Maharashtra Politics Updates : दीर्घकाळ रखडलेल्या पालकमंत्र्यांची नावे १८ जानेवारी राजी रात्री उशिरा जाहीर करण्यात आली आहेत. या नव्या पालकमंत्र्यांच्या यादीत अनेकांना सहपालकमंत्रीपदही मिळालं. तर काही जिल्ह्यांमध्ये मात्र मंत्र्यांना संधी देण्यात आली नव्हती. शिंदे गटाचे मंत्री दादा भुसे आणि भरत गोगावले यांना पालकमंत्रीपद न मिळाल्याने त्यांच्यावर अन्याय झाल्याची भावना पाणीपुरवठा मंत्री गुलाबराव पाटील यांनी व्यक्त केली होती. त्यानंतर राज्य सरकारने नाशिक आणि रायगडचं पालकमंत्री पदाच्या नियुक्तीला स्थगिती दिली आहे. १९ जानेवारी रोजी रात्री उशिरा पत्रक जारी करून हा निर्णय घेण्यात आला आहे. तसेच प्रसिद्ध अभिनेता सैफ अली खानवर झालेल्या हल्ल्याच्या प्रकरणात काही धक्कादायक माहिती सातत्याने समोर येत आहे. तसेच मस्साजोगचे सरपंच संतोष देशमुख हत्या प्रकरणात देखील घडामोडी घडत आहेत. खंडणी प्रकरणातील आरोपी वाल्मिक कराड याच्या जामीनावर आज सुनावणी होणार आहे. यासह राज्यातील इतर महत्त्वाच्या घडामोडी आपण या लाईव्ह ब्लॉगच्या माध्यमातून पाहाणार आहोत.

Live Updates

Marathi Live News Update Today : आजच्या सर्व ताज्या घडामोडी वाचा एका क्लिकवर..

17:51 (IST) 20 Jan 2025

बुलढाणा : केवळ ४० हजारांसाठी दरोडेखोरांनी जीव घेतला, घरी सीसीटीव्ही यंत्रणा आणली, पण…

बुलढाणा : बोराखेडी पोलीस ठाणेच नव्हे संपूर्ण बुलढाणा जिल्हा पोलीस दलासाठी दाभाडी येथील दरोडा तपासाच्या दृष्टीने कडवे आव्हान ठरले आहे. या घटनेच्या प्राथमिक तपासात अनेक धक्कादायक बाबी पुढे आल्या आहेत.

सविस्तर वाचा....

17:26 (IST) 20 Jan 2025

मुंबई-पुणे द्रुतगती महामार्गावर बुधवारपासून तीन दिवसीय वाहतूक ब्लॉक

मुंबई : यशवंतराव चव्हाण द्रुतगती महामार्गावर गर्डर अर्थात तुळई बसविण्याचे काम करण्यात येणार आहे. त्यासाठी २२ जानेवारी, बुधवारपासून ते २४ जानेवारीपर्यंत दुपारी १२ ते ३ या वेळेत वाहतूक ब्लाॅक घेण्यात येणार आहे. ब्लॉकच्या कालावधीत मुंबईहून पुण्याकडे जाणारी वाहतूक बंद राहणार असून ती इतर मार्गांवर वळवण्यात येणार आहे.

सविस्तर वाचा....

17:16 (IST) 20 Jan 2025

कठोर पोलीसही हळहळले…‘लुसी’ला अखेरची सलामी देताना…

यवतमाळ : येथील पोलीस दलात गेल्या आठ वर्षांपासून सेवा देत असलेल्या ‘लुसी’ श्वानाच्या मृत्यूने पोलीस दलही हळहळले. गुन्हे शोध पथकात कार्यरत असलेल्या लुसीने शनिवारी अखेरचा श्वास घेतला. येथील पोलीस मुख्यालयात तिच्यावर अंत्यसंस्कार करण्यात आले, तेव्हा अनेक पोलिसही भावूक झाले होते. लुसीने आव्हानात्मक ठरलेल्या अनेक गुन्ह्यांचा छडा लावण्यात पोलिसांना मोलाची मदत केली होती.

सविस्तर वाचा...

