Mumbai News Today, 26 September 2022 : राजस्थानमध्ये सध्या राजकीय घडामोडींना वेग आला आहे. राजस्थानचे मुख्यमंत्री अशोक गेहलोत यांना समर्थन देणाऱ्या ८० हून अधिक आमदारांनी विधानसभा अध्यक्षांकडे एकत्रित राजीनामा सादर केला आहे. सर्व आमदारांनी रविवारी रात्री उशिरा विधानसभा अध्यक्ष सीपी जोशी त्यांच्या निवासस्थानी जाऊन राजीनामे सादर केली आहेत. काँग्रेस घटकपक्ष असलेलं महाराष्ट्रातील महाविकास आघाडी सरकार कोसळल्यानंतर राजस्थानातील काँग्रेस सरकार कोसळण्याची शक्यता आहे. अशोक गेहलोत हे काँग्रेस अध्यक्षपदाच्या निवडणुकीत उतरले आहेत. ‘एक व्यक्ती, एक पद’ या नियमामुळे त्यांना मुख्यमंत्रीपद सोडावे लागणार आहे. यामुळे गेहलोत यांच्या ८० हून अधिक समर्थक आमदारांकडून हाय-होल्टेज ड्रामा सुरू आहे. दुसरीकडे महाराष्ट्रातही 'पाकिस्तान जिंदाबाद'च्या घोषणांमुळे राजकीय वातावरण तापलं आहे. अनेक पीएफआयच्या कार्यकर्त्यांना ताब्यात घेतलं आहे. या घडामोडींसह राज्य, देश तसेच जगभरातील घडामोडींचा आढावा एका क्लिकवर…
