Top Marathi News Updates, 27 August 2026: नीट पेपरफुटी प्रकरणानंतर दिल्लीत ज्याप्रकारे आंदोलन झाले. त्याप्रकारची परिस्थिती महाराष्ट्रात निर्माण होते की काय? असे चित्र सध्या दिसत आहे. एमपीएससीच्या औषध निरीक्षक (गट-ब) पदासाठी झालेल्या परीक्षेचा पेपरफुटीचे प्रकरण आता उजेडात आले आहे. यामुळे स्पर्धा परीक्षा देणाऱ्या हजारो विद्यार्थ्यांमध्ये संतापाची लाट उसळली आहे.
तर पुण्यातील मांजरी येथे आदिवासी विभागाच्या वसतीगृहाचे विद्यार्थी गेले १५ दिवसांपासून आंदोलन करत आहेत. १४ ऑगस्ट रोजीचा शासन निर्णय रद्द करण्याची घोषणा आदिवासी विकास मंत्री अशोक ऊईके यांनी केली असली तरी विद्यार्थी आंदोलनावर ठाम आहेत. विद्यार्थी म्हणाले की, आमच्या १४ मागण्या आहेत. या मागण्या एकमेकांशी संबंधित आहेत. आमच्या मागण्या पूर्ण होईपर्यंत आम्ही उपोषण सोडणार नसल्याचे आम्ही सरकारला कळवले आहे.
काँग्रेस नेते, आमदार विजय वडेट्टीवार यांनी राष्ट्रवादी काँग्रेसच्या (शरद पवार) खासदार सुप्रिया सुळे यांच्याकडे ओबीसी प्रमाणपत्र अससल्याचा आरोप केला. याप्रकरणी सुप्रिया सुळे यांनी आक्रमक भूमिका घेत वडेट्टीवार यांचे आरोप धादांत खोटे असल्याचे म्हटले. तसेच, आरोप सिद्ध करावा अन्यथा जाहीर माफी मागावी, अशी मागणी केली. यानंतर आता वडेट्टीवार यांनी स्पष्टीकरण देताना सुप्रिया सुळे यांच्या नावाचा अनावधानाने उल्लेख झाल्याचे सांगत खेद व्यक्त केला आहे.
दुसऱ्या बाजूला मराठा आंदोलक मनोज जरांगे पाटील यांनीही सरकारवर टीका केली असून मुंबईतील आंदोलनावर निर्बंध लादल्याबद्दल त्यांनी सरकारवर जोरदार टीका केली. मुंबईत यावेळी आम्ही जाणारच आणि तिथे रात्र-दिवस बसणार. मुंबईकरांनी आम्हाला १०-१५ दिवस सांभाळून घ्यावे, असेही मनोज जरांगे पाटील म्हणाले.