17:12 (IST) 20 Jan 2025

पालघर : पाच मिनिटांच्या उशिराकरिता ५० उठाबशा, तीन दिवसांपासून दहावीतील विद्यार्थिनी रुग्णालयात

पालघर : शाळेत येण्यास पाच मिनिटांचा विलंब झाल्यामुळे पालघर येथील एका नामांकित शाळेच्या मुख्याध्यापिकेने दहावी इयत्तेत शिकणाऱ्या विद्यार्थिनीला ५० उठाबशा काढण्याच्या दिलेल्या शिक्षेमुळे त्या मुलीवर आजारपण ओढवले आहे.

सविस्तर वाचा....

17:07 (IST) 20 Jan 2025

पालकमंत्री पदाच्या मुद्द्यावर शिंदे नाराज आहेत का?, बावनकुळे म्हणाले...

रायगड आणि नाशिक जिल्ह्याच्या पालकमंत्री पदाच्या मुद्द्यावर एकनाथ शिंदे नाराज आहेत का? बावनकुळे म्हणाले की, कुठलीही नाराजी नाही, मी परवा आणि कालही एकनाथ शिंदे यांना बोललो आहे.मुख्यमंत्री देवेंद्र फडणवीस भारताबाहेर आहेत नाहीतर कालच प्रश्न सुटला असता. थोडी चर्चा करण्याची गरज आहे. मला वाटतं छोट्या चर्चेतून मार्ग निघून जाईल,.

17:04 (IST) 20 Jan 2025

संघविरोधी आंदोलन भाग न घेतल्याने वडेड्डीवार, ठाकरे, धवड युवक काँग्रेसमधूम पदमुक्त,संघटनेच्या कामात कसूर केल्याचा ठपका

नागपूर : महाराष्ट्र प्रदेश युवक काँग्रेसने वेळोवेळी दिलेली जबाबदारी योग्य प्रकारे पाडण्यात अपयशी ठरल्याचे सांगत माजी विरोधी पक्ष नेते विजय वडेट्टीवार यांची सुपुत्री शिवानी वडेट्टीवार, आमदार विकास ठाकरे यांचे सुपुत्र केतन ठाकरे आणि माजी आमदार अशोक धवड यांचे सुपुत्र अभिषेक धवड यांच्यासह ६० पदाधिकाऱ्यांना प्रदेश युवक काँग्रेसने पदमुक्त केले आहे.

सविस्तर वाचा...

17:02 (IST) 20 Jan 2025

बदलापूर बनावट चकमकीची जबाबदारी शिंदे, फडणवीसांचीही, वडेट्टीवार यांचा आरोप

नागपूर : बदलापूर लैंगिक अत्याचार प्रकरणातील आरोपी अक्षय शिंदेच्या चकमकीला पाच पोलीस जबाबदार असल्याची बाब चौकशीत समोर आली. या घटनेला पोलिसांप्रमाणे तत्कालिन मुख्यमंत्री एकनाथ शिंदे आणि गृहमंत्री देवेंद्र फडणीस देखील तेवढेच जबाबदार आहेत, असा आरोप माजी विरोधी पक्ष नेते विजय वडेट्टीवार यांनी केला. यासंदर्भात ‘एक्स’ (ट्वीट ) त्यांनी प्रतिक्रिया दिली.

सविस्तर वाचा...

15:46 (IST) 20 Jan 2025

सोने- चांदीच्या दरात मोठे बदल… नववर्षात हे आहेत दर…

नागपूर : नागपूरसह देशभरात सोने- चांदीचे दर स्थिर होण्याचे नाव घेत नाही. रोज या धातूच्या दरात बदल बघायला मिळत आहे. नवीन वर्षात एखादवेळा दर घसरले असले तरी इतर दिवशी सातत्याने कमी- अधिक प्रमाणात दरात वाढ नोंदवली जात आहे. दरम्यान नववर्षातील पहिल्या वीस दिवसांत सोन्याच्या दरात मोठे बदल झाले आहेत.

सविस्तर वाचा...

15:16 (IST) 20 Jan 2025

मुंबई : पत्राचाळीतील विजेत्यांना उद्यापासून देकार पत्र

मुंबई : म्हाडाच्या मुंबई मंडळाच्या २०१६ च्या सोडतीतील गोरेगाव पश्चिम येथील सिद्धार्थनगर (पत्राचाळ) योजनेतील ३०५ घरांना नुकतेच भोगवटा प्रमाणपत्र (ओसी) प्राप्त झाले आहे. त्यामुळे आता या घरांसाठीच्या विजेत्यांना तात्पुरते देकार पत्र वितरीत करण्याचा निर्णय मुंबई मंडळाच्या पणन विभागाने घेतला आहे.

