटेच मुंबईला रवाना होणार
मराठा आरक्षणासाठी मनोज जरांगे पाटील अधिक आक्रमक झाले असून ते आज एकटेच मुंबईच्या दिशेने रवाना होणार आहेत. मुंबई पोलिसांनी मराठा आंदोनासाठी परवानगी नाकारली असून मनोज जरांगेंनी परवानगीसाठी पुन्हा एकदा तिसरा अर्ज केला आहे. तसंच, अनेक मराठा बांधवांनीही मुंबईत येण्याची तयारी दर्शवली आहे. ऐन गणेशोत्सवाच्या काळात मुंबईत कायदा सुव्यवस्था अबाधित ठेवण्याकरता मुंबई पोलिसांसमोर आव्हान असणार आहे.
राज्यात विविध घडामोडी घडत असून त्यावर राजकीय नेत्यांकडून प्रतिक्रिया येत आहेत. त्यातच, महाराष्ट्र नवनिर्माण सेनेचे अध्यक्ष राज ठाकरे यांनी दोन ओळींची एक सूचक पोस्ट केली आहे. मात्र, त्यांनी संबंधित पोस्ट कोणत्या घटनेवरील प्रतिक्रिया म्हणून केली आहे, याबाबत खुलासा आलेला नाही.
सविस्तर वृत्त वाचा
