Marathi News Update: महाराष्ट्राचे माजी मुख्यमंत्री मनोहर जोशी यांचं निधन झालं आहे. शिवसेनेचा सुवर्णकाळ पाहिलेले मनोहर जोशी यांची प्राणज्योत पहाटे तीनच्या सुमारास मालवली. शिवसेनेचे नेते, मनसेचे नेते राष्ट्रवादी शरद पवार गट या सगळ्यांनीच त्यांना आदरांजली वाहिली आहे आणि त्यांच्या स्मृती जागवल्या आहेत. तर मराठा आरक्षण आंदोलनात फूट पडली आहे. संगीता वानखेडे यांनीही आता मनोज जरांगेंवर काही आरोप केले आहेत. या आणि महाराष्ट्रातल्या सगळ्या महत्त्वाच्या घडामोडींवर आपली लाईव्ह ब्लॉगच्या माध्यमातून नजर असणार आहे.

chandrapur lok sabha marathi news, suniel shetty sudhir mungantiwar marathi news
“अण्णा बोलता हैं…”; सुधीर मुनगंटीवार यांच्या प्रचारार्थ सुनील शेट्टीच्या ‘रोड शो’ला उत्स्फूर्त प्रतिसाद
Raj Thackeray, mahayuti support
राज ठाकरे यांच्या भूमिकेत कायमच सातत्याचा अभाव
Why frequent allegations of political infiltration in Sahitya Akademi
विश्लेषण: साहित्य अकादमीत राजकीय घुसखोरीचा आरोप वारंवार का?
Ganesh Naik-Subhash Bhoirs meeting is the beginning of new political equation
Maharashtra News : गणेश नाईक-सुभाष भोईर यांच्या भेटीच्या चर्चेने नव्या राजकीय समीकरणाची नांदी?
Live Updates

Maharashtra Breaking News Live 23 February 2024| माजी मुख्यमंत्री मनोहर जोशींचं निधन आणि महाराष्ट्रातल्या महत्त्वाच्या घडामोडी

19:14 (IST) 23 Feb 2024
ठाण्यातील बांधकाम विकासक कौस्तुभ कळके यांना अटक

ठाणे : ठाण्यातील बांधकाम क्षेत्रातील प्रसिद्ध मे.जोशी एंटरप्रायझेस कंपनीतून दोन भागीदारांना बाहेर काढण्यासाठी बनावट कागदपत्रे तयार करून ती बँक आणि कंपनी नोंदणी कार्यालयात सादर करून फसवणुक केल्याचा आरोप बांधकाम व्यावसायिक कौस्तुभ कळके यांच्यावर असून या प्रकरणी दाखल झालेल्या गुन्ह्यात नौपाडा पोलिसांनी कळ‌के यांना शुक्रवारी अटक केली आहे.

सविस्तर वाचा...

18:43 (IST) 23 Feb 2024
प्रशासकाच्या नियुक्तीला बाजार समितीचा विरोध, राज्यातील सर्व बाजार समितीची २६ फेब्रुवारी रोजी बंदची हाक

चंद्रपूर : राज्य सरकारने कृषी उत्पन्न बाजार समित्यांच्या धोरणात बदल करण्याचा निर्णय घेतला आहे. त्यात निवडणुका न घेता कायमस्वरुपी प्रशासकाची नेमणूक करण्यात येणार आहे. राज्य सरकारचा हा निर्णय शेतकऱ्यांच्या अधिकारावर गदा आणणारा आहे.

सविस्तर वाचा...

18:32 (IST) 23 Feb 2024
राष्ट्रवादीच्या नव्या चिन्हावर वडेट्टीवार म्हणाले, “तुतारी वाजवायला ‘हात’… ”

नागपूर: राष्ट्रवादी काँग्रेसमधून अजित पवार बाहेर पडल्यावर निवडणूक आयोगाने त्यांच्या गटाला अधिकृत पक्ष म्हणून मान्यता देताना त्याचे चिन्हही बाहाल केले. त्यामुळे दुसरा गट म्हणजे पक्षाचे संस्थापक अध्यक्ष शरद पवार यांच्या गटाला निवडणूक आयोग कोणते चिन्ह देणार याकडे राजकीय वर्तुळाचे लक्ष लागले होते. न्यायालयाने आदेश दिल्यानंतर निवडणूक आयोगाने शरद पवार गटाला तुतारी हे चिन्ह दिले. त्यावर विधानसभेतील विरोधी पक्षनेते व काँग्रेस नेते विजय वडेट्टीवार यांनी नागपुरात प्रतिक्रिया दिली.

सविस्तर वाचा..

18:31 (IST) 23 Feb 2024
महाविकास आघाडीत काय सुरू आहे माहिती नाही…. प्रकाश आंबेडकर स्पष्टच बोलले !

