Maharashtra Live News Updates, 20 February 2023: उद्धव ठाकरे वारंवार माझे वडील चोरले, वडील चोरले, अशी टीका करत आहेत. पण वंदनीय बाळासाहेब ठाकरे हे त्यांच्या एकट्याचे वडील नाहीत. ते जयदेव ठाकरे आणि बिंदू माधव यांचेही वडील आहेत. जयदेव ठाकरे आणि बिंदू माधव यांचे सुपुत्र निहार ठाकरे स्वतः कायदेशीर प्रक्रियेमध्ये मदत करत आहेत. त्यामुळे उद्धव ठाकरेंनी वडील चोरल्याची पोलिस स्थानकात जाऊन तक्रा करावी, अशी टीका किरण पावसकर यांनी केली.

राज्यातील दिवसभराच्या विविध घडामोडींचे सर्व ताजे अपडेट्स मिळवा एका क्लिकवर…

आणखी वाचा
not a single word about Sharad Pawar in pm narendra modis speech in wardha
मोदींच्या भाषणात शरद पवारांबाबत चकार शब्द नाही, काय असावे कारण…
Sharad Pawar insulted daughters-in-law of Maharashtra strong reaction from Ajit Pawar group on that statement
“शरद पवारांनी महाराष्ट्रातील सुनांचा अपमान केला”, ‘त्या’ वक्तव्यावरून अजित पवार गटाची तीव्र प्रतिक्रिया
jalgaon bjp marathi news, eknath khadse marathi news
“एकनाथ खडसे भाजपमध्ये येतील, तेव्हा…”, गिरीश महाजन यांचे सूचक वक्तव्य
What Eknath Shinde Said?
एकनाथ शिंदेंची उद्धव ठाकरेंवर जोरदार टीका, “लग्न एकाबरोबर आणि संसार…”
Live Updates

Marathi News Live Updates :  निवडणूक आयोगाच्या निकालानंतर ठाकरे गट आक्रमक; सर्वोच्च न्यायालयात याचिका दाखल!

20:06 (IST) 20 Feb 2023
आरटीईअंतर्गत विद्यार्थी नोंदणीस पुढील दोन दिवसांत सुरुवात, आधारकार्डबाबत सूचनांची प्रतीक्षा

पुणे : शिक्षणहक्क कायद्यांतर्गत (आरटीई) खासगी प्राथमिक शाळांमध्ये राखीव असणाऱ्या २५ टक्के जागांवर आर्थिक दुर्बल आणि वंचित घटकांमधील विद्यार्थ्यांना प्रवेशासाठी आधारकार्ड नसल्यास प्रवेश प्रक्रियेत सहभागी होता येईल का, आधार कार्ड काढताना मिळणाऱ्या पावतीवर प्रवेश प्रक्रियेत सहभागी होता येईल का, याबाबत प्राथमिक शिक्षण संचालनालयाने शालेय शिक्षण विभागाकडे मार्गदर्शन मागवले आले आहे.

सविस्तर वाचा...

19:21 (IST) 20 Feb 2023
“पहाटेची शपथ हा अजित पवारांचा स्वार्थीपणा”, रावसाहेब दानवेंची टीका; म्हणाले, “गणिते..”

पुणे : “पहाटेची शपथ घेऊन अजित पवार यांनीच स्वार्थीपणा केला. आमच्यासोबत गणिते जुळली नाहीत म्हणून पुन्हा त्यांनी काँग्रेस आणि शिवसनेसोबत हातमिळवणी केली”, असा हल्लाबोल केंद्रीय मंत्री रावसाहेब दानवे यांनी केला आहे.

सविस्तर वाचा...

17:49 (IST) 20 Feb 2023
पोलीस असल्याची बतावणी करून खंडणी उकळणारी टोळी अटकेत

ठाणे : पोलीस असल्याची बतावणी करून खंडणी उकळणाऱ्या टोळीला ठाणे गुन्हे अन्वेषण शाखेच्या खंडणी विरोधी पथकाने अटक केली. संजय म्हात्रे (४५). कैलास पतंगे (३०), निखील जोशी (२६), इम्रान शेख (४०) आणि सागर चिंचोळे (२६) अशी अटकेत असलेल्या आरोपींची नावे असून पोलिसांनी त्यांच्याकडून दोन मोटार, मुंबई पोलीस दलाचे बनावट ओळखपत्र, पोलीस लिहिलेली पाटी, लाठ्या, पोलिसांच्या टोप्या, खंडणीतील रकमेपैकी ४० हजार ५०० रुपये, असा मुद्देमाल जप्त केला आहे.

