Mumbai Breaking News Today : भाजपा, शिवसेनेचा शिंदे गट आणि राष्ट्रवादी काँग्रेसच्या अजित पवार गटात पालकमंत्रिपदावरून सुरू असलेल्या तणावानंतर अखेर मुख्यमंत्री एकनाथ शिंदेंनी १२ जिल्ह्यांच्या पालकमंत्र्यांची यादी जाहीर केली. मात्र, यानंतरही रायगड आणि नाशिकच्या पालकमंत्रिपदावर तोडगा निघालेला नाही. यावरून विरोधकांकडून सत्ताधाऱ्यांवर सडकून टीका होत आहे. राज्यात रुग्णांच्या मृत्यूचं सत्र सुरू असताना सत्ताधारी लाभाच्या पदांच्या वाटपात गुंतले असल्याची टीका केली जात आहे. या पार्श्वभूमीवर महाराष्ट्राच्या राजकारणासह दिवसभरातील सर्व महत्त्वाच्या घडामोडींच्या लाईव्ह अपडेट्स एका क्लिकवर…
Today’s Live News in Marathi : महाराष्ट्राच्या राजकारणासह दिवसभरातील सर्व महत्त्वाच्या घडामोडींच्या लाईव्ह अपडेट्स एका क्लिकवर...
गोंदिया: गोंदिया जिल्ह्यातील आमगाव तहसील मुख्यालयापासून सुमारे ७ कि.मी. अंतरावर असलेल्या सिवनी आणि जवरी गावात ॲनाकोंडा सदृश महाकाय अजगर गेल्या २-३ महिन्यांपासून गावातील सायफन नाल्याजवळ तळ ठोकून आहेत.
गोंदिया: गोंदिया जिल्ह्यातील आमगाव तहसील मुख्यालयापासून सुमारे ७ कि.मी. अंतरावर असलेल्या सिवनी आणि जवरी गावात ॲनाकोंडा सदृश महाकाय अजगर गेल्या २-३ महिन्यांपासून गावातील सायफन नाल्याजवळ तळ ठोकून आहेत.
https://twitter.com/VBAforIndia/status/1709834272084041915
मी सर्व कंत्राटी कर्मचाऱ्यांना आवाहन करतो की, आम्हाला सत्ता द्या, आम्ही तुम्हाला पर्मनंट करू.
- प्रकाश आंबेडकर (राष्ट्रीय अध्यक्ष, वंचित बहुजन आघाडी)
शहरात विशेषतः कोपरखैरणे आणि वाशीच्या वेशीवर गेल्या महिन्याभरापासून हवा गुणवत्ता निर्देशांक घसरत चालला असून २०० ते ३०० दरम्यान एक्यूआय आढळला आहे.
आजवर देशात हवा प्रदूषणात दिल्ली आघाडीवर आहे. मात्र आता दिल्लीच्या पंगतीत नवी मुंबई येते की काय? अशी परिस्थिती निर्माण झाली आहे.
बुलढाणा: केंद्र शासनाने सहकारला बळकटी देण्यासाठी नवीन कायदा आणला आहे. डीबीटी योजनेतून १५० प्रकारच्या सेवा देण्याचे काम करण्यात येणार आहे.
नंदुरबार: नंदुरबारचे तत्कालीन जिल्हाधिकारी बालाजी मंजुळे यांनी अनेक प्रकरणांमध्ये अनियमितता करुन १० कोटी ८२ लाख रुपयांच्या महसुलाचे नुकसान केल्याचे उघड झाले आहे.
कल्याण: मागील तीन महिन्यांच्या कालावधीत कल्याण डोंबिवली पालिका हद्दीतील रस्त्यावरील खड्डे बुजविण्यासाठी वापरलेली माती मिश्रित खडी, सिमेंट मिश्रीत बारीक खडी आता रस्त्यांवर पसरली आहे.
बुलढाणा : नूतन पालकमंत्री दिलीप वळसे पाटील यांनी आज, गुरुवारी शेगाव येथील श्री गजानन महाराज समाधी स्थळाचे दर्शन घेतले. यानंतर त्यांनी बुलढाण्यात दाखल होत अनौपचारिकरित्या पदाची सुत्रे स्वीकारली.
बहुप्रतिक्षीत असलेल्या नवी मुंबई मेट्रोचा लोकार्पण सोहळा नवरात्रोत्सवात देशाचे पंतप्रधान नरेंद्र मोदी यांच्या हस्ते केला जात आहे.
राष्ट्रवादी काँग्रेसच्या स्थापनेपासून १९९९ ते २०२३ या २४ वर्षांत साडेबारा वर्षे पुण्याचे पालकमंत्री पद भूषविलेले राज्याचे उपमुख्यमंत्री अजित पवार हे एकमेव आहेत. आता पुन्हा एकदा त्यांच्या गळ्यात या पदाची माळ पडल्यानंतर राष्ट्र्वादीच्या पवार गटामध्ये आनंदाला उधाण आले आहे.