अकोला : वंचित आघाडीने दिलेला मसुदा महाविकास आघाडीने मान्य केल्याचे काँग्रेसने स्पष्ट केले. त्याचे आम्ही स्वागत करतो. महाविकास आघाडीतील घटक पक्षांनी त्यांचा मसुदा आम्हाला द्यावा. त्यामुळे कुठल्या मुद्द्यावर आपले एक मत आहे हे कळेल, अशी भूमिका वंचित बहुजन आघाडीचे राष्ट्रीय अध्यक्ष अ‍ॅड. प्रकाश आंबेडकर यांनी शुक्रवारी येथे मांडली.

सविस्तर वाचा...

18:08 (IST) 23 Feb 2024
चंद्रपूर : तळीराम शिक्षक; मुख्याध्यापक, पालकांनी दिला चोप, काय आहे नेमकं प्रकरण वाचा…

चंद्रपूर : जिल्ह्यातील ग्रामीण भागातील शैक्षणिक व्यवस्थेचे पुरते तीन तेरा वाजल्याचा धक्कादायक प्रकार समोर आला आहे. महाराष्ट्र – तेलंगणा सीमेवर जीवती तालुक्यातील आसापूर जिल्हा परिषद उच्च प्राथमिक शाळेतील मुख्याध्यापक व शिक्षक चक्क दारू ढोसून शाळेत प्रवेश केला.

सविस्तर वाचा...

17:55 (IST) 23 Feb 2024
कोल्हापूर : बाळूमामा देवस्थानातील गैरव्यवहार प्रकरणांच्या चौकशीसाठी मंगळवारी मोर्चा

देशभरातील भाविकांचे श्रद्धास्थान असलेल्या संत बाळूमामा देवस्थानातील गैरव्यवहारांच्या प्रकरणाने पुन्हा उचल घेतली आहे.

सविस्तर वाचा...

17:20 (IST) 23 Feb 2024
मराठी चित्रपट महामंडळाच्या आर्थिक गैरव्यवहाराचा अहवाल दोन महिन्यात सादर करण्याचे आदेश; मेघराज राजेभोसले यांना विरोधकांचा धक्का

कोल्हापुर : अखिल भारतीय मराठी चित्रपट महामंडळाच्या काळजीवाहू कार्यकारी मंडळाने मागील अडीच वर्षात केलेल्या आर्थिक गैरव्यवहारांची चौकशी करून दोन महिन्यात अहवाल सादर करावा असे आदेश धर्मादाय सहआयुक्त निवेदिता पवार यांनी दिले आहेत.

सविस्तर वाचा...

17:09 (IST) 23 Feb 2024
नागपूर : आईच्या प्रियकराची मुलाने केली धुलाई

नागपूर : घरी कुणी नसताना एका युवकाच्या आईचा प्रियकर भेटायला आला. आई व तिच्या प्रियकरात शाब्दिक वाद झाला. तेवढ्यात मुलगा घरी आला. त्याने आईच्या प्रियकराची यथेच्छ धुलाई केली.

सविस्तर वाचा...

17:08 (IST) 23 Feb 2024
अलिबाग-विरार कॉरिडॉर भूसंपादनाला विरोध, शेतकरी संघर्ष समितीचे आंदोलन

अलिबाग : राज्य सरकारचा महत्त्वाकांक्षी प्रकल्प असलेला अलिबाग-विरार बहुउद्देशीय मार्गिका प्रकल्प रखडण्याची चिन्हे दिसू लागली आहेत. या प्रकल्पाच्या भूसंपादनाला स्थानिक शेतकऱ्यांनी विरोध करण्यास सुरूवात केली आहे. भूसंपादनासाठी वाढीव मोबदला द्या, अशी मागणी शेतकरी संघर्ष समितीने केली आहे. या प्रमुख मागणीसाठी गुरुवारी प्रकल्पबाधित शेतकऱ्यांनी रायगड जिल्हाधिकारी कार्यालयावर मोर्चा काढला.

वाचा सविस्तर...

17:08 (IST) 23 Feb 2024
उरणमधील एनएमएमटी बससेवा बंद

उरण : शुक्रवारपासून उरणला जोडणाऱ्या नवी मुंबई महानगरपालिकेची ३१ व ३० क्रमांकाच्या एनएमएमटीची बससेवा पूर्ण बंद करण्याचा निर्णय व्यवस्थापनाने घेतला आहे. त्यामुळे या बसने प्रवास करणाऱ्या हजारो प्रवाशांना याचा फटका बसणार आहे. उरणमध्ये कोपरखैरणे ते उरण ही ३१ तर कलंबोली ते उरण या मार्गावरील ३० या दोन क्रमांकाच्या बस सुरू आहेत.