सविस्तर वाचा..

17:46 (IST) 20 Feb 2023
पुणे: तरुणीचे अपहरण करणारे दोन तरुण गजाआड; विवाहासाठी तरुणीला डांबून जीवे मारण्याची धमकी

विवाहासाठी तरुणीसह तिच्या बहिणीला धमकावून मोटारीतून अपहरण करण्यात आल्याची घटना स्वारगेट परिसरातील जेधे चौकात घडली. तरुणी आणि तिच्या कुटुंबीयांना जीवे मारण्याची धमकी देऊन आरोपींनी तिला डांबून ठेवले.

सविस्तर वाचा

17:13 (IST) 20 Feb 2023
लतिका गोऱ्हे यांचे निधन, डाॅ. नीलम गोऱ्हे यांना मातृशोक

महिला चळवळीतील ज्येष्ठ कार्यकर्त्या लतिका दिवाकर गोऱ्हे (वय ८७) यांचे सोमवारी वृद्धापकाळाने निधन झाले. त्यांच्यामागे दोन मुली आणि नातवंडे असा परिवार आहे. विधान परिषदेच्या उपसभापती आणि स्त्री आधार केंद्राच्या अध्यक्षा डॉ. नीलम गोऱ्हे या त्यांच्या कन्या होत.

सविस्तर वाचा

16:36 (IST) 20 Feb 2023
मुंबईः नोकरी शोधणाऱ्या महिलांचा विनयभंग; चाळीस महिलांना अश्लील व्हिडिओ कॉल करणाऱ्यास अटक

नोकरीच्या शोधात असणाऱ्या महिलांची क्रमांक व्हॉट्सॅपवरून मिळवून त्यांना अश्लील व्हिडिओ कॉल करणाऱ्या करणाऱ्या आरोपीला मालाड पोलिसांनी नुकतीच पुण्यातून अटक केली.

सविस्तर वाचा

15:25 (IST) 20 Feb 2023
“येणाऱ्या निवडणुकीत खोके सरकारला जागा दाखवू”; चंद्रपूरात ठाकरे गटाकडून आंदोलन

केंद्रीय निवडणूक आयोगाने मुख्यमंत्री एकनाथ शिंदे यांच्या बाजूने निर्णय देत शिवसेना व धनुष्यबाण चिन्ह शिंदे यांचे असल्याचा निर्णय दिला. या निर्णयाविरूध्द सर्वोच्च न्यायालयात दाद मागणार असल्याचे स्पष्ट केले आहे.

सविस्तर वाचा

15:02 (IST) 20 Feb 2023
उद्धव ठाकरेंचं निवडणूक आयोगावर टीकास्र; म्हणाले, “भर पावसात आम्ही..”

“पक्षनिधीचा दावा ठरवण्याचा अधिकार निवडणूक आयोगाला नाही. नाहीतर निवडणूक आयोगावर खटला भरला जाईल. आयोगाला फक्त चिन्ह आणि नाव ठरवण्याचा अधिकार नाही. देशात निवडणुका घेणं, पक्षांतर्गत लोकशाही जिवंत ठेवणं हा त्यांचा अधिकार आहे”, असं म्हणत पक्षनिधीवर शिंदे गटाकडून दावा सांगितला जाऊ शकत नाही, असं उद्धव ठाकरेंनी पत्रकार परिषदेत बोलताना स्पष्ट केलं.

सविस्तर वाचा..