सविस्तर वाचा...

15:11 (IST) 20 Jan 2025

नागपूर : तीन दशकाच्या संघर्षानंतर पाकिस्तानी सून बनली भारतीय नागरिक…

नागपूर : पाकिस्तानच्या कराचीमध्ये राहणारी आणि नंतर नागपूरची सून झालेल्या एका महिलेला भारताचे नागरिकत्व प्राप्त करण्यासाठी तब्बल तीन दशकांचा संघर्ष करावा लागला. मूळत: तेलुगु वंश असलेली कमला गट्टू हिचा भारतीय नागरिकत्व मिळविण्याचा प्रवास देशाची फाळणी, स्थलांतर आणि सांस्कृतिक ओळख अशा गुंतागुंतीचा राहिलेला आहे. कमला या तीस वर्षांपासून व्हिझावर भारतात राहत आहेत. मागील आठवड्यात तीस वर्षाच्या संघर्षानंतर कमला यांना भारतीय नागरिकत्व प्रदान करण्यात आले आणि नागपूरची सून खऱ्या अर्थाने भारतीय झाली.

सविस्तर वाचा...

15:06 (IST) 20 Jan 2025
"एन्काऊंटरची जबाबदारी जितकी पोलिसांची तितकी शिंदे आणि फडणवीस यांची कारण…", वडेट्टीवारांचा हल्लाबोल

"बदलापूर प्रकरणात आरोपी असलेल्या अक्षय शिंदे एन्काऊंटर प्रकरणी पाच पोलीस जबाबदार असल्याचा निष्कर्ष न्यायालयाच्या चौकशीत समोर आला आहे! त्याचप्रमाणे बंदुकीवर अक्षय शिंदेचे बोटाचे ठसे नसल्याचे फॉरेन्सिक अहवालात नमूद करण्यात आले आहे. बदलापूर प्रकरणी एकीकडे भाजप संस्थाचालकांवर कारवाई झालीच नाही तर दुसरीकडे आरोपी अक्षय शिंदेचे फेक एन्काऊंटर करून भाजपशी संबंधित संस्था चालकाला वाचवण्यात आले. विधानसभा निवडणुकीच्या तोंडावर तत्कालीन सरकारने मांडलेल्या फेक नरेटिव्हची आज उच्च न्यायालयाने पोलखोल केली आहे. या एन्काऊंटरची जबाबदारी जितकी पोलिसांची आहे तितकी तत्कालीन मुख्यमंत्री एकनाथ शिंदे आणि गृहमंत्री देवेंद्र फडणवीस यांची आहे. कारण ‘एकनाथचा एक न्याय‘ आणि ‘देवाभाऊचा न्याय‘ म्हणून स्वतःला हिरो बनवून घेण्यासाठी या एन्काऊंटर चे श्रेय घेण्याची स्पर्धा लागली होती. विधानसभा निवडणुकीपूर्वी महायुती सरकारने फक्त मतांसाठी मांडलेला बाजार हळूहळू समोर येत आहे." - विजय वडेट्टीवार

14:43 (IST) 20 Jan 2025

गृहमंत्र्यांच्या शहरातील हत्याकांडाचे सत्र थांबता थांबेना, मुलाने आईच्या मदतीने केला वडिलाचा खून; मृतदेह पोत्यात भरुन…

नागपूर : गृहमंत्र्याच्या शहरातील कायदा व सुव्यवस्था बिघडली असून हत्याकांडाचे सत्र थांबता थांबत नसल्याचे चित्र आहे. शहरातील गँगवार आणि हत्याकांडासारख्या घटनांवर पोलिसांनी नियंत्रण ठेवण्यात अपयश आल्यामुळे पोलिसांच्या कार्यप्रणालीवर संशय व्यक्त करण्यात येत आहे. हत्याकांडाची आणखी एक घटना सोमवारी सकाळी उघडकीस आली. दहावीत शिकणाऱ्या मुलाने आईच्या मदतीने वडिलाचा गळा आवळून खून केला. ही घटना हुडकेश्वर पोलीस ठाण्याच्या हद्दीत घडली.

सविस्तर वाचा...

