Maharashtra News Updates : “कोणाच्या ताटातलं काढून कोणाला काही देणार नाही”, मराठा आरक्षणावरून देवेंद्र फडणवीसांनी मांडली भूमिका

जातीय दंगील घडवण्याचा प्रयत्न होत आहे का असा प्रश्न उद्धव ठाकरेंना विचारण्यात आला? त्यावर उद्धव ठाकरे म्हणाले, मुंबईत दोन घटना घडल्या. कोणी घडवल्या? कशा केल्या? कोणाला अटक झाली हे कोणालाच माहित नाही. यांचे पाठीराखे शोधावे लागतील. जे कोणी असेल त्यांना जनतेसमोर आणून शिक्षा करावी लागेल. हे पहलगाम नाहीय. हे मुंबई आहे. बाहेरून कोणी आलं आणि तुम्हाला काही माहीत नाही असं कसं होऊ शकतं. तुम्ही काय फक्त आमदार-खासदार फोडताय का?

छत्रपती संभाजीनगर मध्ये एमपीएससी विद्यार्थी आंदोलन करीत आहेत यावर बोलताना राष्ट्रवादी शरद चंद्र पवार गटाचे आमदार रोहित पवार म्हणाले की.. काल पुण्यामध्ये आम्ही एमपीएससीच्या विद्यार्थ्यांसोबत आंदोलन केलं त्यावेळेस आम्ही भूमिका घेतली होती की ही तर एक सुरुवात आहे. यानंतर ज्या ज्या ठिकाणी एमपीएससीचे विद्यार्थी आहेत त्या त्या ठिकाणी एमपीएससीचे विद्यार्थी आणि क्लासेस हे जिल्ह्यामध्ये आंदोलन करतील अशी भूमिका घेतली होती.आज छत्रपती संभाजी नगर मध्ये जवळपास १५ एक विद्यार्थी हजार विद्यार्थी आंदोलन करीत आहेत. एका व्हाट्सअप संदेश वर एवढे विद्यार्थी आंदोलन करीत आहेत. आज हे विद्यार्थी दोन ठिकाणी बसले आहेत मात्र पुढील काळात हे एकत्रित आंदोलन करतील. अशाच प्रकारचे आंदोलन उद्या नागपूरला आहे १२ तारखेला लातूरमध्ये आंदोलन होणार आहे. माझी सरकारला आणि मुख्यमंत्र्यांना विनंती आहे की या विद्यार्थ्यांच्या भावना समजून घ्याव्या.. या विद्यार्थ्यांच्या मागण्या मान्य न झाल्यास पुढे आक्रमक होऊ शकतात... एवढेच नाही तर एमपीएससी या अध्यक्ष भीमनवार यांनी कशाप्रकारे भ्रष्टाचार केला याचा पुरावा मी देणार आहे. तेव्हा जे आरटीओचे कमिशनर असताना त्यांच्या कर्मचाऱ्यावर कशी केस केली याच्या पुरावा मी देणार असल्याच्या गौप्यस्फोट रोहित पवार यांनी गोंदिया येथे प्रसारमाध्यमांशी बोलताना केला.