14:52 (IST) 20 Feb 2023
पक्ष चोरला, चिन्ह चोरले, पण ठाकरे नाव कसे चोरणार? - उद्धव ठाकरे

माझ्याकडून प्रत्येक गोष्ट चोरली गेली आहे. पक्ष, पक्षाचे नाव, चिन्ह माझ्याकडून चोरले गेले. पण माझे ठाकरे नाव कसे चोरणार? आम्ही सर्वोच्च न्यायालयात निवडणूक आयोगाच्या विरोधात जात आहोत. उद्यापासून याची सुनावणी सुरु होईल, असे उद्धव ठाकरे यांनी पत्रकार परिषदेत सांगितले.

https://twitter.com/ANI/status/1627594167424782337

14:52 (IST) 20 Feb 2023
नागपूर: परीक्षेच्या काळात मुले अभ्यासाचा कंटाळा करतात; पालकांनो ही युक्ती वापरून बघा

राज्य माध्यमिक व उच्च माध्यमिक शिक्षण मंडळाच्या इयत्ता बारावीच्या परीक्षेला मंगळवापासून सुरुवात होणार आहे. नागपूर विभागातील ४८४ केंद्रांवरून १ लाख ५५ हजार विद्यार्थी परीक्षा देणार आहेत.

सविस्तर वाचा

14:47 (IST) 20 Feb 2023
एकनाथ शिंदे कुणाकुणाला वडील बनवणार काय माहीत? - उद्धव ठाकरे

माझे वडील तर एकनाथ शिंदे यांनी चोरलेले आहेतच. आता ते अमित शाह यांना वडीलांसारखे म्हणत आहेत. किती किती लोकांना ते वडील मानणार काय माहीत? उद्धव ठाकरे यांनी मुख्यमंत्री एकनाथ शिंदे यांच्यावर टीका केली.

14:44 (IST) 20 Feb 2023
तर २०२४ ची निवडणूक शेवटची असेल - उद्धव ठाकरे

आज जी परिस्थिती भाजपाने शिवसेनेवर लादण्याचा प्रयत्न केला आहे, उद्या ही परिस्थिती ते देशातील कोणत्याही पक्षावर आणू शकतात. आताच जर यांचा सामना केला गेला नाही, तर कदाचित आगामी २०२४ ची निवडणूक ठरू शकेल. त्यानंतर देशात हुकूमशाहीचा नंगा नाच सुरू होऊ शकतो, अशी टीका उद्धव ठाकरे यांनी भाजपावर केली आहे.

सविस्तर वाचा..

14:42 (IST) 20 Feb 2023
शिवनेरीवरील भगव्या ध्वजाच्या मागणासाठी पुढील वर्षी राज्यव्यापी आंदोलन, डॉ. अमोल कोल्हे यांचा इशारा

छत्रपती शिवाजी महाराजांचे जन्मस्थान असलेल्या शिवनेरीवर कायमस्वरूपी भगवा ध्वज पुढील वर्षीच्या शिवजयंतीपूर्वी लावला गेला नाही, तर राज्यव्यापी आंदोलन करू, असा इशारा खासदार डॉ. अमोल कोल्हे यांनी दिला. या मागणीसाठी शासकीय कार्यक्रमावर टाकलेला बहिष्कार हा भगवा जाणीव आंदोलनाचा एक ट्रेलर होता, असेही त्यांनी स्पष्ट केले.

सविस्तर वाचा

14:00 (IST) 20 Feb 2023
शिवसेनेचा व्हिप उद्धव ठाकरे, आदित्य ठाकरे यांच्यासह सर्वांना लागू होणार - भरत गोगावले

ठाकरे गटाचे नेते, खासदार संजय राऊत यांना धड शिकवण्यासाठी आता शिंदे गटाकडून राज्यभरात गुन्हे दाखल करण्यात येणार आहेत. तसेच अर्थसंकल्पीय अधिवेशनाच्या पार्श्वभूमीवर शिवसेना पक्षाकडून सर्व ५६ आमदारांना व्हिप बजावला जाणार आहे. हा व्हिप आदित्य ठाकरे आणि उद्धव ठाकरे यांना देखील लागू होईल, असे सुतोवाच प्रतोद भरत गोगावले यांनी केले आहे.

