Premium

Maharashtra Marathi News : “सोशल मीडियावरील तक्रारींना…”, मुंबईतील कचराप्रश्नी आदित्य ठाकरे आक्रमक

Mumbai Maharashtra Breaking News, 29 September 2023 : राज्याचे राजकारण, पाऊस अपडेट्स आणि इतर महत्त्वाच्या घडामोडी वाचा

aditya-thackeray
आदित्य-ठाकरे (फोटो : लोकसत्ता)

Mumbai News Today : मुंबईत मराठी महिलेला घर नाकारणे, कांद्याचा लिलाव बंद, रोहित पवार यांच्या बारामती ॲग्रो कंपनीवर झालेली प्रदूषण नियंत्रण मंडळाची कारवाई आदी मुद्दे राज्यात चर्चेचा विषय ठरले आहेत. तर, दुसरीकडे मणिपूरमधील परिस्थिती दिवसेंदिवस चिंताजनक ठरतेय. तसंच, निज्जर हत्येप्रकरणी कॅनडाने भारतावर आरोप केल्याने केंद्र सरकारकडून त्याप्रकरणी लवकरच स्टेटमेंट दिलं जाणार आहे. या सर्व पार्श्वभूमीवर राज्याच्या राजकीय नेते मंडळींकडून प्रतिक्रिया येत आहेत. तसंच, गेल्या २३ तासांपासून सुरू असलेले गणपती विसर्जन मिरवणूक अद्यापही सुरू आहे. २३ तासांनंतर मुंबईच्या लालबागच्या राजाचे विसर्जन झाले आहे. तर, पुण्यात अद्यापही विसर्जन मिरवणूक सुरू आहे. यासह राज्यातील हवामानाची स्थिती जाणून घेऊयात.

Live Updates

Marathi Maharashtra News Today | महाराष्ट्रातील ताज्या घडामोडी वाचा एका क्लिकवर

18:27 (IST) 29 Sep 2023
नाशिक: सर्पदंशासह डोक्याला मार लागून शेतकऱ्याचा मृत्यू

नाशिक: शेतात काम करत असताना ६५ वर्षाच्या वृध्दाला साप चावल्याने तसेच डोक्याला मार लागल्याने मृत्यू झाला. सिन्नर तालुक्यातील डुबेरवाडी येथे ही घटना घडली.

सविस्तर वाचा…

17:33 (IST) 29 Sep 2023
भक्तीमय वातावरणात, गुलाल उधळत नागपुरात दीड लाखांवर गणपती मूर्तीचे विसर्जन

नागपूर: गणरायाच्या विसर्जनाला गुरुवारपासून सुरुवात झाल्यानंतर शहरातील सर्व कृत्रिम विसर्जन कुंडांवर एकूण १ लाख ४४ हजार १६९ मूर्तींचे विसर्जन करण्यात आलेले आहे.

सविस्तर वाचा…

16:58 (IST) 29 Sep 2023
गणपती विसर्जनात खड्ड्यांचे विघ्न; महापालिकेचा खड्डेमुक्त रस्त्यांचा दावा फोल

नवी मुंबई: नवी मुंबई महापालिका आयुक्त राजेश नार्वेकर यांनी महापालिका अधिकाऱ्यांना श्रावण सण आणि गणेशोत्सवापूर्वीच शहरातील रस्त्यांची देखभाल दुरुस्ती करून घेण्याचे आदेश दिले होते.

सविस्तर वाचा…

16:56 (IST) 29 Sep 2023
कल्याण-डोंबिवलीत संरचनात्मक अभियंता संस्थेचे केंद्र; संरचनात्मक अभियंता माधव चिकोडी संस्थापक अध्यक्षपदी

‘इंडियन सोसायटी ऑफ स्ट्रक्चरल इंजिनिअर्स’ या अखिल भारतीय संस्थेची कल्याण डोंबिवलीत स्थानिक शाखा भारतीय अभियंता दिनी सुरू करण्यात आली. संरचनात्मक विषयाची साध्या सोप्या पध्दतीने माहिती अधिकाधिक नागरिकांना मिळावी.

सविस्तर वाचा…

16:55 (IST) 29 Sep 2023
ठाणे : लिलाव बंदीमुळे कांदा महागला; घाऊक २ रुपयाने तर, किरकोळ बाजारात पाच रुपयाने दर वाढले

नाशिक जिल्ह्यातील कांदा व्यापाऱ्यांनी विविध मागण्यांसाठी कांदा लिलाव बंद ठेवला आहे. परिणामी, वाशी कृषी उत्पन्न बाजार समितीत कांद्याची आवक घटल्याने कांदा महागला आहे. घाऊक बाजारात २ रुपयाने तर, किरकोळ बाजारात पाच रुपयाने कांद्याचे दर वाढले आहेत.