वाचा सविस्तर...

17:07 (IST) 23 Feb 2024
उरण नगरपरिषदेची गॅसदाहिनी महिनाभरात सुरू होणार

उरण : नगरपरिषदेच्या माध्यमातून येथील नागरिकांच्या सोयीसाठी व पर्यावरण रक्षणाचे महत्त्व लक्षात घेऊन शहरातील बोरी स्मशानभूमीत गॅसवर आधारित शवदहिनीचे काम पूर्ण झाले असून येत्या महिन्याभरात शवदाहिनी सुरू होणार असल्याची माहिती उरण नगर परिषदेने दिली आहे. यासाठी लागणार गॅसपुरवठा करणाऱ्या गॅस वाहिनीचे काम आठवडाभरात पूर्ण होणार असल्याची माहिती उरण नगर परिषदेचे मुख्याधिकारी समीर जाधव यांनी दिली आहे.

वाचा सविस्तर...

17:06 (IST) 23 Feb 2024
“लोकसभेसाठी दोन, तर विधानसभेसाठी १५ जागा मिळाव्यात”, जोगेंद्र कवाडे यांची महायुतीकडे मागणी

सरकारी गायरान जमिनी मागासवर्गीय भूमीहिनांना वाटप कराव्या, अशीही आपली मागणी असल्याचे कवाडे यांनी सांगितले.

सविस्तर वाचा...

17:06 (IST) 23 Feb 2024
पनवेल : सेल कंपनीचे काम रोखणाऱ्या कामगारांवर गुन्हा दाखल

पनवेल : कळंबोली येथील सेल कंपनीमध्ये कामगार आणि ठेकेदार यांच्यात मागील दोन महिन्यांपासून संघर्ष सुरू आहे. लोखंडी माल उचलण्यासाठी लोखंडी चुंबक (मायजॅक क्रेन) सेल कंपनीने आणल्याने माथाडी कामगारांचा याला विरोध आहे. मराठी कामगार सेनेच्या प्रतिनिधींसह या संघटनेच्या कामगारांनी बुधवारी सेल कंपनीतील मायजॅक क्रेनचे काम बंद करण्याचा पवित्रा घेतल्यावर पोलिसांनी हस्तक्षेप केला.

वाचा सविस्तर...

16:53 (IST) 23 Feb 2024
राष्ट्रवादीच्या नव्या चिन्हावर वडेट्टीवार म्हणाले, “तुतारी वाजवायला ‘हात’… ”

नागपूर: राष्ट्रवादी काँग्रेसमधून अजित पवार बाहेर पडल्यावर निवडणूक आयोगाने त्यांच्या गटाला अधिकृत पक्ष म्हणून मान्यता देताना त्याचे चिन्हही बाहाल केले. त्यामुळे दुसरा गट म्हणजे पक्षाचे संस्थापक अध्यक्ष शरद पवार यांच्या गटाला निवडणूक आयोग कोणते चिन्ह देणार याकडे राजकीय वर्तुळाचे लक्ष लागले होते. न्यायालयाने आदेश दिल्यानंतर निवडणूक आयोगाने शरद पवार गटाला तुतारी हे चिन्ह दिले. त्यावर विधानसभेतील विरोधी पक्षनेते व काँग्रेस नेते विजय वडेट्टीवार यांनी नागपुरात प्रतिक्रिया दिली.

सविस्तर वाचा...

16:38 (IST) 23 Feb 2024
“सावित्रीबाई फुले पुणे विद्यापीठ प्रशासनाने आठ दिवसांत कार्यवाही करावी, अन्यथा…”, अमित ठाकरेंचा इशारा

शहरातील विद्यार्थ्यांच्या प्रश्नाबाबत सेनापती बापट रोड ते सावित्रीबाई फुले पुणे विद्यापीठावर मनसेचे विद्यार्थी सेनेचे अध्यक्ष अमित ठाकरे यांच्या नेतृत्त्वाखाली मूक मोर्चा काढण्यात आला.

सविस्तर वाचा...

16:25 (IST) 23 Feb 2024
छोटा पक्षही मोठ्या पक्षाचा जीव घेऊ शकतो याची जाणीव लवकरच भाजपला… – महादेव जानकर असे का म्हणाले?

यवतमाळ : ‘वापरा आणि फेका’, हे भारतीय जनता पक्षाचे तत्व आहे. त्यामुळे मित्र पक्षांचा वापर करून भाजप त्यांना बाजूला सारतो. मोठी माणसं पक्षात आल्यानंतर छोट्या माणसांचीही भाजपला गरज उरत नाही, अशी टीका राष्ट्रीय समाजपक्षाचे अध्यक्ष तथा माजीमंत्री महादेव जानकर यांनी केली. ते आज शुक्रवारी येथे आयोजित पत्रकार परिषदेत बोलत होते.