13:58 (IST) 20 Feb 2023
ठाणे पालिकेसमोर दोन्ही काँग्रेसच्या महिला कार्यकर्त्यांचे ठिय्या आंदोलन, महेश आहेर यांना निलंबित करण्याची मागणी

महापालिका सहायक आयुक्त महेश आहेर यांना निलंबित करण्याच्या मागणीसाठी काँग्रेस आणि राष्ट्रवादी काँग्रेसच्या महिला कार्यकर्त्यांनी सोमवारी पालिका मुख्यल्यासमोर ठिय्या आंदोलन केले. राष्ट्रवादी काँग्रेसच्या महिला कार्यकर्त्यांनी काळे कपडे परिधान करत पक्ष कार्यलय ते ठाणे महापालिका भवन इथपर्यंत मोर्चा काढला.

सविस्तर वाचा

13:53 (IST) 20 Feb 2023
ठाणे: साहाय्यक आयुक्त महेश आहेर मारहाण प्रकरण; अटकेतील चारही आरोपींना न्यायालयीन कोठडी

ठाणे महापालिकेचे साहाय्यक आयुक्त महेश आहेर यांना मारहाण प्रकरणी अटकेत असलेल्या राष्ट्रवादी काँग्रेस पक्षाच्या चारही पदाधिकाऱ्यांना सोमवारी न्यायालयीन कोठडी सुनावण्यात आली आहे.

सविस्तर वाचा

13:37 (IST) 20 Feb 2023
डोंबिवलीत सेल्फी काढल्याच्या रागातून आई, मुलीला मारहाण

आम्हाला पूर्वसूचना न देता, तू सेल्फी का काढली, असा प्रश्न करुन आई आणि तिच्या मुलीला दोन महिलांनी रविवारी सकाळी बेदम मारहाण केली. डोंबिवली पूर्वेतील मानपाडा रस्त्यावरील सागाव येथील पिंपळेश्वर महादेव मंदिरा बाहेर हा प्रकार घडला

सविस्तर वाचा

13:28 (IST) 20 Feb 2023
शिवसेना भवनाबाबत आमदार संजय शिरसाट यांचं मोठं विधान

केंद्रीय निवडणूक आयोगाने शिंदे गटाला शिवसेना पक्षाचे नाव आणि चिन्ह दिल्यानंतर शिंदे गटाने विधीमंडळातील पक्ष कार्यालयावर देखील हक्क सांगत कार्यालयाचा ताबा घेतला. त्यानंतर शिंदे गट शिवसेना भवन आणि पार्टी फंडवर देखील हक्का सांगणार का? अशी चर्चा सुरु झाली होती. त्यावर आता शिंदे गटाने मोठं विधान केलं आहे.

सविस्तर वाचा..

13:24 (IST) 20 Feb 2023
परीक्षांसंबंधी मोठी बातमी! शिक्षकेतर कर्मचाऱ्यांचा बेमुदत संप सुरू; विद्यापीठाच्या परीक्षांवर परिणाम होण्‍याची शक्‍यता

संत गाडगेबाबा अमरावती विद्यापीठ तसेच संलग्नित महाविद्यालयांमधील शिक्षकेतर कर्मचाऱ्यांनी आपल्‍या विविध मागण्‍यांसाठी बेमुदत संप पुकारला असून विद्यापीठाच्‍या परीक्षांच्‍या कामकाजावर परिणाम होण्‍याचे संकेत आहेत.

सविस्तर वाचा

13:21 (IST) 20 Feb 2023
Agniveer Recruitment: विदर्भातील तरुणांसाठी 'अग्नीवीर’ भरती; जाणून घ्या कशी असेल प्रक्रिया…

लष्कराने नागपूर आणि विदर्भातील तरुणांसाठी ‘अग्नीवीर’ भरतीसाठी अर्ज मागवले आहे. भरती प्रक्रियेत बदलासह ही भरती होण्याची शक्यता आहे. त्याअंतर्गत भरतीस इच्छुक उमेदवारांना प्रथम ‘ऑनलाइन’ सामायिक प्रवेश परीक्षा (सीईई) द्यावी लागेल.

