Maharashtra Breaking News Highlights, 27 May 2026: देशभर खळबळ उडवून देणाऱ्या ‘नीट’ (NEET-UG) पेपरफुटी प्रकरणात केंद्रीय तपास यंत्रणेने (CBI) बुधवारी महाराष्ट्रात मोठी कारवाई केली आहे. सीबीआयने या घोटाळ्यात सहभागी असलेल्या आणखी दोघांना अटक केली आहे. राष्ट्रवादी काँग्रेसची मंगळवारी ‘देवगिरी’ या शासकीय निवासस्थानी पार पडलेली बैठक कमालीची वादळी ठरली. गेल्या काही दिवसांपासून पक्षात दुर्लक्षित झालेले ज्येष्ठ नेते सुनील तटकरे आणि प्रफुल पटेल हे दोघेच या संपूर्ण बैठकीत चर्चेचा मुख्य केंद्रबिंदू राहिले. विशेष म्हणजे, प्रफुल पटेल हे मुंबईत उपस्थित असूनही त्यांनी या महत्त्वाच्या बैठकीला दांडी मारल्याने राजकीय वर्तुळात चर्चांना उधाण आले आहे. दुसरीकडे स्थानिक स्वराज्य संस्थांच्या १७ विधान परिषद जागांसाठीच्या जागावाटपावरून महायुतीत पेच निर्माण झाला आहे, महाराष्ट्राचे मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि सुनेत्रा पवार आज दिल्लीत केंद्रीय गृहमंत्री अमित शाह यांची भेट घेणार आहेत. महाराष्ट्रातील अनेक जिल्ह्यांमध्ये पेट्रोल आणि डिझेलचा तीव्र तुटवडा जाणवत आहे. राज्यात उन्हाचा चटका असह्य झाला असून विदर्भाला उष्णतेच्या लाटेने वेढले आहे. वरील बातम्यांसहच महाराष्ट्रातील ताज्या घडामोडी जाणून घ्या…
Live Updates
Today's Marathi News Live Updates, 27 May 2026: महाराष्ट्रातील ताज्या घडामोडी जाणून घ्या…
Mumbai University LLM CET 2026 : विधि पदव्युत्तर सीईटी होणार 'या' दिवशी...
एलएलएम सीईटी १२ जून रोजी होणार दोन सत्रात परीक्षेचे आयोजन
...अधिक वाचा
Konkan Railway Monsoon Timetable : कोकण रेल्वेवर १५ जूनपासून पावसाळी वेळापत्रक; रेल्वे गाड्यांचा वेग मंदावणार
मुसळधार पावसात रेल्वे गाड्यांचा वेग ताशी ४० किमीपर्यंत कमी करण्याचे निर्देश लोको पायलटांना देण्यात आले असून सॅटेलाईट यंत्रणा सज्ज ठेवण्यात आली आहे. ...सविस्तर बातमी
सेव्हन हिल्स रुग्णालयाच्या खासगीकरणाला विरोध; फेरविचारासाठी प्रस्ताव प्रशासनाकडे परत...
अंधेरीतील सेव्हन हिल्स रुग्णालय खासगी संस्थेला चालवण्यास देण्याच्या पालिकेच्या प्रस्तावाला विरोधकांनी कडाडून विरोध केल्यामुळे हा प्रस्ताव फेरविचारासाठी परत पाठवला आहे. ...अधिक वाचा
वाडीबंदर येथे अत्याधुनिक बायो-टॉयलेट एएमआय प्रयोगशाळा; मध्य रेल्वेचा स्वच्छ व हरित प्रवासाकडे...