14:34 (IST) 20 Jan 2025

मंत्री गुलाबराव पाटील यांचा जळगाव जिल्ह्यात अनोखा विक्रम

जळगाव – महायुती सरकारमध्ये जळगाव जिल्ह्यातील भाजपचे दोन आणि शिवसेनेचा (एकनाथ शिंदे) एक मंत्री समाविष्ट असताना, शिंदे गटाचे पाणीपुरवठा व स्वच्छतामंत्री गुलाबराव पाटील यांची जळगावच्या पालकमंत्रीपदावर वर्णी लागली.

सविस्तर वाचा....

14:32 (IST) 20 Jan 2025

केंद्र सरकारच्या जमिनीवरील एक लाख ४१ हजार झोपड्यांचे २०३० पर्यंत पुनर्वसन

मुंबई : मुंबईला झोपडपट्टीमुक्त करण्यासाठी पुनर्वसन योजना राबविल्या जात आहे. मात्र अजूनही मोठ्या संख्येने झोपड्यांचे पुनर्वसन शिल्लक आहे. त्यातही केंद्र सरकारच्या जागेवरील झोपड्यांच्या पुनर्वसनासाठी कोणतेही ठोस धोरण अद्याप नाही.

वाचा सविस्तर...

14:31 (IST) 20 Jan 2025

भंडारा जिल्ह्याच्या वाट्याला पुन्हा ‘पार्सल’ पालकमंत्री; परंपरा कायम

भंडारा : भुसावळ मतदारसंघाचे भाजप आमदार, राज्याचे वस्त्रोद्योग मंत्री संजय सावकारे यांची जिल्ह्याच्या पालकमंत्रिपदी वर्णी लागली आहे. त्यांच्या रूपात जिल्ह्याला पुन्हा ‘पार्सल’ पालकमंत्री लाभला आहे.

वाचा सविस्तर...

14:30 (IST) 20 Jan 2025

बुलढाणा पालकमंत्री निवडीतही धक्कातंत्र; राष्ट्रवादीची बाजी

बुलडाणा : जिल्ह्याचे ‘पालक’ ठरवताना महायुतीने पुन्हा राजकीत धक्कातंत्राचाच वापर केला. यत्किंचितही चर्चा नसताना वाईचे आमदार मकरंद जाधव यांची बुलढाणा जिल्ह्याच्या पालकमंत्रिपदी वर्णी लागली. अजितदादांनी जाधव यांच्यावर मोठी जवाबदारी सोपवली.

वाचा सविस्तर...

14:29 (IST) 20 Jan 2025

मुख्यमंत्र्यांनी पालकत्व घेतल्याने गडचिरोलीच्या विकासाचा मार्ग सुकर?

गडचिरोली : राज्याचे मुख्यमंत्री देवेंद्र फडणवीस यांनी गडचिरोली जिल्ह्याचे पालकमंत्रिपद स्वत: स्वीकारल्याने जिल्ह्यात कित्येक दशकांपासून प्रलंबित असलेली विकासकामे पूर्ण होण्याच्या अशा पल्लवीत झाल्या आहेत.

वाचा सविस्तर...

14:28 (IST) 20 Jan 2025

अतुल भोसले यांच्या आमदारकीला पृथ्वीराज चव्हाण यांचे उच्च न्यायालयात आव्हान

मुंबई : विधानसभा निवडणुकीत कराड दक्षिण मतदारसंघातून विजयी झालेले भाजप उमेदवार अतुल भोसले यांच्या आमदारकीला काँग्रेस नेते आणि माजी मुख्यमंत्री पृथ्वीराज चव्हाण यांनी उच्च न्यायालयात दिले आहे.

वाचा सविस्तर...

14:28 (IST) 20 Jan 2025

एकनाथ शिंदे यांच्या नाराजीची मुख्यमंत्री फडणवीस यांनी तात्काळ दखल कशामुळे घेतली ?

आपल्या निर्णयावर एरवी ठाम राहणारे मुख्यमंत्री देवेंद्र फडणवीस यांनी उपमुख्यमंत्री एकनाथ शिंदे यांच्या नाराजीची तात्काळ दखल घेत रायगड आणि नाशिक जिल्ह्यांच्या पालकमंत्र्यांच्या नियुक्तीला स्थगिती देण्यामागे दिल्लीचा हस्तक्षेप कारणीभूत ठरल्याची राजकीय वर्तुळात चर्चा आहे.

वाचा सविस्तर...