सविस्तर वाचा

13:19 (IST) 20 Feb 2023
मेट्रो येऊ द्याच, पण पहिले जमिनीवरुन चालण्याजोगे वातावरण निर्माण करा, २७ गावातील रहिवाशांची राजकीय मंडळींवर टीका

कल्याण ते तळोजा मेट्रो मार्गासाठी निविदा प्रक्रिया जाहीर झाल्याबद्दल आणि हे काम लवकर पूर्ण होण्याचे गोडवे गायले जात असल्याबद्दल डोंबिवली २७ गावांमधील रहिवाशांनी समाधान व्यक्त केले आहे.

सविस्तर वाचा

12:18 (IST) 20 Feb 2023
चंद्रपूर : क्रिकेटचा देव ताडोबात! सचिनला माया, तारा, बिजली अन् ‘बघिरा’चे दर्शन…

क्रिकेटचा देव, मास्टर ब्लास्टर सचिन तेंडुलकर तीन दिवसांपासून ताडोबा अंधारी व्याघ्र प्रकल्पात मुक्कामी आहे. या तीन दिवसात सचिनला माया, तारा, बिजली या वाघिणींचे आणि ‘बघिरा’ अर्थात काळा बिबट्याचे दर्शन झाले. झुनाबाई या वाघिणीच्या दर्शनाची मात्र सचिनला प्रतीक्षा आहे.

सविस्तर वाचा

12:14 (IST) 20 Feb 2023
नक्षल्यांचा उच्छाद! महाराष्ट्र-छत्तीसगड सीमेलगत नक्षलवाद्यांच्या गोळीबारात दोन पोलीस शहीद, एक जखमी

महाराष्ट्राच्या सीमेवरील, छत्तीसगड राज्यातील बोरतलाव पोलीस चौकीच्या हद्दीत आज, सोमवारी सकाळी ८:३० वा. च्या सुमारास १२-१४ नक्षल्यांनी चहा पिण्याकरिता विनाशस्त्र आलेल्या पोलिसांवर गोळीबार केला.

सविस्तर वाचा

12:13 (IST) 20 Feb 2023
नागपूर: मास्टरब्लास्टर सचिन तेंडुलकर 'निमढेला'त झाला रोमांचित

ताडोबातील वाघांनी देशविदेशातील नामांकित व्यक्तिमत्वांना सहज दर्शन देऊन भुरळ घातली. म्हणूनच त्यांची पावले वारंवार या व्याघ्रप्रकल्पाकडे वळतात. या व्याघ्रप्रकल्पाच्या निमढेला प्रवेशद्वारावरील उत्तम व्यवस्थापनाने अलीकडच्या काही महिन्यात वाघांची संख्या वाढली.

सविस्तर वाचा

11:58 (IST) 20 Feb 2023
नागपुरात खासगी मनोरंजन वाहिन्यांचे प्रक्षेपण बंद, जाणून घ्या काय आहे वाद

ट्राय आणि खासगी वाहिन्यांच्या व्यवस्थापनाने त्यांच्या वाहिन्यांच्या प्रक्षेपण दरात वाढ केली आहे. त्याला अखिल भारतीय डिजिटल केबल फेडरेशनने विरोध केला असून दरवाढीच्या निर्णयाला न्यायालयात आव्हान देण्यात आले आहे.  फेडरेशनचे सरचिटणीस मनोज छंगानी म्हणाले “वाहिन्यांनी केबल ऑपरेटर्सला ४८ तास आधी दरवाढीबाबत सूचना दिली.

सविस्तर वाचा

11:44 (IST) 20 Feb 2023
नागपूर: विकृतीग्रस्त गर्भ असल्यामुळे शेतकरी मातेने उचलले 'हे' पाऊल…

अंबाझरी तलावालगतच्या डॉ बाबासाहेब आंबेडकर भवन पडणाऱ्या विरुद्ध गुन्हा दाखल करण्यासाठी डॉ बाबासाहेब आंबेडकर स्मारक बचाव समिती आंदोलन करीत आहे.एमटीडीसीने अंबाझरी उद्यान आणि स्मारकाच्या ४४ एकर जागा गरुडा कंपनीला ३० वर्षासाठी लिजवर दिली आहे.