Latest Marathi News Live Updates, 27 August 2026 | महाराष्ट्र न्यूज लाइव्ह अपडेट्स
बँकांना ९९.९७ टक्क्यांचा गंडा! २२ हजार कोटींच्या थकबाकीवर सुभाष चंद्रा चुकवणार अवघे ६.२५ कोटी
सण-उत्सवकाळात मध्य रेल्वेचा १५ दिवस रात्रकालीन ब्लॉक; टिटवाळा, कसाऱ्याकडे जाणाऱ्या प्रवाशांचा प्रवास रखडणार
बीएलओसाठी नियुक्त शिक्षकांना ‘अर्जित रजा’ मिळणार, सेवा पुस्तिकेत अर्जित रजेची नोंद करण्याबाबत प्रधान सचिवांकडे प्रस्ताव
प्रताप सरनाईक यांचं वक्तव्य; "अमराठी रिक्षा-टॅक्सी चालकांनी वर्षभराने आणखी मुदत मागू नये, मराठी शिकणं अनिवार्य"
मुंबईसह महाराष्ट्रातील अमराठी रिक्षा आणि टॅक्सी चालकांना मराठी शिकण्यासाठी देवेंद्र फडणवीस यांनी एक वर्षाची मुदत दिली आहे. यानंतर परिवहन मंत्री प्रताप सरनाईक म्हणाले, रिक्षा आणि टॅक्सी चालकांना जुजबी मराठी बोलता आलं पाहिजे यासाठी हिंदूहृदय सम्राट बाळासाहेब ठाकरे यांच्या नावाने मराठी भाषा शिकण्यासाठीचं अभियान सुरु केलं आहे. जे अमराठी रिक्षा आणि टॅक्सी चालक मुंबईत येतात त्यांना जुजबी मराठीचं ज्ञान असणं आवश्यक आहे म्हणून आम्ही हे अभियान सुरु ठेवलं आहे. माननीय मुख्यमंत्री देवेंद्र फडणवीस यांनी जुजबी मराठी शिकण्यासाठी एक वर्षाची मुदत दिली आहे. त्यानंतर जर तुम्ही परत निर्णय मागाल तर ते योग्य होणार नाही. मुख्यमंत्र्यांनी दिलेला निर्णय आम्हाला बंधनकारक असतो. पण आमच्या अभिनयातून त्यांना मराठी शिकावं लागेल. मुख्यमंत्र्यांनी जर निर्णय दिला आहे तर तो आम्हाला बंधनकारक आहे असं परिवहन मंत्री प्रताप सरनाईक यांनी म्हटलं आहे.
गणेशोत्सवासाठी मुंबई-मडगावदरम्यान चार विशेष रेल्वेगाड्या
अमराठी रिक्षा आणि टॅक्सी चालकांना मराठी शिकण्यासाठी एक वर्षाची मुदत, मुख्यमंत्री देवेंद्र फडणवीस यांची घोषणा
मुंबईसह राज्यभरातील अमराठी रिक्षा आणि टॅक्सी चालकांना देवेंद्र फडणवीस सरकारने मोठा दिलासा दिला आहे. या सगळ्यांना जुजबी मराठी शिकण्याठी सरकारने एक वर्षाची मुदत दिली आहे. या वर्षभरात कुठलीही कारवाई केली जाणार नाही असं आश्वासन देवेंद्र फडणवीस यांनी दिलं आहे. मराठी शिकण्यासाठी आम्हाला वेळ वाढवून द्या अशी मागणी करत रिक्षा आणि टॅक्सी चालक संघटनांचे प्रतिनिधी देवेंद्र फडणवीस यांना भेटले होते. त्यांच्या भेटीनंतर जी चर्चा झाली त्यानंतर देवेंद्र फडणवीस यांनी माध्यमांशी बोलताना हा निर्णय जाहीर केला.
जळगाव : म्हसावद रेल्वे उड्डाणपुलाच्या कामाला मिळणार गती; ४५.८२ कोटींच्या सुधारित खर्चाला मान्यता
OBC प्रमाणपत्रावरुन आधी सुप्रिया सुळेंवर केले आरोप, नंतर विजय वडेट्टीवारांचा माफीनामा; म्हणाले, "खेद..."
