Maharashtra Top News Updates: मुंबई-गोवा महामार्गावर उद्यापासून ५ दिवस ट्रक, मल्टीॲक्सल, ट्रेलर, लॉरी आदी जड-अवजड वाहनांना पूर्णतः बंदी

डोंबिवलीहून सकाळी ७ वाजून ५६ मिनिटांनी सीएसएमटीच्या दिशेनं जाणारी लोकल दिवा व मुंब्रादरम्यान सिग्नल लागल्यामुळे थांबली असताना त्यातून एक महिला प्रवासी खाली पडल्याची घटना समोर आली आहे. सीएसएमटीच्या दिशेकडच्या पहिल्या महिला डब्ब्यातून ही महिला खाली पडली. लोकलमध्ये झालेल्या तुडुंब गर्दीमुळे दरवाज्यातही अनेक प्रवासी लटकल्याचं नेहमीचं चित्र या लोकलमध्ये दिसत होतं. तशीच गर्दी महिला डब्यातही होती. मात्र, गर्दी प्रमाणाच्या बाहेर गेल्यामुळे दारात लटकलेल्या अवस्थेतील सदर महिला हात सुटून खाली पडली. लोकल जागेवरच थांबलेली असल्यामुळे महिलेला किरकोळ दुखापत झाल्याचं सांगितलं जात आहे.

मला महाराष्ट्रात २५ मिलियनहून अधिक बहिणी आहेत. महिलांच्या बँक खात्यात आर्थिक मदत थेट जमा केली जाते. अल्प उत्पन्न कुटुंबांना याचा फायदा होतो. ही चॅरिटी नाही. यातून महिलांचं सबलीकरण होतं. त्यांच्यात आत्मविश्वास वाढतो. त्या आर्थिकदृष्ट्या स्वतंत्र होतात. जेव्हा महिला आर्थिकदृष्ट्या स्वतंत्र होतात, तेव्हा संपूर्ण कुटुंबाला त्याचा फायदा होतो - एकनाथ शिंदे, उपमुख्यमंत्री

मुंढवा प्रकरण न्यायप्रविष्ठ आहे. पण मला एवढंच वाटतं की पार्थ पवारांनी लवकरात लवकर एक पत्रकार परिषद घेऊन वस्तुस्थिती लोकांना सांगावी. पूर्वी अजित पवार असताना ते स्वत: मीडियासमोर जाऊन काय वस्तुस्थिती आहे हे सांगत होते. त्यामुळे पार्थ पवारांना आता पत्रकार परिषद घ्यावी लागेल असं मला वाटतं - रोहित पवार