सविस्तर वाचा

11:30 (IST) 20 Feb 2023
विधीमंडळातील शिवसेना पक्ष कार्यालयाचा ताबा शिंदे गटाकडे

केंद्रीय निवडणूक आयोगाने शिवसेना पक्षनाव आणि धनुष्यबाण हे चिन्हा शिंदे गटाला दिल्यानंतर आता मुंबईतील विधीमंडळातील शिवसेना पक्ष कार्यालय ताब्यात घेण्यासाठी शिंदे गटाच्या हालचाली सुरु केल्या होत्या. आज विधीमंडळात शिंदे गटाचे प्रतोद भरत गोगावले यांनी विधीमंडळातील पक्ष कार्यालयाचा ताबा घेतला आहे.

11:11 (IST) 20 Feb 2023
नवले पुलावरुन उडी मारुन तरुणीचा आत्महत्येचा प्रयत्न; वाहतूक पोलीस, नागरिकांच्या मदतीमुळे तरुणी बचावली

नवले पुलावर रविवारी रात्री २४ वर्षीय तरुणी थांबली होती. ती जोरात ओरडत होती. तिचा आवाज नागरिक आणि वाहतूक पोलिसांनी ऐकला. वाहतूक शाखेतील पोलीस कर्मचारी मिथून राठोड, अमर कोरडे, नागरिक राजू जगताप, सागर बर्दापुरे, प्रदीप जोरे, श्रेयस तांबे यांनी तरुणीला उडी मारु नको, असे सांगितले.

सविस्तर वाचा

10:56 (IST) 20 Feb 2023
पुणे : राज्यसेवा परीक्षेतील बदल २०२५ पासून लागू करण्यासाठी परीक्षार्थींसह काँग्रेसचे आंदोलन

राज्यसेवा परीक्षेतील बदल २०२५ पासून लागू करण्याच्या मागणीसाठी काँग्रेसने स्पर्धा परीक्षार्थींसह पुण्यातील जंगली महाराज रस्त्यावरील झाशीची राणी चौक येथे आंदोलन सुरू केले आहे. आश्वासन नको अंमलबजावणी हवी, अशी भूमिका घेत आंदोलन करण्यात येत आहे.

सविस्तर वाचा

10:40 (IST) 20 Feb 2023
Tech Layoff मध्ये TCS च्या कर्मचाऱ्यांसाठी आनंदाची बातमी; नोकरी तर जाणार नाहीच पण…

सध्या जगातील दिग्गज टेक कंपन्या जागतिक आर्थिक मंदीचे कारण देत खर्च कमी करण्याच्या दृष्टीने आपल्या कर्मचाऱ्यांची कपात करत आहेत. Apple , Microsoft सह अनेक टेक कंपन्यांनी आतापर्यंत आपल्या हजारो कर्मचाऱ्यांना कामावरून काढून टाकले आहे. वाचा सविस्तर बातमी

10:38 (IST) 20 Feb 2023
मुख्यमंत्र्यांच्या शहरातील वाहतूक कोंडी फोडण्यासाठी आणखी एक उड्डाणपूल

ठाण्यातील वाहतूक कोंडी फोडण्यासाठी आणि ठाण्यावरून थेट मुंबईत जाणे सोपे व्हावे यासाठी मुंबई महानगर प्रदेश विकास प्राधिकरणाने (एमएमआरडीए) आणखी एक उड्डाणपूल बांधण्याचा निर्णय घेतला आहे.

सविस्तर वाचा

10:37 (IST) 20 Feb 2023
वर्धा: मन मोहून टाकणारी खादीवरील नैसर्गिक रंगांची उधळण

निसर्गाशी नाते सांगणाऱ्या रंगाच्या संगतीने खादी कापडावर केलेली कलाकारी चित्रकलेचा नवाच आविष्कार ठरली. मगन संग्रहालयातील विशाल वटवृक्षाच्या छायेत ही रंगकारी कला आकारास आली.

सविस्तर वाचा

10:36 (IST) 20 Feb 2023
नागपूर: जुन्या पेन्शनच्या मागणीसाठी कर्मचाऱ्यांची एकजूट, देशव्यापी आंदोलनाची घोषणा

जुन्या पेन्शन योजनेच्या मागणीसाठी केंद्र व राज्य सरकारच्या कर्मचाऱ्यांनी देशव्यापी आंदोलनाची घोषणा केली आहे. अखिल भारतीय राज्य सरकारी कर्मचारी महासंघाचे अध्यक्ष सुभाष लांबा यांनी ही माहिती दिली.