रेल्वे प्रवास दुर्गंधीमुक्त आणि स्वच्छ करण्यासाठी मध्य रेल्वेने मुंबईतील वाडीबंदर येथे अत्याधुनिक बायो-टॉयलेट जिवाणू चाचणी प्रयोगशाळा सुरू केली आहे. ...सविस्तर वाचा
पुण्यातील कुख्यात आंदेकर टोळीतील पाच जणांना अहिल्यानगरमध्ये अटक
पुण्यातील कुख्यात आंदेकर टोळीतील पाच जणांना अहिल्यानगर शहराजवळ स्थानिक गुन्हे शाखेच्या पथकाने अटक केली. त्यांच्याकडून ४ गावठी कट्टे, १० जिवंत काडतुसे जप्त करण्यात आली आहेत. ...सविस्तर बातमी
पिंपरी चिंचवड महापौरांचा गुन्हा दाखल करण्याचा इशारा अन् लेखा अधिकाऱ्यांनी दालनच रिकामे केले
मुख्य लेखा व वित्त अधिकारी प्रवीण जैन यांनी पुन्हा रुजू होणे टाळले. अर्जित रजा २४ मे रोजी संपल्यानंतरही जैन रुजू झाले नाहीत. दालनातील साहित्यही बुधवारी त्यांनी घरी नेले आहे. ...सविस्तर बातमी
MSRTC : तोट्यातील एसटी विभागांसाठी ‘पालक अधिकाऱ्यां’ची नियुक्ती; नफ्याकडे नेण्यासाठी व्यापक कृती आराखडा
परिवहन मंत्री प्रताप सरनाईक यांच्या अध्यक्षतेखाली झालेल्या बैठकीत इंधन बचत, महसूल गळती रोखणे आणि तिकीट चोरीवर कडक देखरेख ठेवण्याचा कृती आराखडा तयार करण्यात आला. ...अधिक वाचा
शहापूरमधील लघुपाटबंधारे विभागाचा दरवाजा चार महिन्यांपासून तुटलेल्या अवस्थेत
शहापूर पंचायत समितीच्या लघुपाटबंधारे विभागाचा मुख्य दरवाजा गेल्या चार महिन्यांपासून तुटलेल्या अवस्थेत असून महत्त्वाच्या शासकीय कागदपत्रांची सुरक्षा पूर्णपणे वाऱ्यावर पडली आहे. ...अधिक वाचा
रेल्वे स्थानकातील खाद्यपदार्थांच्या दरवाढीबाबत मध्य रेल्वेचे घूमजाव; दरवाढीचे परिपत्रक घेतले मागे
मध्य रेल्वेने स्थानकांवरील वडापावसह इतर खाद्यपदार्थांच्या दरवाढीचे परिपत्रक प्रवाशांच्या तीव्र विरोधामुळे अखेर मागे घेत मोठा 'यू-टर्न' घेतला आहे. ...अधिक वाचा
Ebola Virus Alert Maharashtra : इबोला प्रभावित युगांडामधील व्यक्ती राज्यात दाखल; राज्यातील आरोग्य यंत्रणा ॲक्शन मोडवर
युगांडामधून नागपुरात आलेल्या एका व्यक्तीला खबरदारी म्हणून २१ दिवसांसाठी गृह विलगीकरणात ठेवण्यात आले असून राज्यातील आरोग्य यंत्रणा हाय अलर्टवर आली आहे. ...अधिक वाचा
विश्लेषण : विक्रमी वाढीनंतर सोने-चांदीचे दर नरमले; पंतप्रधानांच्या आवाहनानंतरही खरेदी सुरूच?
पंतप्रधानांचे आवाहन केवळ मोठ्या गुंतवणुकदारांसाठीच आहे. लहान स्वरूपातील सामान्य ग्राहकांना पंतप्रधानांचा सल्ला बंधनकारक नाही, अशी सार्वत्रिक समजूत दिसून येते.
...अधिक वाचा
वसई-विरारमध्ये बकरी ईदची जय्यत तयारी; बाजारात लगबग आणि प्रशासकीय नियोजन
वसई आणि नालासोपाऱ्यात बकरी ईदनिमित्त बोकड बाजारात कोट्यवधींची उलाढाल होत असून कायदा व सुव्यवस्था राखण्यासाठी पोलिसांनी शांतता समितीच्या बैठका घेतल्या आहेत. ...वाचा सविस्तर
‘एफडब्ल्यूआयसीई’ने पुकारलेल्या असहकारामुळे रणवीर सिंगच्या अडचणीत वाढ ?