सविस्तर वाचा…

16:54 (IST) 29 Sep 2023
गडकरी म्हणतात, मागासलेपणाचा डाग पुसायचा असेल तर…

विदर्भातील वाशीम आणि गडचिरोली जिल्हा निती आयोगाने निकाषानुसार मागास आणि अकांक्षित जिल्हे म्हणून घोषीत केले आहे. ही बाब माझ्यासह सर्वांसाठी अभिमानाची बाब नाही. त्यामुळे मागासलेपणाचा डाग पुसून टाकण्यासाठी सर्वकष प्रयत्नाची गरज आहे.

सविस्तर वाचा…

16:53 (IST) 29 Sep 2023
चंद्रपूर: एक आक्टोंबरला एक तास गावाच्या स्वच्छतेसाठी

राष्ट्रपिता महात्मा गांधी यांच्या जयंतीचे औचित्य साधून २ ऑक्टोबर हा दिवस “स्वच्छ भारत दिवस” म्हणून साजरा केला जातो. यावर्षी “स्वच्छ भारत दिवस २०२३” च्या निमित्ताने १५ सप्टेंबर ते २ ऑक्टोबर या कालावधीत “स्वच्छता ही सेवा” हा उपक्रम स्वच्छ भारत मिशन ग्रामीण व शहरी यांच्या संयुक्त विद्यमाने राबविण्यात येणार सविस्तर वाचा…

16:52 (IST) 29 Sep 2023
Mumbai local: मध्य रेल्वेवर रविवारी मेगाब्लॉक नाही

हार्बर मार्गावरील पनवेल रिमॉडलिंग आणि मालवाहतुकीसाठी समर्पित ‘डेडिकेटेड फ्रेट कॉरिडोर’च्या कामासाठी हार्बर मार्गावर ३८ तासांचा ब्लॉक घेण्यात येणार आहे. हा वाहतूक ब्लॉक शनिवारी रात्री ११ वाजल्यापासून सोमवारी दुपारी १ वाजेपर्यंत असेल.

सविस्तर वाचा…

16:51 (IST) 29 Sep 2023
Central Railway : ३८ तासांचा जम्बो मेगा ब्लॉक, ‘या’ मार्गावर धावणार नाही एकही लोकल; आत्ताच जाणून घ्या!

मालवाहतुकीसाठी समर्पित असणाऱ्या ‘डेडिकेटेड फ्रेट कॉरिडोर’च्या कामासाठी हार्बर मार्गावर ३८ तासांचा ब्लॉक घेण्यात येणार आहे. ३० सप्टेंबर रोजी ११ वाजल्यापासून ते २ ऑक्टोबर दुपारी १ वाजेपर्यंत हा ब्लॉक घेण्यात येणार आहे. सविस्तर वाचा…

16:50 (IST) 29 Sep 2023
व्हेल माशाच्या उलटीप्रकरणी उच्चशिक्षीत तरूणासह दोघांना अटक

अंधेरी परिसरात ॲम्बरग्रीस (व्हेलच्या उलटी) विकण्याचा प्रयत्न केल्याप्रकरणी मेघवाडी पोलिसांनी मंगळवारी दोघांना अटक केली. या दोन्ही आरोपींकडून पोलिसांनी सुमारे एक किलो ॲम्बरग्रीस जप्त केले असून त्याची किंमत एक कोटी रुपयांहून अधिक आहे.

सविस्तर वाचा…

16:49 (IST) 29 Sep 2023
मुंबईः दीड वर्षाच्या मुलाचे अपहरण करणाऱ्या महिलेला १२ तासांत अटक; मुलाची सुखरूप सुटका

मालाड परिसरातून दीड वर्षाच्या मुलाचे अपहरण करणाऱ्या २८ वर्षीय महिलेला १२ तासांत अटक करण्यात मालवणी पोलिसांना यश आले आहे. आरोपी महिलेच्या ताब्यातून मुलाची सुखरूप सुटका करण्यात आली असून आरोपी महिलेने मुलाचे अपहरण का केले याबाबत पोलीस तपास करत आहेत. सविस्तर वाचा…

16:46 (IST) 29 Sep 2023
“सोशल मीडियावरील तक्रारींना…”, मुंबईतील कचराप्रश्नी आदित्य ठाकरे आक्रमक

गेल्या काही महिन्यांपासून मुंबईतील स्वच्छतेच्या भीषण होत चाललेल्या अवस्थेबद्दल ठाकरे गटाचे आमदार आदित्य ठाकरे यांनी मुंबई पालिकेला पत्र लिहिले आहे.