सविस्तर वाचा...

16:11 (IST) 23 Feb 2024
मनोहर जोशी यांच्या जाण्याने एक ज्येष्ठ नेता हरपला आहे- पंकजा मुंडे

राज्याचे माजी मुख्यमंत्री व शिवसेना नेते मनोहर जोशी यांचे निधन झाले आहे.

शिवसेना-भाजपचे 1995 मध्ये जेव्हा पहिल्यांदाच सरकार आले, त्यावेळी शिवाजी पार्कवर मनोहर जोशी यांचा मुख्यमंत्रीपदाची शपथ घेतली होती. माझे वडील गोपीनाथ मुंडे यांनी देखील उपमुख्यमंत्री म्हणून शपथ घेतली होती. निधनाची बातमी समजल्याने मला धक्का बसला आहे. त्यांच्या जाण्याने एक ज्येष्ठ नेता हरपला आहे. असं पंकजा मुंडे यांनी म्हटलं आहे.

16:06 (IST) 23 Feb 2024
मध्य रेल्वेवर दहा जलद लोकल, नव्या वेळापत्रकानुसार दादर स्थानकातून कल्याणच्या दिशेने फेऱ्या

मुंबई : उपनगरी रेल्वेगाड्यांतील वाढत्या प्रवाशांचा भार कमी करून प्रवास अधिक वेगवान करण्यासाठी मध्य रेल्वेवर दहा जलद उपनगरी गाड्यांच्या फेऱ्या वाढवण्याचे नियोजन सुरू आहे. सर्वाधिक गर्दीच्या दादर स्थानकातून कल्याणच्या दिशेने या फेऱ्या सुरू केल्या जातील.

वाचा सविस्तर...

16:04 (IST) 23 Feb 2024
संस्कृतमध्ये पायाभरणी समारंभाची कोनशिला? पंतप्रधान मोदींच्या हस्ते रेल्वे स्थानक विकास कार्यक्रम…

मुंबई : देशभरातील रेल्वे स्थानकांचा अमृत भारत स्थानक योजनेअंतर्गत विकास करण्यात येत असून पंतप्रधान नरेंद्र मोदी यांच्या प्रमुख उपस्थितीत २६ फेब्रुवारी रोजी या कामांचा पायाभरणी समारंभ आयोजित करण्यात आला आहे. या सोहळ्याचे नियोजन करण्यासाठी भारतीय रेल्वेमधील सर्व विभागीय जनसंपर्क कार्यालयांना निरनिराळ्या सूचना करण्यात आल्या आहेत.

वाचा सविस्तर...

16:04 (IST) 23 Feb 2024
उच्च शिक्षणाची गुणवत्ता वृद्धिंगत करण्याचा राज्याचा निर्धार, गुणवत्ता सेलमध्ये ‘या’ मान्यवरांची झाली नियुक्ती

उच्च शिक्षणात गुणवत्ता, सर्वदूर संधी व समानता येण्यासाठी केंद्राच्या शिक्षा अभियानाची राज्यात अंमलबजावणी करण्यासाठी राज्य प्रकल्प संचालनालयाची स्थापना झाली आहे.

सविस्तर वाचा...

15:48 (IST) 23 Feb 2024
मनोहर जोशी यांचे कलेवर होते विशेष प्रेम; अकोल्याशी राहिले ऋणानुबंध

अकोला : अकोला जिल्ह्यात मनोहर जोशी यांचे अनेक दौरे झालेत. त्यापैकी १९९८ मध्ये त्यांच्या दौऱ्याच्या आठवणीला ज्येष्ठ छायाचित्रकार डॉ. माधव देशमुख यांनी उजाळा दिला.

सविस्तर वाचा...

15:40 (IST) 23 Feb 2024
‘जनसंवाद’ अर्ध्यावर सोडून उद्धव ठाकरे मुंबईकडे; म्हणाले, मनोहर जोशी…

बुलढाणा: माजी मुख्यमंत्री मनोहर जोशी यांच्या निधनाने आपला बुलढाणा लोकसभा मतदारसंघाचा दौरा अर्ध्यावर सोडून उद्धव ठाकरे हे आज मुंबईकडे रवाना झाले. शिवसेनेचे ज्येष्ठ नेते मनोहर जोशी यांच्या निधनाचे वृत्त येताच शिवसेना पक्ष प्रमुख उद्धव ठाकरे यांनी बुलढाण्याचा दौरा स्थगित केला.

सविस्तर वाचा...