मुंबई-सुभेदारगंज विशेष रेल्वेगाडीचे अमृत भारत एक्स्प्रेसमध्ये रूपांतर, आठवड्याला १,८०० हून अधिक प्रवाशांना फायदा
सांगली: वृद्धांना दर्शनाचे आमिष दाखवून दागिने लुटणारा अटकेत; आठ गुन्हे उघड
डोंबिवलीत ठेकेदारांच्या हलगर्जीमुळे दोन कामगार गंभीर जखमी
सिंहस्थ कुंभमेळा ठरणार महिलांसाठी रोजगाराची पर्वणी; १० हजारांहून अधिक महिलांना संधी
कोल्हापुरात १०० कोटींचे रस्ते तरीही खड्डेच खड्डे; ठाकरेसेनेकडून खड्ड्यात वृक्षारोपण
सेवानिवृत्तांच्या पेन्शनची पुनर्रचना करण्याचे आदेश, मुंबई उच्च न्यायालयाच्या औरंगाबाद खंडपीठाचा निर्णय
एक लाख परदेशातील विद्यार्थी राज्यात शिक्षण घेण्याचे उद्दिष्ट
नेपाळमध्ये महाराष्ट्रातील ८० हून अधिक पर्यटक अडकले; चौघांशी संपर्क, जळगावच्या कुटुंबाशीही संपर्क
गोवेलीच्या जीवनदीप महाविद्यालयाला युवक महोत्सवात सर्वंकष चॅम्पियनशिप
सोलापुरात उच्चदाब टॉवरवर चढलेल्या मनोरुग्णाला सुखरूप उतरवले; पाच तास वीजपुरवठा खंडित
‘केडीएमटी’च्या बस बिघाडामुळे डोंबिवली एमआयडीसीतील प्रवाशांची दैना
सतेज पाटील - आमदार शिवाजी पाटील यांच्यातील भेटीने गोकुळ, जिल्हा बँकेच्या निवडणुकीला वेगळे वळण
तोच ऑगस्ट महिना, तेच ठिकाण... निगडीत BSNLच्या 'डक्ट'मध्ये पुन्हा दोघांचा मृत्यू; वर्षभरात घेतले ५ बळी
डोंबिवली देसलेपाड्यातील उच्चभ्रू सोसायटीतील सदनिकेत वेश्याव्यवसाय; दोन महिला, पुरुष मध्यस्थांविरुद्ध गुन्हा
अखेर श्वानांना खाद्य देण्याच्या निर्णयावर सत्ताधाऱ्यांचा घूमजाव; रस्ते, पदपथ वगळता इतर ठिकाणी खाद्य देण्यास मुभा देण्याचे संकेत
MPSC : पेपरफुटी प्रकरणानंतर आता एमपीएससीच्या कार्यालयात १ सप्टेंबरला आंदोलन… कोणी दिला इशारा, नेमक्या मागण्या काय?
नागपूर महापालिकेत सत्ताधारीविरुद्ध सत्ताधारी शीतयुद्ध, भाजप नेत्यांच्या मौनावर आश्चर्य!
गोंदिया: बेलगाव तलावात कीटकनाशकांमुळे हजारो मासे मृत; पाणी विषारी झाल्याचा संशय, चिचगड पोलिसांत तक्रार
Maharashtra News Live Updates: ‘सुप्रिया सुळे यांच्या नावाचा अनावधानाने उल्लेख’, विजय वडेट्टीवार यांनी मागितली माफी
"ओबीसी प्रमाणपत्राच्या संदर्भात माझी भूमिका मांडताना खासदार सुप्रिया सुळे यांच्या नावाचा अनावधानाने उल्लेख झाला. त्यामागे त्यांच्यावर कोणताही आरोप करण्याचा माझा हेतू नव्हता. अनावधानाने त्यांच्या नावाचा उल्लेख झाल्याबद्दल खेद व्यक्त करतो", अशा शब्दात काँग्रेसचे नेते विजय वडेट्टीवार यांनी सुप्रिया सुळेंची दिलगिरी व्यक्त केली.
पोलिसांचा वेढा भेदून तुपकरांची 'एंट्री'! मंत्र्यांच्या बंगल्याकडे जाताना पोलिसांनी पकडले; कार्यकर्तेही ताब्यात, पोलिसांची दमछाक
मुंबई-अहमदाबाद बुलेट ट्रेनचे ठाणे स्थानक जमिनीपासून १२ मीटर उंच का उभारले जात आहे?
एमपीएससी पेपरफुटी प्रकरणात ब्रेकअपचा धक्कादायक अँगल उघड. (Photo - Ai Generated / Gemini)