16:27 (IST) 29 Sep 2023
ज्येष्ठ नागरीक पण लय भारी… विविध कला – क्रीडा गुणदर्शनपर स्पर्धांना ज्येष्ठ नागरिकांचा उत्साही प्रतिसाद

नवी मुंबई: नवी मुंबई महानगरपालिकेच्या वतीने ज्येष्ठ नागरिक दिनाचे औचित्य साधून प्रतिवर्षीप्रमाणेच ज्येष्ठ नागरिकांच्या अंगभूत कला, क्रीडा गुणांना उत्तेजन देणा-या विविध स्पर्धांचे आयोजन करण्यात आले होते. त्यामध्ये ज्येष्ठ नागरीक पण लय भारी हे दाखवून दिले.

सविस्तर वाचा…

15:29 (IST) 29 Sep 2023
केंद्र सरकारच्या वित्त मंत्रालयात नोकरी; १ लाख ५१ हजार महिना पगार, त्वरित अर्ज करा

नागपूर: केंद्र शासनाच्या वित्त मंत्रालय, वित्तीय सेवा विभाग अंतर्गत रिक्त पदांकरिता भरतीचे आयोजन करण्यात आले आहे. याठिकाणी कनिष्ठ लेखाधिकारी पदाच्या जागा भरण्यात येणार आहेत.

सविस्तर वाचा…

14:15 (IST) 29 Sep 2023
जेएनपीटीच्या तेल जेट्टीवर आढळला अजगर; समुद्रात अजगर आढळल्याने आश्चर्य

उरण: जेएनपीटी बंदराच्या तेल जेट्टीच्या लोखंडी बीमवर शुक्रवारी एक भला मोठा अजगर आढळला आहे. मात्र समुद्रात असलेल्या जेट्टीवर हा अजगर कसा या बद्दल प्रश्न पडला असून आश्चर्य ही व्यक्त केलं जात आहे.

सविस्तर वाचा…

14:03 (IST) 29 Sep 2023
पुजारीटोला आणि कालिसराड धरणावर सुरक्षा रक्षकच नाही!

गोंदिया: गोंदिया जिल्ह्यांत पाऊसाने पुन्हा जोरदार हजेरी लावल्याने आणि अनंत चतुर्दशी, ईद- ए – मिलाद, सप्तहांत ची सुट्टी असल्यामुळे जिल्ह्यातील धरणावर पर्यटकांची वर्दळ वाढली आहे.

सविस्तर वाचा…

13:44 (IST) 29 Sep 2023
देहविक्री महिला पुनर्वसन प्रकल्पाच्या आशा धुसर; महिलांचे मतपरिवर्तन करणाऱ्या सामाजिक संस्थांपुढे पेच

ठाणे: भिवंडी येथील हनुमान टेकडी परिसरात देहविक्री करणाऱ्या महिलांच्या पुनर्वसनासाठी जिल्हा प्रशासनाच्या माध्यमातून वैद्यकीय कापूस निर्मिती प्रकल्पाची उभारणी करण्यात येणार होती.

सविस्तर वाचा…

13:17 (IST) 29 Sep 2023
“महाराष्ट्रात लोकशाहीची हत्या करून…”, नार्वेकरांच्या घाना दौऱ्यावर आदित्य ठाकरेंची टीका

महाराष्ट्राच्या संसदीय लोकशाहीचा निर्णय प्रलंबित असताना विधानसभेचे अध्यक्ष राहुल नार्वेकर यांच्याकडून उशीर होत आहे. महाराष्ट्रातील असंवैधानिक सरकारला संरक्षण देण्यासाठी हेतुपुरस्सर हा उशीर केला जातोय. गंमत म्हणजे, अध्यक्ष राहुल नार्वेकर संसदीय लोकशाहीवरील राष्ट्रकुल संसदीय परिषदेसाठी घानाला जात आहेत. संसदीय लोकशाहीचे रक्षण आणि संवर्धन करण्याबाबत ते काय बोलणार किंवा महाराष्ट्रातील (भारतातील दुसऱ्या क्रमांकाचे मोठे राज्य) लोकशाहीचा घात होत असताना ते संमेलनात कसे सहभागी होऊ शकतात? असा सवाल आदित्य ठाकरेंनी उपस्थित केला आहे.