राज्यातील महायुती सरकारमध्ये एकत्र असणाऱ्या भाजप आणि मुख्यमंत्री एकनाथ शिंदे यांच्या शिवसेनेतील नवी मुंबईतील दरी आणखी रुंदावत असल्याचे चित्र आता दिसू लागले आहे.
नूतन जिल्हाधिकारी व पालकमंत्री यांना चंदन तस्करांनी आज अनाधिकृत सलामी दिली! या बहाद्दरांनी चक्क जिल्हाधिकारी कार्यालय परिसरातील चंदनाचे जुने झाड लंपास करून खळबळ उडवून दिली. जिल्हाधिकारी किरण पाटील यांनी नुकतेच तर पालकमंत्री दिलिप वळसे पाटील यांनी आज गुरुवारी सूत्रे स्वीकारली.
गोंदिया : सुंदर महिलांचे आयडी बनवून त्यांचे मोबाईल नंबर इन्स्टाग्रामवर टाकून, तरुणांशी मैत्री करणे, अश्लील चॅटिंग करून त्यांची अश्लील चित्रफीत बनवणे, नंतर धमकावणे आणि ब्लॅकमेलिंगद्वारे पैसे उकळणे अशी धक्कादायक घटना उघडकीस आली आहे.
धुळे: स्वच्छ भारत मिशनअंतर्गत प्रोत्साहन अनुदानाच्या रकमेत ग्रामसेवक आणि सरपंच यांनी संगनमताने २१ लाख ३६ हजारांचा अपहार केल्याचे प्रथमदर्शी निदर्शनास आल्याने तालुक्यातील सोनगीर येथील तत्कालीन सरपंच आणि ग्रामविकास अधिकारी यांच्याविरुध्द निलंबनाची कारवाई करण्यात आली आहे.
ठाणे मार्गावर धावणारी ट्रान्सहार्बर अचानक पनवेल ते बेलापूर या दरम्यान कोणतेही कारण न देता बंद करण्यात आल्याने प्रवाशांमध्ये गोंधळ उडाला.
मालेगाव: अद्ययावत व प्रशस्त इमारतीत स्थलांतरीत झालेल्या येथील नोंदणी व मुद्रांक विभागाच्या कार्यालयामुळे मालेगावच्या विकासात व महसुलात भर पडणार असून या माध्यमातून नागरिकांना अत्याधुनिक व दर्जेदार सेवा-सुविधा उपलब्ध होईल, असा विश्वास पालकमंत्री दादा भुसे यांनी व्यक्त केला.
महाराष्ट्र प्रशासकीय लवाद (मॅट)च्या आदेशानुसार प्रतिनियुक्तीच्या पदाकरितेची पात्रता तपासून प्रदीप जांभळे-पाटील यांची पुन्हा महापालिका अतिरिक्त आयुक्तपदी नियुक्ती करण्यात आली आहे.
ज्या ७० लोकांनी माझ्या नावाचा प्रस्ताव दिला त्यात असे काही लोक आहेत जे आज ते म्हणतात की, ही तालकटोराची बैठक कायद्यानुसार झाली नाही. तसेच तेथील निवडणूक बेकायदेशीर होती. मजेची गोष्ट म्हणजे या निवडणुकीत उमेदवारी अर्जात माझ्या नावाचा प्रस्ताव देताना स्वाक्षरी करणाऱ्यांमध्ये आज निवडणूक बेकायदेशीर होती म्हणणारेही होते.
- शरद पवार
विभक्त पत्नी हेमा उपाध्याय आणि तिचे वकील हरेश भंबानी यांच्या हत्येप्रकरणी चित्रकार चिंतन उपाध्याय याला दिंडोशी येथील विशेष न्यायालयाने गुरुवारी दोषी ठरवले.
मजेची गोष्ट म्हणजे तालकटोरा येथे जी पक्षाची बैठक झाली तेथे सर्व पदाधिकारी उपस्थित होते. तेथे निवडणूक घेण्याची जबाबदारी 'रिटर्निंग ऑफिसर'कडे होती. त्यांनी निवडणुकीची प्रक्रिया कशी असेल ते सर्वांसमोर सांगितलं. तसेच दोन दिवसांचा वेळ दिला. त्यानंतर ७० जणांनी उमेदवारी अर्ज भरला आणि त्यात एकच नाव दिलं, ते म्हणजे माझं नाव.
- शरद पवार
कोल्हापूर : मंत्री चंद्रकांत पाटील यांनी कोल्हापूर जिल्ह्यातील भाजपाच्या नव्या कार्यकारिणीत हस्तक्षेप केला आहे. त्यांनीच नव्या लोकांना आमच्या डोक्यावर बसवले आहे, असा आरोप कोल्हापूर जिल्ह्यातील भाजपाचे ज्येष्ठ नेते बाबा देसाई यांनी गुरुवारी पत्रकार परिषदेत केला. आमच्या कार्यकर्त्यांचा मागण्यांचा पक्षाने विचार केला नाही तर वेगळी भूमिका घेण्याचा इशारा त्यांनी दिला.