15:39 (IST) 23 Feb 2024
वर्धा : मद्यधुंद महिला पोलीस शिपायाने चारचाकीने घातला हैदोस, दोघांना जखमी करीत पसार

वर्धा : आधीच पोलीस आणि त्यात परत मद्य पिले असेल तर काय होईल, याचे धक्कादायक प्रत्यंतर वर्धेत आले आहे. खासगी कार चालवीत जाणाऱ्या महिला पोलीस शिपायाने एका दुचाकीस्वारास उडविले. त्यात रितिक कडू व पवन आदमने हे दोघे जखमी झाले. त्यांना त्याच अवस्थेत सोडण्यात आले. गुरुवारी सायंकाळी ही घटना घडली. रात्री तशी तक्रार रामनगर पोलिसांकडे करण्यात आली आहे.

सविस्तर वाचा...

15:33 (IST) 23 Feb 2024
“महाविकास आघाडीकडून उमेदवारीबाबत ऑफर नाही; पण लवकरच येईल”, शाहू महाराज यांचा निर्वाळा

कोल्हापूर लोकसभा मतदारसंघासाठी महाविकास आघाडीकडून अद्याप तरी मला ऑफर आलेली नाही, असे नमूद करत असतानाच श्रीमंत शाहू महाराज छत्रपती यांनी ती लवकरच येईल, असा निर्वाळा दिला.

सविस्तर वाचा...

15:04 (IST) 23 Feb 2024
उद्धव ठाकरेंशी मैत्री होऊ शकते का? फडणवीस म्हणाले...

उद्धव ठाकरेंशी मैत्री होऊ शकते का? या प्रश्नावर देवेंद्र फडणवीस यांनी सूचक उत्तर दिलं आहे.

उद्धव ठाकरेंशी मैत्री होऊ शकते का?

“उद्धव ठाकरे माझे मित्र होते. ते आत्ता मित्र आहेत की नाहीत हे त्यांना विचारलं पाहिजे. मित्र तो असतो जो फोन उचलून सांगतो की तू मागणी करतो आहेस पण हे शक्य नाही. ज्यावेळी युती म्हणून निवडून आलो. त्यावेळी त्यांनाच मुख्यमंत्री व्हायचं होतं. पाच वर्षे जेव्हा आम्ही सत्तेत होतो तेव्हा मी कधीही त्यांना टाळलं नाही. त्यांचा फोन मी कायम घ्यायचो. मात्र २०१९ मध्ये मी निकालानंतर जेव्हा त्यांना फोन केले तेव्हा त्यांनी घेतलेच नाहीत. शिवाय मला त्यांनी फोन केलाच नाही. मला त्यांनी सांगितलंच नाही की आता आपण बरोबर नाही. मैत्रीचे दरवाजे त्यांनी बंद केले. त्यामुळे या प्रश्नाचं उत्तर तु्म्ही उद्धव ठाकरेंना विचारा. सगळे मार्ग त्यांनी बंद केले. त्यानंतर औपचारिक बोलणं कधीही झालेलं नाही. समोरासमोर भेट झाली तर कसे आहात विचारतो. तेवढी कर्टसी अजूनही महाराष्ट्रात आहे.” असं देवेंद्र फडणवीस म्हणाले आहेत.

14:48 (IST) 23 Feb 2024
पुणे : पैसे परत करण्यासाठी तगादा लावल्याने तरुणाची आत्महत्या

हातउसने घेतलेले पैसे परत न केल्याने शिवीगाळ करून त्रास दिल्याने तरुणाने गळफास घेऊन आत्महत्या केल्याची घटना धनकवडी भागात घडली.

सविस्तर वाचा...

14:39 (IST) 23 Feb 2024
मुंबई महानगरपालिका प्रशासन सेवानिवृत्त उपायुक्तावर मेहेरबान

मुंबई : मुंबई महापालिकेतून सेवानिवृत्त झालेले उपायुक्त उल्हास महाले यांचा सेवाकालावधी वाढविण्यासाठी पालिका प्रशासनाने राज्य सरकारला दुसऱ्यांदा पत्र पाठवले आहे. अभियांत्रिकी क्षेत्रातील या उपायुक्तांकडे महत्त्वाच्या प्रकल्पांची जबाबदारी होती व ते सेवानिवृत्त होऊन २०-२२ दिवस झाले आहेत. एका वर्षांसाठी करार पद्धतीने त्यांना याच पदावर मुदत वाढवावी याकरीता पालिका आयुक्त इक्बाल सिंह चहल यांनी नगरविकास विभागाला पत्र पाठवले आहे.

वाचा सविस्तर...