13:11 (IST) 29 Sep 2023
अक्कादेवी धरण तुडुंब भरले

उरण: चिरनेर मधील अक्कादेवी धरण सप्टेंबरमध्येही जोराचा पाऊस सुरु असल्याने ओव्हरफ्लो होत आहे. त्यामुळे पर्यटकांना आंनद लुटण्याची संधी मिळत आहे.

सविस्तर वाचा…

12:36 (IST) 29 Sep 2023
पनवेलमध्ये ३२१ गणेशमूर्तींचे दान

पनवेल: पनवेल महापालिका परिसरामध्ये यंदाच्या गणेशोत्सवात ३२१ गणेशमूर्ती दान करण्याचाा निर्णय पर्यावरण रक्षणासाठी पुढाकार घेतलेल्या कुटूंबियांनी घेतला.

सविस्तर वाचा…

12:36 (IST) 29 Sep 2023
कल्याणमध्ये गणपती कारखान्याच्या मालकाला सापाड गावातील तरुणांची मारहाण

कल्याण: तुम्हाला आमच्या गावात ट्रक आणण्याची परवानगी नाही. तुमच्याकडे माथाडी कामगाराचा परवाना आहे का, असे प्रश्न करुन कल्याण जवळील सापाड गावातील तीन तरुणांनी शहापूर जवळील लाहे गावातील एका गणपतीच्या कारखाना मालक आणि त्याच्या साथीदाराला बुधवारी रात्री दीड वाजता बेदम मारहाण केली.

सविस्तर वाचा…

12:32 (IST) 29 Sep 2023
“जागा मालकांना हरकत नाही, फक्त सचिवांनी…”, तृप्ती देवरुखकारंनी सांगितली हकिगत

त्या इमारतीतील लोक जागा देण्यास तयार होते. मी जी जागा पाहायला गेले होते, त्या जागेच्या मालकांना ती जागा देण्यास काही हरकत नव्हती. हा प्रकार सोसायटीच्या सेक्रेटरींनी केला. त्यानंतर मालकांशी संपर्क साधून घडलेला प्रकार सांगितला. तेव्हा त्यांनीही नाराजी व्यक्त केली. फ्लॅट मालकांनी संबंधित प्रकार सोसायटीच्या कमिटीमध्ये मांडण्याचं आश्वासन दिलं. त्यानंतर आता सेक्रेटरी पदावरून त्यांना काढण्यात आलं आहे – तृप्ती देवरुखकर

12:25 (IST) 29 Sep 2023
बुलढाणा: गणेश विसर्जनदरम्यान भाविक तलावात बुडाला!

बुलढाणा: गणेश विसर्जनासाठी गेलेला भाविक तलावात बुडाला असून त्याचा युद्धपातळीवर शोध घेण्यात येत आहे. जिल्हा पथकाने आज सकाळपासून शोध मोहिम सुरू केली असून बुडालेल्या इसमाचा थांगपत्ता लागला नसल्याचे सूत्रांनी सांगितले.

सविस्तर वाचा…

12:15 (IST) 29 Sep 2023
नागपूर करार विदर्भावरील अन्यायाचे प्रतीक – ॲड. वामनराव चटप; विराआंस समितीने केली नागपूर कराराची होळी

चंद्रपूर येथील जेटपूरा गेट येथे गांधी पुतळ्यासमोर विदर्भ राज्य आंदोलन समितीचे अध्यक्ष ॲड. माजी आमदार वामनराव चटप यांच्या नेतृत्वात नागपूर कराराची होळी करण्यात आली.

सविस्तर वाचा…

12:14 (IST) 29 Sep 2023
कुणबी समाजाचा बहिष्कार; तरीही सरकारने ओबीसींची बोलावली बैठक

आज मुंबई येथील सह्याद्री अतिथी सभागृहात ओबीसींची बैठक होत आहे. दरम्यान या बैठकीवर सर्व शाखीय कुणबी समाजाने बहिष्कार टाकला आहे.

सविस्तर वाचा…

12:13 (IST) 29 Sep 2023
Pitru Paksha 2023 : यंदा पितृपक्ष २९ सप्टेंबर ते १४ ऑक्टोबरपर्यंत…आजपासून प्रारंभ

Pitru Paksha 2023 Start Date and Time : यंदा पितृपक्ष २९ सप्टेंबर २०२३ पासून १४ ऑक्टोबर या कालावधीत आहे. या काळात पूर्वजांच्या आत्म्याच्या शांतीसाठी श्राध्द, महालय आदिविधी केले जातात.

