Maharashtra News Updates : संजय राऊत पुन्हा हातात तलवार घेऊन मैदानात दिसतील – उद्धव ठाकरे

उद्धव ठाकरे यांनी प्रकृतीची चौकशी करण्यासाठी आज संजय राऊत यांची भेट घेतली. यावेळी त्यांनी संजय राऊत लवकरच बरे होऊन परततील असेही सांगितले. उद्धव ठाकरे म्हणाले की, आम्ही तसं रोज संपर्कात असतोच, पण हल्ली मी त्यांना रोज फोन करत नाही, त्यांच्या तब्येतीबद्दल सुनील यांना छळत असतो. खूप दिवसांपासून भेटायचं होतं, आज भेट झाली, भेटून चांगलं वाटलं. ते आज खूप फ्रेश दिसले.

तसेच संजय राऊत पुन्हा एकदा मैदानात दिसतील, इतकेच नाही तर ते हातात तलवार घेऊन दिसतील, असेही उद्धव ठाकरे यांनी माध्यम प्रतिनिधींशी बोलाताना सांगितले.

बीडमध्ये राष्ट्रवादी काँग्रेसच्या प्रचारासाठी आलेल्या उपमुख्यमंत्री अजित पवार यांनी नुकतेच भाजपामध्ये प्रवेश केलेल्या डॉ. योगेश क्षीरसागर यांच्यावर टीका केली. आमच्याकडे सगळे एबी फॉर्म मागत होते. पक्ष तुझ्या काकाचा आहे का असे अजित पवार यांनी म्हटले होते. यावर आता भाजपा नेते डॉ. योगेश क्षीरसागर यांनी अजित पवार यांना प्रत्युत्तर दिले आहे.

पक्ष माझ्या काकाचा नाही. पक्ष तुमच्याच काकाचा आहे तो व्यवस्थित चालवा. अशा शब्दात भाजपचे नेते डॉ. योगेश क्षीरसागर यांनी अजित पवार यांच्या टीकेला प्रत्युत्तर दिले आहे. क्षीरसागर म्हणाले की, बीडमध्ये खालची टोळी जमा झाली त्यांनी काहीतरी मिस फीड दादांना केले. मी अजित पवारांना स्वतः बोलण्याचा प्रयत्न केला होता. त्यांच्या व्यस्त शेड्युलमध्ये माझे काही बोलणे झाले नाही. परंतु, त्यांनी सुद्धा तशी विचारणा मला केली नाही. त्यांना काही प्रिफिड केलं असेल आणि त्यांनी काही निर्णय घेऊन ठेवले असतील तर मी त्याच्यात काही बोलू शकत नाही. पक्ष हा माझ्या नाही त्यांच्याच काकांचा आहे. त्यांनी तो व्यवस्थित सांभाळावा आणि खालच्या लोकांनी काय सांगितले त्याची शहानिशा करावी, म्हणजे त्यांना सत्य परिस्थिती काय ते कळेल असे देखील डॉ. योगेश क्षीरसागर यांनी म्हटले आहे.