14:36 (IST) 23 Feb 2024
पुण्यात रविवारी ४०० ठिकाणी होणार ई-कचरा गोळा; संगीतकार डाॅ. सलील कुलकर्णी यांनी केले पुणेकरांना ‘हे’ आवाहन

संत गाडगेबाबा जयंतीनिमित्त महापालिकेच्यावतीने ‘पेहेल-२०२४’ या उपक्रमाअंतर्गत विशेष अभियान हाती घेण्यात आले आहे.

सविस्तर वाचा...

14:31 (IST) 23 Feb 2024
धुळे : विवाहासाठी मंडळी जमली अन संकट उभे

धुळे : शहरातील पांझरा नदीकाठी असलेल्या अग्रसेन लॉन्समध्ये विवाहासाठी वर आणि वधू पक्षाची सर्व तयारी झाली असताना एक संकट उभे ठाकले .वर पक्षाकडून वधूसाठी आणलेले दागिनेच सापडेनासे झाले.

सविस्तर वाचा...

13:54 (IST) 23 Feb 2024
नाशिकमध्ये पाणीपट्टी थकबाकीदार, अनधिकृत नळ जोडणीविरोधात मोहीम

नाशिक : नाशिक शहरावर पाणीटंचाईचे सावट दाटले असताना महापालिकेने पाणीपट्टी थकबाकी वसुली आणि अनधिकृत नळ जोडण्यांचा शोध सुरू केला आहे. या मोहिमेंतर्गत पहिल्याच दिवशी १५ ते २० नळजोडण्या खंडित करण्यात आल्या.

सविस्तर वाचा

13:52 (IST) 23 Feb 2024
राजकीय वरचष्मा असलेल्या मजूर संस्थांवर शासन मेहेरबान!

मुंबई : राजकीय मंडळींचा वरचष्मा असलेल्या राज्यातील मजूर सहकारी संस्थांवर शासनाने मेहरनजर दाखवत विनानिविदा कामे देण्याची पूर्वी दहा लाख रुपये असलेली मर्यादा आता १५ लाख इतकी करताना, वर्षभरात एकऐवजी तीन कोटींची कामे देण्याची मुभा दिली आहे. सुशिक्षित बेरोजगारांच्या संस्थांना मात्र पूर्वीची ६० लाखांची मर्यादा कायम ठेवली आहे.

वाचा सविस्तर...

13:50 (IST) 23 Feb 2024
मनोज जरांगे आणि बारसकर महाराजांचा वाद हा वैयक्तिक, त्यात सरकारचा काडीमात्र संबध नाही – मंत्री उदय सामंत

पिंपरी चिंचवड : मनोज जरांगे पाटील आणि अजय बारसकर महाराज यांच्यातील वाद हा वैयक्तिक असून त्यामध्ये सरकारला खेचू नये. त्या दोघांमधील वाद हा वैयक्तिक असून त्यात सरकारचा काडीमात्र संबंध नाही. त्यात सरकारला पडण्याची गरज नाही. त्यांच्या या वादात नाहक सरकारला ओढू नये, अशी प्रतिक्रिया मंत्री उदय सामंत यांनी पिंपरी-चिंचवडमध्ये प्रसारमाध्यमांशी बोलताना दिली.

सविस्तर वाचा...

13:50 (IST) 23 Feb 2024
मराठी भाषा, हिंदुत्व आणि विकासासाठी झटलेले नेतृत्व हरपले, नीलम गोऱ्हे यांची मनोहर जोशींना श्रद्धांजली

सोलापूर : मुख्यमंत्री, लोकसभा सभापती आणि शिवसेना नेते म्हणून मनोहर जोशी यांनी मराठी माणूस, मराठी भाषा, हिंदुत्व आणि महाराष्ट्राच्या विकासासाठी आयुष्य वेचले. त्यांच्या निधनामुळे महाराष्ट्राच्या राजकीय, सामाजिक, सांस्कृतिक क्षेत्रात पोकळी निर्माण झाली आहे, अशा शब्दांत विधान परिषदेच्या उपसभापती डॉ. नीलम गोऱ्हे यांनी दिवंगत नेत्याला श्रद्धांजली वाहिली.

सविस्तर वाचा...

13:07 (IST) 23 Feb 2024
पेट्रोल पंपास परवानगी देताना हरित लवाद नियमांचे उल्लंघन; नाशिक जिल्हा पेट्रोल पंप वितरक संघटनेचा आक्षेप

नाशिक : हरित लवादाने पेट्रोल पंप उभारताना निवासी क्षेत्रापासून ५० मीटर अंतर असणे बंधनकारक केले असताना शहर परिसरात नव्या पेट्रोल पंपाला परवानगी देताना या निकषाचे प्रशासनाकडून सातत्याने उल्लंघन होत असल्याचा आक्षेप पेट्रोल पंप वितरकांच्या नाशिक जिल्हा पेट्रोल डिलर्स वेल्फेअर असोसिएशनने नोंदविला आहे.