२०२३ मध्ये घोषणा झाल्यानंतर आजवर रखडलेल्या ‘डॉन ३’ या चित्रपटातून अखेर बाहेर पडण्याचा निर्णय रणवीर सिंगने गेल्यावर्षी डिसेंबरमध्ये घेतला. ...सविस्तर वाचा
बकरी ईदपूर्वी विरार पोलिसांची मोठी कारवाई, ४२ शेळ्यांसह पिकअप वाहन जप्त
मंगळवारी रात्री विरार पोलिसांचे पथक तपासणी करण्यासाठी साईनाथ नाका परीसरात तैनात करण्यात आले होते. ...सविस्तर बातमी
मफतलाल कंपनीची जमीन विकून थकबाकी द्यावी, कामगार संघर्ष समितीची मागणी
कळवा येथील मफतलाल इंजिनिअरिंग इंडस्ट्रियल लिमिटेड ही कंपनी २७ मे १९८९ रोजी कोणतीही पूर्वसूचना न देता कंपनी बंद करण्यात आली होती. ...अधिक वाचा
डिझेल वितरणाबाबत प्रशासनाने घेतला ‘हा’ महत्त्वपूर्ण निर्णय; आता शेतकऱ्यांना स्वतःच्या वाहनासह ४० लिटर…
गेल्या काही दिवसांपासून सोशल मीडियावर पेट्रोल आणि डिझेलचा तुटवडा निर्माण होणार असल्याची अफवा पसरवली जात आहे. यामुळे नागरिकांमध्ये भीतीचे वातावरण निर्माण झाले असून पेट्रोल पंपांवर अनपेक्षित गर्दी पाहायला मिळत आहे. ...सविस्तर बातमी
गावदेवी मंडईतील आगीनंतर सरकारी कार्यालयांचे स्थलांतर; ‘या’ विभागांचे नवे पत्ते जाहीर
गावदेवी भाजी मंडई ही तळ अधिक दोन मजल्यांची इमारत असून तळमजल्यावर मंडई आणि त्या खाली वाहनतळ होते. ...अधिक वाचा
रेल्वे प्रवाशांसाठी महत्वाची बातमी : जून महिन्यात महाराष्ट्र, गुजरात, पश्चिम बंगालमधील ७७ ट्रेन रद्द; अनेक गाड्यांचे मार्ग बदलले
बिलासपूर रेल्वे मंडळाच्या चांपा स्थानकावर चौथ्या रेल्वे लाईनचे काम सुरू असल्याने रेल्वे प्रशासनाने जून २०२६ मध्ये तब्बल ७७ गाड्या रद्द करण्याचा निर्णय घेतला आहे. ...सविस्तर वाचा
अंबरनाथ पूर्वेत दर शुक्रवारी पाणीकपात, चिखलोली धरणातील पाणीसाठा खालावल्याने मजीप्राचा मोठा निर्णय
महाराष्ट्र जीवन प्राधिकरणाच्यावतीने २९ मेपासून दर शुक्रवारी चिखलोली धरणातून होणारा पाणीपुरवठा पूर्णपणे बंद राहणार आहे. ...सविस्तर बातमी
किशोरवयीन मुलींसाठी ‘एचपीव्ही’ लसीकरण मोहीम
पालकांनी कोणत्याही अफवा किंवा गैरसमजांवर विश्वास न ठेवता आपल्या मुलींचे लसीकरण करून घ्यावे, असे आवाहन ठाणे जिल्हा आरोग्य विभागामार्फत करण्यात आले आहे. ...सविस्तर वाचा
पेट्रोल दरवाढीची चिंता मिटली! नितीन गडकरींची वाढदिवसानिमित्त देशवासियांना विशेष भेट, जून महिन्यात बाजारात येणार नवीन गाडी ज्यामुळे…
वाढदिवसाच्या दिवशी गडकरींनी प्रसार माध्यमांशी संवाद साधताना काही महत्त्वाच्या घोषणा केल्या आहेत. ...अधिक वाचा
