Maharashtra News: बारामती विधानसभा पोटनिवडणुकीतून काँग्रेसची माघार; अदिती तटकरेंनी पोस्ट करत मानले आभार

"बारामती विधानसभा पोटनिवडणुकीतून आपल्या पक्षाचा उमेदवार मागे घेण्याचा निर्णय काँग्रेस पक्षाने घेतला आहे. लोकनेते आदरणीय अजितदादा पवार यांच्या पश्चात बारामतीकरांच्या मनात असलेला भावनांचा कल्लोळ समजून घेत काँग्रेस पक्षाने ही समंजस भूमिका घेतल्याबद्दल पक्षाच्या राज्य नेतृत्वाचे, केंद्रीय नेतृत्वाचे मनापासून आभार. राष्ट्रवादी काँग्रेस पक्षाच्या राष्ट्रीय अध्यक्ष आदरणीय श्रीमती सुनेत्राकाकी पवार व बारामतीकरांचे असलेले मायेचे नाते यापुढील काळात अधिक दृढ होईल हा मला विश्वास आहे." अशी पोस्ट मंत्री अदिती तटकरे यांनी केली आहे.

महाराष्ट्रात लोकशाही उरलेली नाही. काँग्रेससारख्या मोठ्या पक्षाने या निवडणुकीत माघार घेणे ही लज्जास्पद गोष्ट आहे. मुख्यमंत्री देवेंद्र फडणवीस आणि धनंजय मुंडे आपल्या मनाप्रमाणे महाराष्ट्र चालवणार असतील, तर ते मी होऊ देणार नाही. मी देखील माघार घेण्याचा विचार करत होते; मात्र एक पोस्ट पाहिली. त्या पोस्टमध्ये मुख्यमंत्री आणि धनंजय मुंडे यांचा फोटो होता. त्यात धनंजय मुंडे यांनी काँग्रेसचे हर्षवर्धन सपकाळ यांना फोन करून माघार घ्यायला लावल्याचे म्हटले होते. ही माहिती ऐकून आणि पोस्ट पाहून मी माघार घेण्याचा निर्णय रद्द केला. माझी दुसरी मागणी म्हणजे दिवंगत अजित पवार यांच्या मृत्यूबाबत एफआयआर दाखल व्हावी. ती झाली असती, तर मी नक्कीच माघार घेतली असती. बारामतीत दिवंगत अजित पवार यांना न्याय मिळत नसेल, तर महाराष्ट्रात राहण्याचा अधिकारच नाही, असे मला वाटते.