Maharashtra Breaking News Updates: नवनीत राणा म्हणतात, “आम्हाला कोर्ट नको, थेट एन्काऊंटर करा”; अमरावती प्रकरणावर संतप्त भूमिका!

अमरावतीमध्ये परतवाड्यात एका मुलाने पीडित मुलींवर अत्याचार करून त्याच्या १५० हून जास्त व्हिडीओ क्लिप तयार केल्या आणि सर्व सोशल मीडियावर व्हायरल केल्या. मला धर्मनिरपेक्ष राजकारण्यांना प्रश्न विचारायचाय. धर्मनिरपेक्षता म्हणजे काय? बुरखेवाली एकही महिला त्या १५० व्हिडीओंमध्ये नाहीये. आमच्याच मुली तिथे आहेत. या देशात ही सगळ्यात दुर्दैवी आहे की या मुली आमच्या आहेत हे विरोधी पक्षांना कळत नाहीये. फक्त नावापुरतं आपल्या राजकीय पोळ्या शेकण्यासाठी त्या मुलींच्या भविष्याशी खेळ करता कामा नये. आज अचलपूर मतदारसंघात त्या आरोपीचे घर पाडले जात आहे. मी सरळ विनंती करेन पोलिसांना. आम्हाला तारीखही नको, कोर्टही नको.. त्या आरोपीचं सरळ एन्काऊंटर करायला हवं. त्या लोकांचं नागरिकत्व रद्द केलं पाहिजे. त्यांना या देशातून हाकलून लावलं पाहिजे - नवनीत राणा, भाजपा नेत्या

कॉन्सर्टची परवानगी दिली जाते तेव्हा त्या ठिकाणी पोलीस उपस्थित असतात. याचा अर्थ पोलिसांच्या समोरच ड्रग्जचं सेवन चालू होतं. मग तिथले पोलीस झोपले होते का? याची चौकशी झाली पाहिजे - संदीप देशपांडे, मनसे नेते

गोरेगावमध्ये एका कॉन्सर्टमध्ये खुलेआम ड्रग्जविक्री झाल्याचा प्रकार समोर आला असून अती ड्रग्ज सेवनामुळे दोन मुलांचा मृत्यू झाल्याची धक्कादायक घटना घडली आहे. या प्रकरणावरून मनसेकडून प्रशासनाला परखड शब्दांत सवाल केला आहे. मनसे नेते संदीप देशपांडे यांनी पत्रकार परिषदेत राज्याच्या अंमली पदार्थविरोधी विभागाला जाब विचारला आहे. "तुम्हाला पार बोटीत जाऊन शाहरूख खानचा मुलगा ५-१० ग्रॅम ड्रग्ज घेतोय हे दिसतं आणि इथे खुलेआम ड्रग्ज विक्री होते ते नार्कोटिक्स डिपार्टमेंटला दिसत नाही?" असा सवाल संदीप देशपांडे यांनी विचारला आहे.