सविस्तर वाचा…

12:13 (IST) 29 Sep 2023
डॉक्टर मंडळींच्या बाप्पाच्या ‘या’ मिरवणुकीचे लागले सर्वांना वेध

गावातले गणपती उठले की सावंगीचा राजाला निरोप द्यायला मग गाव लोटतो. सावंगी ते पवनार अशी ही मिरवणूक दुपारी चार वाजता सुरू होते.

सविस्तर वाचा…

12:13 (IST) 29 Sep 2023
शासकीय वैद्यकीय महाविद्यालय, अभियांत्रिकीसह अनेक महाविद्यालयांकडे शिष्यवृत्ती अर्ज प्रलंबित; सामाजिक न्याय विभागाचे…

चंद्रपूर: शासकीय वैद्यकिय महाविद्यालय चंद्रपूर, श्रीमती विमलादेवी आयुर्वेदिक वैद्यकिय महाविद्यालय वांढरी, बल्लारपुर इंस्टिट्यूट ऑफ टेक्नॉलॉजी बामणी, गोंडपिपरी शिक्षण महाविद्यालय गोंडपिपरी तथा शासकीय औद्योगिक प्रशिक्षण संस्था अशा अनेक महाविद्यालयांकडे शिष्यवृत्तीचे अर्ज प्रलंबित आहेत.

सविस्तर वाचा…

12:12 (IST) 29 Sep 2023
चंद्रपूर: जिल्हा परिषदेच्या ४७५ शाळांना लागणार टाळे?

चंद्रपूर: जिल्हा परिषदेतील शाळांची पटसंख्या झपाट्याने कमी होत आहे. बहुसंख्य शाळांत दहा ते वीस विद्यार्थीच शिक्षण घेत आहे.

सविस्तर वाचा…

12:12 (IST) 29 Sep 2023
संतापजनक! मतिमंद युवतीवर लैंगिक अत्याचार, पोलीस ठाण्यात तक्रार घेण्यास विलंब

तालुक्यातील एका नराधम तरूणाने मतिमंद असलेल्या आणि आई-वडिलांचे छत्र हरविलेल्या मुलीला जीवानिशी मारण्याची धमकी देत सतत लैंगिक शोषण केले.

सविस्तर वाचा…

12:12 (IST) 29 Sep 2023
ट्रक ड्रायव्हरचा मुलगा निघाला लंडनला, बल्लारपूरच्या ध्येयवेड्या जयची सातासमुद्रापार शिक्षणवाट

त्याच्या पुढील वर्षभराच्या शिक्षणाचा खर्च महाराष्ट्र शासनाच्या शिष्यवृत्तीतून होणार आहे. एका ट्रक ड्रायव्हरच्या मुलाचा हा शैक्षणिक प्रवास समाजाला दिपवणारा आहे.

सविस्तर वाचा…

12:11 (IST) 29 Sep 2023
कुत्र्याच्या मृतदेहाने केला घात, दुचाकी आदळून होमगार्ड ठार

वाटेत मोरांगणा परिसरातून जात असताना कुत्र्याचा मृतदेह पडून असल्याचे त्यांना दिसले नाही.

सविस्तर वाचा…

10:26 (IST) 29 Sep 2023
“संविधानविरोधी सरकार आंतरराष्ट्रीय व्यासपीठावर…”, राऊतांची नार्वेकरांवर टीका

तारीख पे तारीख दिली जातेय. गेल्या वर्षभरापासून संविधान, कायद्याच्या विरोधात सरकार चालवत आहेत. पण आंतरराष्ट्रीय व्यासपीठावर लोकशाहीवर भाष्य केलं जातंय. घाना येथे जे डेलिगेशन जात होतं, त्यात राहुल नार्वेकरांचं नाव नव्हतं. परंतु उशीर करण्यासाठी काहीतरी कारण पाहिजे म्हणून त्या डेलिगेशनमध्ये अध्यक्षांचं नाव टाकलं गेलं – संजय राऊत

महाराष्ट्र ब्रेकिंग न्यूज लाइव्ह

Marathi Maharashtra News Live Today | महाराष्ट्रातील ताज्या घडामोडी वाचा एका क्लिकवर

Web Title: Maharashtra news live mumbai maharashtra latest news marathi batmya rain updates weather report today sgk

First published on: 29-09-2023 at 10:25 IST

आजचा ई-पेपर : महाराष्ट्र

वाचा