मनमाड: भुसावळ – पुणे – नाशिक हुतात्मा एक्सप्रेस नऊ महिन्यांपासून बंद आहे. भुसावळ विभागात तिसर्या मार्गाची तसेच इतर तांत्रिक कामे सुरू असल्याने ३१ ऑक्टोंबरपर्यंत ही गाडी रद्द राहणार असल्याचे मध्य रेल्वेकडून सांगण्यात आले आहे.
आपल्याच जुन्या सहकाऱ्यांनी आपल्याविरोधारात निवडणूक आयोगात तक्रार केली आहे. त्याचं उत्तर आज दिल्लीतील कार्यकारणीच्या बैठकीत झालेल्या ठरावाने दिलं आहे. ते लोक म्हणतात की, तेच राष्ट्रवादी काँग्रेस आहेत. तालकटोरा येथे झालेल्या बैठकीतील राष्ट्रीय अध्यक्षाची निवडच चुकीची आहे. ते म्हणतात की, निवड झालेल्या पदाधिकाऱ्यांना काहीच अधिकार नाहीत. यापुढे जाऊन ते म्हणतात की, तेच राष्ट्रवादी काँग्रेसचे खरे अध्यक्ष आहेत, पदाधिकारी आहेत आणि पक्षाचं नाव, पक्षचिन्ह याचा वापर करण्याचा अधिकार केवळ त्यांनाच आहे. आपल्याला नाही.
- शरद पवार
भंडारा : भंडाऱ्याहून पवनीकडे दुचाकीने जात असताना दवडीपार बीटअंतर्गत येणाऱ्या भंडारा-पवनी मार्गावरील कोसेवाडी परिसरात रस्ता ओलांडणाऱ्या वाघाने दुचाकीला धडक दिली. यात दिपक फुंडे व त्यांची आई पुष्पा फुंडे हे दोघेही जखमी झाले.
शिवसेनेच्या ठाकरे गटाचे आमदार आदित्य ठाकरे यांनी उद्योगमंत्री उदय सामंत यांच्या परदेशवारीवरून जनतेच्या पैशावर सहलीला जात असल्याचा आरोप केला. तसेच सातत्याने मंत्री आणि सत्ताधारी पक्षातील नेत्यांच्या सुरू असलेल्या परदेशवाऱ्यांवर टीका केली. "आम्ही प्रश्न उपस्थित केल्यामुळेच मुख्यमंत्री एकनाथ शिंदे आणि विधान परिषदेचे अध्यक्ष राहुल नार्वेकर यांच्या परदेशवाऱ्या रद्द झाल्या," असा दावा आदित्य ठाकरे यांनी केला. यानंतर आता उदय सामंत यांनी लंडन दौऱ्यातील खर्चाचा हिशोब मांडत या आरोपांना प्रत्युत्तर दिले.
मराठा आरक्षण आंदोलनातील नेते मनोज जरांगे पाटील यांनी धाराशीवमध्ये मोठं विधान केलं. "मराठा आणि कुणबी एकच आहेत आणि त्याचे माझ्याकडे पुरावे आहेत," असा दावा मनोज जरांगेंनी केला. तसेच सरकारला ५ हजार कागदपत्रे सापडली आहेत. आता ट्रकभर पुरावे द्यायचे का, असा सवालही केला. ते गुरुवारी (५ ऑक्टोबर) धाराशीवमध्ये बोलत होते. जरांगे धाराशीवबरोबरच सोलापूरचाही दौरा करणार आहेत.
एका टॅब्लेटची किंमत सुमारे साठ ते सत्तर हजार रुपये असल्याचे सांगण्यात येते.
राज्यातील महायुती सरकारमध्ये एकत्र असणाऱ्या भाजप आणि मुख्यमंत्री एकनाथ शिंदे यांच्या शिवसेनेतील नवी मुंबईतील दरी आणखी रुंदावत असल्याचे चित्र आता दिसू लागले आहे. सविस्तर वाचा…
नागपूर : दिल्ली, राजस्थान, हिमाचल, हरियाणा, उत्तराखंड या राज्यांमधून मान्सूनच्या परतीच्या प्रवासाला सुरुवात झाली आहे. तर, मध्य प्रदेश, गुजरात, आंध्र प्रदेशच्या विविध भागांमधून हळूहळू मान्सून परतण्यास सुरुवात झाली आहे. त्यामुळे उत्तरेकडील राज्यांमध्ये थंडीची चाहूल लागणार असल्याचा अंदाज भारतीय हवामान खात्याने वर्तवला आहे.
महाराष्ट्र न्यूज लाइव्ह गांधी जयंती 2023 (फोटो - लोकसत्ता ग्राफिक्स टीम)