सविस्तर वाचा

10:36 (IST) 20 Feb 2023
नागपूर: क्रिकेट सट्टेबाजीने घेतला व्यापाऱ्याचा बळी, आत्महत्येपूर्वी…

क्रिकेटवर सट्टेबाजी खेळण्याच्या व्यसनातून कर्जबाजारी झालेल्या एका व्यावसायिकाने चित्रफीत तयार केली व गळफास घेऊन आत्महत्या केली.अमित राजेंद्र महतो (३५, नरीमन सोसायटी, गणपतीनगर) असे मृत व्यापाऱ्याचे नाव आहे.

सविस्तर वाचा

10:25 (IST) 20 Feb 2023
Chinchwad Election: भाजपा विरुद्ध महाविकास आघाडी अशीच लढत!, आज ‘या’ स्टार प्रचारकांच्या तोफा धडाडणार…

चिंचवड विधानसभा पोटनिवडणुक सध्या प्रत्येक पक्षासाठी प्रतिष्ठेची निवडणूक बनली आहे. याच पार्श्वभूमीवर आज भाजपा आणि महाविकास आघाडीच्या स्टार प्रचारकांच्या तोफा धडाडणार आहेत. मतदानासाठी अवघे काही दिवस बाकी असल्याने आपला उमेदवार मतदारांपर्यंत पोहचवण्यासाठी भाजपा आणि महाविकास आघाडी प्रयत्न करत आहेत.

सविस्तर वाचा

10:22 (IST) 20 Feb 2023
नागपुरात ‘पेट्रोकेमिकल कॉम्प्लेक्स’!, केंद्राची कंपनी आणि ‘एमआयडीसी’ करणार अभ्यास

महाराष्ट्र राज्य औद्योगिक विकास महामंडळ (एमआयडीसी) आणि केंद्र सरकारची कंपनी इंजिनियर इंडिया लिमिटेड नागपुरात ‘पेट्रोकेमिकल कॉम्प्लेक्स’च्या उभारणीसाठी संयुक्तपणे व्यवहार्यता अहवाल तयार करणार आहे.

सविस्तर वाचा

10:22 (IST) 20 Feb 2023
भंडारा : ‘त्याच्या’ अगदी १५ फुटाच्या अंतरावर मोठे अस्वल होते, अचानक…

सायंकाळच्या सुमारास एक भले मोठे अस्वल न्यायालय वसाहत परिसरात शिरले. परिसरात फेरफटका मारत असलेल्या एका कर्मचाऱ्याच्या दिशेने ते अस्वल धावू लागले. अगदी १५ फूट अंतरावर अस्वल आले तोच त्यांनी घराच्या दिशेने धूम ठोकली आणि कसाबसा जीव वाचवला.

सविस्तर वाचा

10:18 (IST) 20 Feb 2023
संजय राऊत यांच्या विरोधात नाशिकमध्ये गुन्हा दाखल

ठाकरे गटाचे नेते, खासदार संजय राऊत यांनी मुख्यमंत्री एकनाथ शिंदे यांच्यावर टीका करत असताना आक्षेपार्ह विधान केले होते. या विधानामुळे संजय राऊत यांच्या अडचणीत वाढ होण्याची शक्यता आहे. नाशिकमध्ये संजय राऊत यांच्याविरोधात गुन्हा दाखल करण्यात आला आहे.

सविस्तर वाचा...

eknath shinde and uddhav thackeray flaming torch

‘शिवसेना’ नाव आणि ‘धनुष्यबाण’ चिन्ह शिंदे गटाला देण्याचा निर्णय केंद्रीय निवडणूक आयोगाने दिल्यानंतर ठाकरे गट आक्रमक झाला आहे. या निर्णयाविरोधात ठाकरे गटाकडून सर्वोच्च न्यायालयात याचिका दाखल करण्यात आली आहे.