14:27 (IST) 20 Jan 2025

महिलेचा व्हिडिओ व्हायरल करणार्‍या आरोपीला अटक

पुणे : आंघोळ करतानाचे व्हिडिओ रेकॉर्ड करून सोशल मीडियावर व्हायरल करून, तो व्हिडिओ डिलीट करण्यासाठी पीडित महिलेकडे शरीर सुखाची आणि पैशांची मागणी करणार्‍या आरोपीला वानवडी पोलिसांनी नाशिक येथून अटक केली आहे.कृष्णा संपत शिंदे वय २० रा.चव्हाण मळा नाशिक असे आरोपीचे नाव आहे.

वाचा सविस्तर...

14:27 (IST) 20 Jan 2025

यवतमाळात शिवसेनाच मोठा भाऊ; नाईक बंगल्याचा अपेक्षाभंग

यवतमाळ : जिल्ह्यात भाजपचे दोन आमदार, त्यातील एक कॅबिनेट मंत्री असूनही यवतमाळचे पालकमंत्रिपद खेचून आणत येथे शिवसेना (शिंदे)च मोठा भाऊ असल्याचे स्पष्ट झाले. शिवसेनेचे मंत्री संजय राठोड यांना यवतमाळचे पालकमंत्रिपद, तर भाजपचे मंत्री प्रा. डॉ. अशोक उईके यांना चंद्रपूरसारख्या ‘हेवीवेट’ जिल्ह्याचे पालकमंत्रिपद मिळाले.

वाचा सविस्तर...

14:26 (IST) 20 Jan 2025

वाशीम जिल्ह्याचे पालकत्व ६३० कि.मी.वर

अकोला : वाशीम जिल्ह्याचे पालकत्व थेट ६३० कि.मी.वरील कोल्हापूर जिल्ह्यातील कागलचे प्रतिनिधित्व करणारे वैद्यकीय शिक्षण मंत्री हसन मुश्रीफ यांच्याकडे देण्यात आले आहे. मोठ्या जिल्ह्याची अपेक्षा असतांना वाशीम सारखा लहान व अप्रगत जिल्ह्याची जबाबदारी मुश्रीफ यांना मिळाली.

वाचा सविस्तर...

14:23 (IST) 20 Jan 2025

नंदुरबारमध्ये पोलिसांवर दगडफेकप्रकरणी १८ जण ताब्यात

नाशिक – नंदुरबार शहरात रविवारी किरकोळ अपघातामुळे निर्माण झालेल्या तणावाचा फायदा घेत एका गटातील काही जणांनी पोलिसांवर दगडफेक केली. या प्रकरणी पोलिसांनी १८ जणांना ताब्यात घेतले असून त्यातील सात जण हे अल्पवयीन आहेत.

सविस्तर वाचा....

14:02 (IST) 20 Jan 2025

सैफ हल्ला प्रकरणः सैफची सदनिका, इमारतीतून आरोपीचे १९ फिंगरप्रींट सापडले

मुंबईः अभिनेता सैफ अली खानवर हल्ला केल्याप्रकरणी मोहम्मद शरीफुल इस्लाम शहजाद ऊर्फ विजय दास (३०) याला अटक केल्यानंतर आरोपीचे घटनास्थळावरून आरोपीच्या बोटांचे ठसे १९ ठिकाणी सापडले आहेत.

सविस्तर वाचा....

14:01 (IST) 20 Jan 2025

मुंबई मॅरेथॉनमध्ये २७ जण रुग्णालयात दाखल, एका रुग्णावर अँजिओप्लास्टी

मुंबई : रविवारी झालेल्या मुंबई मॅरेथॉनमध्ये धावताना २७ जणांना रुग्णालयात दाखल करण्याची वेळ आली तर जवळपास २०१८ स्पर्धकांना वैद्यकीय मदतीची गरज भासली. त्यात पायात गोळे येणे, निर्जलीकरण आणि लहानसहान दुखापतींचा समावेश आहे. रुग्णालयात दाखल रुग्णांपैकी एका रुग्णाला हृदयाचा त्रास सुरू झाल्याने त्याच्यावर बॉम्बे रुग्णालयात तातडीने अँजिओप्लास्टी करण्यात आली.

सविस्तर वाचा....

14:00 (IST) 20 Jan 2025

नाशिक : लाच स्वीकारताना पोलीस उपनिरीक्षक जाळ्यात

नाशिक – गुन्ह्यात अटक न करता केवळ नोटीस देण्यासाठी २० हजार रुपयांची मागणी करून यातील १० हजार रुपये स्वीकारताना देवळा पोलीस ठाण्याच्या सहायक उपनिरीक्षकाला लाचलुचपत प्रतिबंधक विभागाच्या पथकाने रंगेहात पकडले.

