Maharashtra Breaking News Updates: महाराष्ट्राचे गृहमंत्री देवेंद्र फडणवीस यांच्यावर महाराष्ट्राचे माजी गृहमंत्री अनिल देशमुख यांनी गंभीर आरोप केले. तसंच या प्रकरणात समित कदम यांचंही नाव घेतलं. ज्यानंतर समित कदम यांनी माध्यमांसमोर येत देवेंद्र फडणवीस यांचा या प्रकरणाशी काही संबंध नाही असं म्हटलं आहे. तर आज संजय राऊत यांनी माध्यमांशी संवाद साधताना अनिल देशमुख यांचे आरोप योग्य आहेत, मला त्याची खात्री आहे असा दावा केला आहे. तसंच देवेंद्र फडणवीस हे महाराष्ट्राच्या राजकारणातील खलनायक आणि कळीचा नारद आहेत अशीही टीका केली आहे. महाराष्ट्रात मणिपूर सारखी स्थिती निर्माण होऊ शकते असं शरद पवार यांनी म्हटलं आहे. महाराष्ट्रातल्या ताज्या घडामोडींचे लाईव्ह अपडेट्स
