Maharashtra Latest News Updates : महावितरणचे अधिकारी आणि कर्मचारी आज ( ४ जानेवारी ) तीन दिवसांच्या संपावर गेले आहेत. भांडुप कार्यक्षेत्रात अदानी वीज कंपनीला वितरण परवाना देऊ नये, या मागणीसह वीज क्षेत्राच्या खासगी करणाविरोधात वीज कर्मचाऱ्यांनी संप पुकारला आहे. तसेच, विरोधी पक्षनेते अजित पवार यांनी छत्रपती संभाजी महाराजांबद्दल केलेल्या वक्तव्यावरूनही महाराष्ट्रात आरोप-प्रत्यारोप सुरु आहेत.
