Maharashtra Live News Today : राज्यात विधान परिषदेच्या दहा जागांसाठी नुकतीच निवडूक झाली. या निवडणुकीत भाजपाचे पाच तर महाविकास आघाडीचे पाच उमेदवार निवडून आले. काँग्रेस आणि शिवसेनेची मतं फुटल्यामुले काँग्रेसचे उमेदवार चंद्रकांत हंडोरे यांचा पराभव झाला. हा पराभव म्हणजे महाविकास आघाडीसाठी मोठा धक्का समजला जात असून या निमित्ताने महाविकास आघाडीतील आमदारांमधील बेदिली समोर आल्याचे म्हटले जात आहे. या निवडणुकीमध्ये मतांची फाटाफूट झाल्यामुळे महाविकास आघाडीतील घटक पक्षांच्या शीर्ष नेतृत्वांनी ही बाब गांभिर्याने घेतली आहे. शिवसेनेच्या सर्व आमदारांची आज बैठक घेण्यात येणार आहे. तसेच काँग्रेसच्या सर्व आमदारांना दिल्लीला तातडीने बोलावले असल्याची माहिती मिळते आहे. दुसरीकडे राज्यात मान्सून पावसाला सुरुवात झालीय. त्यामुळे राज्यात शेती कामांची लगबग सुरू आहे. राज्यातील अनेक ठिकाणी पावसाच्याही अपडेट्स येत आहेत. याशिवाय करोना काळानंतर आता शाळाही सुरू झाल्यात. त्यामुळे शाळांमध्ये देखील विद्यार्थ्यांची हजेरी दिसत आहे. युक्रेन व रशियातील संघर्ष, शेअर बाजारातील चढउतार अशा विविध घडामोडी राज्य, देश, आंतरराष्ट्रीय पातळीवर तसंच इतर क्षेत्रात घडत आहेत. या सर्व घडामोडींचा एकाच ठिकाणी आढावा