सविस्तर वाचा...

13:03 (IST) 23 Feb 2024
शिक्षकेतर कर्मचारी भरतीचा मार्ग मोकळा…काय झाला निर्णय?

राज्यातील अनुदानित, अंशत: अनुदानित माध्यमिक आणि उच्च माध्यमिक शाळांतील शिक्षकेतर कर्मचारीभरतीचा मार्ग मोकळा झाला आहे.

सविस्तर वाचा...

12:28 (IST) 23 Feb 2024
नंदुरबारमधील भाजपविरुध्दचा वाद शिंदे, फडणवीस यांच्यापुढे…शिवसेना मेळाव्यात दादा भुसे काय म्हणाले ?

नंदुरबार : जिल्ह्यातील धडगाव येथे आयोजित शिवसेना शिंदे गटाच्या आदिवासी मेळाव्यात जिल्ह्यातील प्रमुख पदाधिकाऱ्यांनी दोन मंत्री आणि खासदार श्रीकांत शिंदे यांच्यासमोरच भाजपचे मंत्री डॉ. विजयकुमार गावित यांच्या गटाविरोधात उघड नाराजी व्यक्त केली.

सविस्तर वाचा...

12:13 (IST) 23 Feb 2024
पुणे मेट्रोत आता नो रिटर्न! महामेट्रोच्या निर्णयाचा प्रवाशांना बसणार फटका

सध्याची मेट्रोची दैनंदिन प्रवासी संख्या सुमारे ५५ हजार आहे. ही प्रवासी संख्या कमी असल्याने ती वाढविण्यासाठी महामेट्रोकडून सातत्याने पावले उचलली जात आहे.

सविस्तर वाचा...

11:37 (IST) 23 Feb 2024
परीक्षांच्या काळात तरी लोकल वेळेत चालवा; रेल्वे प्रवासी संघटनेची मागणी, विद्यार्थ्यांचे नुकसान होण्याची भीती

बदलापूर : इयत्ता बारावीच्या परीक्षा नुकत्याच सुरू झाल्या आहे. तर येणारा महिना, दीड महिना हा महत्वाच्या परीक्षांचा आहे. बहुतांश विद्यार्थी दूरवरच्या शाळा, महाविद्यालयात परीक्षांसाठी जात असतात. अशावेळी तरी मध्य रेल्वेवरील उपनगरीय लोकल नियमित वेळा पत्रकानुसार चालवाव्यात, असे आवाहन उपनगरीय रेल्वे प्रवासी महासंघाने मध्य रेल्वे प्रशासनाला केले आहे.

सविस्तर वाचा...

11:10 (IST) 23 Feb 2024
मुंबई : नेपीयन्सी रोडवरील कार्यालयाच्या जागेचाही विकास?

मुंबई : महाराष्ट्र राज्य रस्ते विकास महामंडळाने (एमएसआरडीसीने) वांद्रे रेक्लेमशनचा पुनर्विकास करण्याचा निर्णय घेतल्यानंतर आता नेपीयन्सी रोड येथील आपल्या कार्यालयाच्या जागेचाही विकास करण्याचा विचार सुरू केला आहे.

सविस्तर वाचा...

10:41 (IST) 23 Feb 2024
अफगाणी नागरिकाला मुंबई गुन्हे शाखेकडून अटक

गेल्या १७ वर्षांपासून हबीबुल्लाह मुंबई शहरात वास्तव्यास असून त्याने भारतीय नागरिक असल्याची बनावट कागदपत्रे तयार केली आहेत.

सविस्तर वाचा...

10:37 (IST) 23 Feb 2024
भाजपा आमदार राजेंद्र पाटणींचं निधन

कारंजा विधानसभा मतदारसंघाचे भाजपा आमदार राजेंद्र पाटणी यांचं निधन झालं आहे. ५९ वर्षीय राजेंद्र पाटणी हे गेल्या दोन-तीन वर्षांपासून आजारी असल्याची माहिती मिळत आहे. मुंबईमध्ये त्यांच्यावर उपचार सुरू होते. त्यातच आज त्यांची प्राणज्योत मालवली. पाटणी यांच्या निधनानंतर उपमुख्यमंत्री देवेंद्र फडणवीस यांनी शोक व्यक्त केला आहे.

10:30 (IST) 23 Feb 2024
पिंपरी : अखेर नऊ वर्षानंतर बोपखेलरांची प्रतीक्षा संपणार; पूल लवकरच वाहतुकीसाठी खुला

पिंपरी : उच्चदाब विद्युत वाहक तारांच्या एका मनोऱ्याच्या (टॉवर) अडथळ्यामुळे रखडलेल्या बोपखेल आणि खडकीला जोडणाऱ्या मुळा नदीवरील पुलाचे काम सुरू झाले आहे.