सविस्तर वाचा....

13:59 (IST) 20 Jan 2025

मुंबई : मरीन ड्राईव्ह येथील पंचतारांकीत हॉटेलमध्ये महिलेचा मृतदेह सापडला

मुंबईः मरीनड्राईव्ह येथील पंचतारांकित हाॅटेलमध्ये ६० वर्षीय महिलेचा मृतदेह सापडल्यामुळे एकच खळबळ उडाली. विनती मेहतानी असे या महिलेचे नाव आहे. हाॅटेलच्या २७ व्या माळ्यावरील खोलीत ही महिला होती. याप्रकरणी मरीन ड्राईव्ह पोलिसांंनी अपमृत्यूची नोंद केली आहे.

सविस्तर वाचा....

13:27 (IST) 20 Jan 2025

६० पैकी एकही आमदार शिंदेंच्या आदेशाशिवाय काम करत नाही - संजय शिरसाट

संजय राऊत यांनी उदय सामंत यांच्याबद्दल केल्याल्या दाव्यावर शिवसेनेचे नेते संजय शिरसाट यांनी प्रतिक्रिया दिली आहे. एकनाथ शिंदे यांच्याकडून उदय सामंत यांच्यावर वारंवार जास्त जबाबदारी टाकण्याचा प्रयत्न केला जात आहे. महत्त्वाच्या चार-पाच जणांवर वेगवेगळी जबाबदारी शिंदेंमार्फत टाकली जात आहे. ६० पैकी एकही आमदारा शिंदेंच्या आदेशाशिवाय काम करत नाही हे मी स्पष्ट सांगतो. उदय सामंत आणि आम्ही सर्वजण एक आहोत. आमच्यात मतभेद नाहीत. आमच्यात दरार टाकण्याच प्रयत्न करू नये, असे मत शिवसेनेचे नेते संजय शिरसाट म्हणाले आहेत.

13:22 (IST) 20 Jan 2025

प्रियकराला भेटायला आलेल्या अल्पवयीन प्रेयसीची 'अधुरी प्रेम कहाणी’

नागपूर : पटन्यात( बिहार )राहणाऱ्या अकरावीच्या विद्यार्थिनीचे नागपुरातील अकरावीच्या विद्यार्थ्यासह सूत जुळले. दोघांनीही घरातून पळून जाऊन प्रेमविवाह करण्याचा निर्णय घेतला. ती पाटणन्यावरुन रेल्वेने नागपुरात पोहचली तर तो रेल्वेस्थानकावर तिची वाट बघत उभा होता. मात्र, यादरम्यान, तरुणीच्या आईने मुलगी पळाल्याची तक्रार केली. पोलिसांनी रेल्वेस्थानकावर सापळा रचला. प्रियकर आणि प्रेयसीची भेट होण्यापूर्वीच पोलिसांनी मुलीला ताब्यात घेतले आणि आईवडिलांच्या ताब्यात दिले. अशाप्रकारे ‘एक अधुरी प्रेम कहाणी’ रेल्वेस्थानकावर बघायला मिळाली.

सविस्तर वाचा...

13:21 (IST) 20 Jan 2025

‘मोक्का’ कारवाई केलेल्या गुंडाकडून हाॅटेलची तोडफोड, धानोरीतील हाॅटेल चालकाकडे खंडणीची मागणी

पुणे : महाराष्ट्र संघटित गुन्हेगारी नियंत्रण कायद्यान्वये (मोक्का) कारवाई केल्यानंतर जामीन मिळवून कारागृहातून बाहेर आलेल्या गुंडाकडून धानोरी जकात नाका भागातील हाॅटेलची तोडफोड केली. गुंडाने हाॅटेल चालकाला धमकावून दरमहा १५ हजार रुपये हप्त्याची मागणी केली. हाॅटेल व्यवस्थापकाासह मालकाला मारहाण केली. याप्रकरणी गुंडासह आठ जणांविरुद्ध विमानतळ पोलिसांनी गुन्हा दाखल केला.

सविस्तर वाचा...

Marathi Live News Update Today : आजच्या सर्व ताज्या घडामोडी वाचा एका क्लिकवर..

Maharashtra News Live Updates in Marathi

महाराष्ट्र न्यूज लाईव्ह अपडेट्स

Story img Loader