बँक कर्मचाऱ्यांवर कारवाई करण्याची भूसंपादन अधिकाऱ्यांची मागणी
वाढवण बंदर भूसंपादनाचा मोबदला बँक खात्यात जमा होताच खाजगी बँकेच्या हलगर्जीपणामुळे आदिवासी लाभार्थ्याला ५० लाखांचा फटका बसला आहे. ...अधिक वाचा
ठाण्याच्या वेशीवर मिठागरांच्या जागेवर नवी धारावी, मिठागरे वाचविण्यासाठी जनआंदोलनाचा इशारा
या पार्श्वभूमीवर मिठागरे वाचवा समितीने ७ जून रोजी वझे-केळकर महाविद्यालयाजवळ शांततापूर्ण जनआंदोलनाची हाक दिली असून, यामुळे धारावी पुनर्वसनाचा वाद अधिक चिघळण्याची शक्यता निर्माण झाली आहे. ...सविस्तर वाचा
एकनाथ शिंदे यांचा ‘मिशन मराठवाडा’ प्रयोग, राष्ट्रवादीच्या मतदारसंघात शिवसेनेचे शक्तिप्रदर्शन
मुख्यमंत्री फडणवीसांकडे तक्रार केली म्हणून वसतिगृहातून बाहेर काढले, अखेर बावनकुळेंनी मध्यस्थी केली आणि….
मुख्यमंत्री देवेंद्र फडणवीस यांनी वसतिगृहामध्ये कुलरची सुविधा करावी अशा सूचना दिल्या होता. परंतु, त्यानंतरही सामाजिक न्याय विभागाने याकडे दुर्लक्ष केल्याने अखेर विद्यार्थिनी आकांक्षा उके हिने थेट मुख्यमंत्री देवेंद्र फडणवीस यांच्याकडे तक्रार केली. ...सविस्तर वाचा
विधान परिषद निवडणूक : भाजपच्या ‘बिनविरोध’ खेळीला काँग्रेसकडून शह?
नागपूर जिल्ह्यातील स्थानिक स्वराज्य संस्था मतदारसंघातील विधान परिषद निवडणूक बिनविरोध व्हावी यासाठी भारतीय जनता पक्षाकडून प्रयत्न सुरू असतानाच, ही निवडणूक लढवण्याचे संकेत काँग्रेसने दिले आहेत. ...वाचा सविस्तर
कोलशेतमध्ये विषारी धुळीचा प्रकल्प अखेर बंद, रहिवाशांच्या आरोग्याशी खेळ थांबला, पर्यावरण कार्यकर्त्याच्या लढ्याला यश
५० हजार रुपयांचा दंड आणि भोगवटा प्रमाणपत्र (OC) रद्द करण्याची नोटीस देऊनही विकासकाकडून काम सुरूच होते. ...सविस्तर वाचा
एटापल्लीत बेकायदेशीर उत्खननाचा घाट; ग्रामसभेला डावलल्याने संताप, पुस्के-मोडस्के परिसरात हालचालींना वेग…
सामूहिक वनहक्क व पेसा कायद्यांतर्गत संरक्षित असलेल्या या भागात काही कंपन्यांकडून सर्वेक्षण, ड्रिलिंग तसेच वृक्षतोडीचे प्रयत्न सुरू असल्याचे सांगत ग्रामस्थांनी तीव्र नाराजी व्यक्त केली आहे. ...अधिक वाचा
डोंबिवली निळजे लोढा हेवनमध्ये स्पा सेंटरच्या नावाखाली वेश्या व्यवसाय; मालकीण अटकेत मसाजसाठी ३ हजार, शरीरसुखासाठी ५ हजार
अनैतिक मानवी वाहतूक प्रतिबंधक कक्षाने बनावट ग्राहक पाठवून ही धाडसी कारवाई केली. ...अधिक वाचा
महाराष्ट्र न्यूज लाइव्ह अपडेट्स (छायाचित्र: लोकसत्ता ग्राफिक्स टीम)