सविस्तर वाचा...

10:22 (IST) 23 Feb 2024
कोकणात माकडांचा उपद्रव टाळण्‍यासाठी देशी जुगाड

अलिबाग – गेल्या काही महिन्यांपासून रायगड जिल्ह्यात माकडांचा नागरी वस्त्यांमधील उपद्रव वाढला आहे. अन्नाच्या शोधात माकडांच्या आणि वानरांच्या टोळ्या गावात शिरत असल्याचे दिसून येत आहे. या माकडांचा उपद्रव थांबवायचा कसा हा प्रश्न बागायतदारांना पडला होता. आता फटाक्यासारखा आवाज करणारे एक यंत्र काही शेतकऱ्यांनी विकसित केले आहे.

सविस्तर वाचा...

10:10 (IST) 23 Feb 2024
मुख्यमंत्री असताना मनोहर जोशी यांना ‘या’ योजनेचा आनंद अन् दुःखही, गडकरींनी सांगितला होता किस्सा

नागपूर: लोकसभेचे माजी अध्यक्ष, महाराष्ट्राचे माजी मुख्यमंत्री व शिवसेनेचे ज्येष्ठ नेते मनोहर जोशी आणि भाजप नेते व केंद्रीय मंत्री नितीन गडकरी यांची मैत्री राजकारणात सर्व परिचित होती. मनोहर जोशी यांच्या मंत्रिमंडळात गडकरी सार्वजनिक बांधकाम मंत्री होते. जोशी यांच्या निधनामुळे जोशी – गडकरी यांच्या मैत्रीच्या आठवणी ताज्या झाल्या आहेत.

सविस्तर वाचा...

10:03 (IST) 23 Feb 2024
पिंपरी : लोकसभा निवडणुकीची तयारी; पोलीस आयुक्तांकडून मतदान केंद्रांची पाहणी

आगामी लोकसभा निवडणुकीच्या पार्श्वभूमीवर पिंपरी-चिंचवड पोलिसांनी सुरक्षेच्या दृष्टीने उपाययोजना करण्यासाठी तयारी सुरू केली आहे.

सविस्तर वाचा...

10:02 (IST) 23 Feb 2024
ठाणे स्थानकात प्रवाशांचा जीवघेणा प्रवास, श्रम टाळण्याबरोबच वेळेच्या बचतीसाठी रेल्वे रुळ ओलांडत लोखंडी अडथळ्यांमधून प्रवास

ठाणे : ठाणे रेल्वे स्थानकात रेल्वे रुळ ओलांडताना होणारे अपघात रोखण्यासाठी फलाट क्रमांक दोन लगत लोखंडी अडथळे उभारण्यात आलेले आहेत. परंतु या अडथळ्यांतील काही लोखंडी सळई कापण्यात आलेल्या असून तेथून प्रवासी रेल्वे रुळ ओलांडून प्रवास करीत असल्याचे चित्र आहे.

सविस्तर वाचा...

09:59 (IST) 23 Feb 2024
पिंपरी : मावळच्या जागेवरून महायुतीत पेच? राष्ट्रवादीच्या आमदारांनंतर आता ‘या’ बड्या नेत्याचाही मावळवर दावा

पिंपरी : मावळ लोकसभा मतदारसंघावरून महायुतीसमोर पेच निर्माण झाल्याचे दिसून येत आहे. मुख्यमंत्री एकनाथ शिंदे यांच्या शिवसेनेचा खासदार असलेल्या मावळवर राष्ट्रवादी काँग्रेसच्या आमदारांनंतर आता प्रदेशाध्यक्ष सुनील तटकरे यांनी देखील दावा सांगितला आहे. महायुतीच्या जागा वाटपाच्या बैठकीत यावर चर्चा करणार असल्याचे त्यांनी सांगितल्याने मावळवरून महायुतीत तिढा वाढण्याची शक्यता आहे.

सविस्तर वाचा...

Former Maharashtra CM Manohar Joshi Dies at 86 in Mumbai

मनोहर जोशी यांचे ८६ व्या वर्षी निधन

महाराष्ट्राचे माजी मुख्यमंत्री मनोहर जोशी यांचं निधन झालं आहे. शिवसेनेचा सुवर्णकाळ पाहिलेले मनोहर जोशी यांची प्राणज्योत पहाटे तीनच्या सुमारास मालवली. शिवसेनेचे नेते, मनसेचे नेते राष्ट्रवादी शरद पवार गट या सगळ्यांनीच त्यांना आदरांजली वाहिली आहे आणि त्यांच्या स्मृती जागवल्या आहेत.